永樂冰室 中環

永樂冰室 評價 相片

平日唔想行咁遠，又唔想出去食，近近地買個外賣就算，點知買到返去。

第一次食前影相係因為食物質素太差，亦都係第一次食物差到要上黎特登寫食評！依碗胡椒豬肚湯米，係多呀，多白恰雞肉囉，仲係食落就知雞肉另外恰好加上去，同碗野完全唔夾之餘，豬肚得3條，冇胡椒味，仲要買返公司都唔洗5分鐘就冇哂湯！依碗野$60，講真$30都唔值，價錢都係其次，食物質素要對得住個價錢先得架！最後碗野食左一半就冇食，乾到咁，又冇味，食緊減肥餐咁樣，完全唔知自己食左d乜

下午去咗香港機鐵站間永樂冰室，叫咗簡單茶餐，多士炒蛋+沙嗲牛肉丁，食物味道差，好難想像一間位於中環ifc範圍嘅舖頭，可以差到呢個地步，喺同一層冇一間餐廳會比佢難食。

當然，間餐廳都冇裝修可言喇..............................

某個需要去IFC上班嘅星期日，下午一點幾放飯嘅時候，發現每間連鎖餐廳都已經坐滿嘅姐姐們，唯有走返入去Ifc 或者機鐵站入邊搵食啦😪行行下見到有間叫永樂冰室嘅食店，望落去乾乾淨淨似乎幾食得過就行左入去坐低左。

望住佢張點餐紙，我一度定義唔到呢間樣到底係食咩？🤔 最後我決定唔理啦，揀左個感覺唔太伏嘅野食—胡椒豬肚雞湯米線雖然本人都頗為喜愛食胡椒豬肚，但令我覺得驚喜嘅點係竟然佢係有雞件，一心以為佢只係用雞湯做湯底嘅米線，點知原來係 雞 湯米線😌首先豬肚好有咬口，雞件都有鮮味，但係豬肚配咸酸菜呢個「電劣」真係唔係咁易打破🤦🏻‍♀️，所以感覺係會有啲缺失，加上胡椒略嫌爆得唔夠香，胡椒粒嘅辣佢釋放到，但係個香就差左少少。

價錢賣你$65 ，仲有杯豆漿送，以中環區黎講尚算合理整體表現，個人認為不過不失，我會比6分

因為送機嘅關係，我地香港站checkin左就係附近搵野食，lunch hour都知中環呢個時間搵野食有難度，行過左幾間都排晒隊，竟然呢間冇，daddy就決定入去食個快嘅算數，一入就有位，3位明明有4人枱唔比，指我地去另1張有1個食緊嘅，要我地搭枱，都唔緊要，想做多單生意...明白嘅。

叫左2款餃子，1個藩茄牛肉麵，餃子黎到一咬開...未熟嘅，即刻叫姐姐過黎換左佢，第2轉黎個份放入口食先係feel到係熱嘅，之前個份究竟係擺耐左定係點之後黎左藩茄牛肉麵佢聲稱係台式嘅，黎到冇即刻影相，但個狀態係1碗豉油湯烏冬，有2片牛展嘅物體，中間仲有1堆紅色嘅醬，起初以為佢比錯左辣牛肉麵，但原來個埋係茄醬黎嘅(暈)不得了... 真係唔怪之得lunch hour都可以唔洗等位，入去咁耐都冇坐滿人... 真係冇下次

香港站內唔係好多選擇永樂冰室lunch 選擇有8 款，見唔係好多人就試下點左個酸辣湯加餃子$44因為真係好少人，等左一陣就已經有點知反到去打開個蓋先知錯左比左新竹米粉我🌚🌚🌚由於太遠所以都冇再落去換個米粉冇乜味，而且第一次食到D肉碎都可以甘”鞋”口餃子係招牌餃，即係白菜豬肉餃，原本想食韮菜餃，不過lunch 唔可以轉，有6 隻，同樣唔好食，D皮又厚，肉又散又多粉，D肉好糊口😖最犀利係連辣油同豉油都可以好淡，冇乜味🤨然後食完後先有人同我講，呢間店出名長期唔洗排隊，食快餐店一定會更好食

永樂冰室餐單提供港式, 茶餐廳, 冰室等推介美食位於中環區，餐廳座位數60人均消費約$50以下，結賬可以用現金，Booking訂位可以電話致電 28992129 查詢。

您對於中環餐廳「永樂冰室」有何 comment？

永樂冰室餐廳詳細資料：

• 永樂冰室地址:
  中環港鐵香港站地下1層HOK12C號舖
  永樂冰室, Shop H O K12 C, U G/ F, Hong Kong M T R Station, Central
• 永樂冰室電話: 28992129
• 永樂冰室價錢: $50以下
• 分類: 港式, 茶餐廳, 冰室
• 座位: 60
• 付款: 現金
• FB專頁: 永樂冰室 Facebook

更多永樂冰室相關資料:

• 永樂冰室分店
• Youtube
• Facebook
• Twitter
• Google