月山 中環

月山 評價 相片

🥰 話說 “暑期工” 番工時同我冇乜兩句, 因爲睇唔同行業板塊, 又坐得遠, 又唔玩LOL, 所以唔熟. 畢業幾年之後, 佢轉睇科技股, 多咗交流, 又多咗睇我寫食評.🤗 “暑期工” 心血來潮話請食飯, 揀咗 “月山” 晚市廚師發板, 我反問咗十次: “好貴喎, 係咪真?”. 雖原因未明, 但值得欣賞.⛩ 餐廳以漁船設計分隔出壽司吧枱位置, 樓底又夠高, 氣氛格調十分讚. 不過唔知點解, 縈住講嘢容易俾隔籬枱聽到. 今晚點咗 “汐” Shio Omakase, $1988+10%. 清酒貴到揀唔落手, 最後點咗支六佰中嘅…前菜華漣蠔深海池魚赤貝鰆魚鮮魷魚馬糞海膽燒白鰻金目鯛北寄貝平貝炸白蝦櫻鱒螢光魷魚沙甸魚池魚, 醬油蛋黑鯥魚中拖羅大拖羅吞拿魚蓉海膽A5和牛江戶前玉子燒九州清雞湯舞茸菇北海道赤肉蜜瓜併大福餅🍸 前菜: 聽唔清楚明目. 上面一塊山葵葉, 唔知做乜, 呢兜嘢包羅萬有, 海膽, 幼海鰻, 車厘茄, 梅味素麵, 高湯. 老實講, 乜都溝埋一齊, 唔知想點.🦪 華漣蠔, 長崎縣, 又名 “初代王者”. 生蠔厚肉, 忌廉口感, 略帶海水味, 裙邊部份非常爽口, 整體表現出色.🐟 深海池魚, 又名縞鰺, 配梅酒水啫喱. 水啫喱提升唔到魚嘅味道, 唔識欣賞.🐚 赤貝, 北海道, 配淡雪鹽. 赤貝正常發揮, 淡雪鹽由岩鹽同米造成, 睇落幾靚.🐟 鰆魚, 配醬油芝麻脆脆 (由大豆小麥芝麻調配而成), 又再配京蔥. 鰆魚肥美, 脆脆加京蔥增添口感及味道層次, 十個讚!🐡 鮮魷魚馬糞海膽. 我唔特別鍾意食魷魚, “暑期工” 大讚海膽好食, 我就覺得麻麻哋, 有一陣味.🐠 燒白鰻, 配紫菜. 燒咗梗係好食.🍣 金目鯛, 配柚子皮. 油份充足, 掂喎!🥰 北寄貝, 輕輕炙燒表面. 嗱, 食落唔覺燒咗, 但味道迫哂出嚟, 海水味突出, 又夠大隻, 口感充實, 爽甜, 今晚驚喜之一, 亦係我食過最好食嘅北寄貝.🐚 平貝, 又玩炙燒, 配紫菜. 平貝口感似熟咗嘅帶子, “暑假工” 話好食, 我覺得發揮唔到.🍤 炸白蝦. 好食!🍣 櫻鱒. 魚脂比例略高, 食唔到軟綿綿嘅口感. 太似三文魚, 可惜.🦑 螢光魷魚. 應該係燒過嘅, 又冇乜香味, 唔算爆膏, 略為失色.🐟 沙甸魚, 配煙燻蘿蔔. 沙甸魚肥美, 蘿蔔嘅酸味一開始有點搶, 中段煙燻味慢慢滲出, 效果出色.🐟 池魚, 醬油蛋, 配麻醬. 醬油蛋令池魚入口更柔滑, 口感豐富, 有趣嘅組合. 師傅仲俾咗舊飯我哋撈嚟食.🍣 黑鯥魚, 又玩炙燒. 油份豐富, 冇得輸.🍣 中拖羅, 醬油漬. 拖羅滑溜, 醬油味道非常甘香, 我鍾意.🍣 大拖羅, 又玩炙燒. 肥美, 一流!🤗 吞拿魚蓉海膽. 口感澎湃, 好食喎!🐂 A5和牛, 姫路. 熱盤嚟講, 牛比魚穩陣, 可能已經幾飽, 感覺一般般, 少少韌.🍮 江戶前玉子燒. 極似海綿蛋糕, 唔錯.🥣 九州清雞湯舞茸菇. 夠熱, 濃味.🍈 北海道赤肉蜜瓜併大福餅. 完美結束.🤗 總結: 環境格調走高檔路線, 空間感非常足夠, 服務到位, 係縈住隔籬枱聽到我哋講嘢, 有點 “唔自在”. 師傅講解食物非常詳盡, 有問必答. 論食物, 整體表現平穩, 驚喜位包括北寄貝, 鰆魚, 沙甸魚.🥰 一路食, 一路亂彈, 又一路亂讚, 師父聽到打冷震, 用餐體驗愉快.

月山環境非常優雅清幽，但比起尖沙咀嘅姐妹店日山，呢度嘅裝修就比較黑。

好彩職員安排咗窗口位，所以都有日光伴隨呢餐佳餚。

好多人都會選擇食Omakase, 不過今次想慶祝一下，所以選擇咗食貴少少嘅Tasting Lunch Menu，包7款精緻菜式。

第一道菜先有松葉蟹茶碗蒸，蒸蛋嫩滑，蛋味唔算好濃郁，配合鮮味十足嘅海鮮。

第二道菜係北海道雲丹金槍魚腩杯，賣相精緻，刺身鮮甜，可以配搭放係一旁裝飾嘅紫蘇花一齊食。

第三道菜有吉列A5和牛，外脆內嫩，口感唔會好油膩，而且配搭嘅醬汁都非常特別。

之後第四道菜係慢煮北海道鮑魚，鮑魚肉質軟嫩，特別欣賞佢配合用鮑魚內臟打成嘅醬，鮮味十足。

第五道菜係煮物，職員未介紹之前以為係牛頰肉，但原來係煮得非常入味嘅金槍魚鮫。

金槍魚肉質又軟又嫩，湯汁味道香甜。

最後嘅主食係海鮮丼，刺身同配料種類非常豐富，而且每款刺身都好鮮甜，飯量唔算多，但係非常滿足。

甜品係日式菓子，麻糬皮好煙靭，包住來自沖繩嘅菠蘿，另外仲有清甜嘅蜜瓜配寒天。

月山係東京百年老店、日本米芝蓮餐廳日山嘅姊妹店，主打omakase同傳統日式會席料理。

餐廳以日式船屋同竹林為設計主題，走高檔路線🎏空間感足夠，服務周到。

午市omakase $888一位，有十五至十七貫，個人認為除左食物，依個價錢係包括左服務同環境嘅😝除左主角刺身壽司外，幾款固定菜式都好食，包括混合蝦漿令口感似古早蛋糕嘅江戶前玉子燒、九州清雞湯舞茸菇配麵同北海道赤肉蜜瓜配草莓大福都唔錯！食omakase其中一個好處係可以多了解看似簡單但實際博大精深嘅日本料理🍣迪師傅用心同詳盡介紹每貫嘅特色。

以下係我印象最深刻嘅幾貫：🍱 前菜 (𝟠/𝟙𝟘)前菜包括蟹肉茶碗蒸、荷花嫰芽、柚子雜菌、新鮮菊花同山葵葉，師傳指示由左至右咁食，由淡食到濃。

荷花嫰芽質感甚有驚喜，同埋好似食緊果凍咁！柚子雜菌十分開胃，茶碗蒸就比較普通。

第一次食新鮮山葵，莖比葉味道濃烈，都幾得意😆🦑 愛媛縣烏賊 (𝟙𝟘/𝟙𝟘)師傅將魷魚切成麵條狀，魷魚彈牙之餘十分黏口，配濃濃嘅海膽汁同紫蘇花，無論口感同味道都係極緻享受，我食多五份都冇問題🥰🐙🍋 北海道水八爪魚 (𝟡/𝟙𝟘)師傅話依種八爪魚腳長一米，皮嘅質感比較軟滑似啫喱狀，但吸盤就好爽脆，適合作為刺身食用。

八爪魚配柚子酸汁，吸盤配青檸汁，一道菜內同時享受到兩種質感同口味，幾特別👍🏻🐟🧅 宮城縣煙燻鰹魚 (𝟡.𝟝/𝟙𝟘)鰹魚煙燻味濃配黃芥末籽，焦化京葱意想不到大有驚喜，配搭鰹魚食有助增加層次，獨立食好似食緊零食咁，停唔到口🤤🎣 手釣池魚 (𝟡/𝟙𝟘)正值當造季節，十分新鮮同肉質上乘！🔥🐟 火炙地金目鯛 (𝟡.𝟝/𝟙𝟘)金目鯛係日本市場分為三個等級，其中以地金目鯛品質最佳，無論係新鮮度、脂肪含量都係最頂級。

好肥美同味道好濃厚，好好食！🐟 蛇腹拖羅 (𝟙𝟘/𝟙𝟘)拖羅係吞拿魚魚腩，其中大拖羅係較為肥美嘅下半段。

蛇腹係真正最高級嘅大拖羅，雪花紋最多、油份豐富而入口即溶，真心有幸福感🥰🐟 鯖魚棒壽司 (𝟡.𝟝/𝟙𝟘)肉質清爽，調味清新，十分喜歡嘅一貫！🌟 Follow @gfgm.hk on Instagram for more 🌟

⁡月山的魅力在於私隱度十足，食物質素又夠穩定。

上次對Signature Menu印象深刻，今次則更愛Tasting Menu的創意和性價比。

⁡春天的菜單加入了很多清新的元素，譬如日向夏、赤海參酢漬、鰹魚出汁等等。

享受每道菜餚材料的原味之余，又增添清爽感，不會覺得過膩。

⁡兩款menu都相當出色，先付的燒蓬餅口感煙韌有點似嚼臘腸，子持昆布脆口特別🐟北海道雲丹金槍腩杯一如既往肥美甘甜；揚物則以Signature Menu的龍蝦東寺揚更勝一籌🦞東寺揚是一種將食材捲入紫菜與腐皮內的做法，腐皮薄脆而龍蝦彈牙鮮甜，配上自家制的芝麻汁味道很濃郁👅蒸物同樣是鮑魚，Tasting Menu是更為清甜的慢煮鮑魚，Signature Menu則以大船煮陪芋百合，汁甜味濃。

⁡論及當晚最愛，姬路西冷必定榜上有名(˵¯͒〰¯͒˵)煙薰後的A4和牛極香濃，唯油脂過猛建議要二人分享。

主食方面，私心偏愛月山海鮮丼，龍蝦雜炊則更清淡。

————————————————————◾️Tasting Menu (HKD 1,288)◎ 先付 薄切白魚刺身•日向夏水啫喱✨◎ 向付 雲丹海鮮剌身韃靼◎ 揚物 A5 和牛紫菜脆餅 ◎ 蒸物 慢煮北海道鮑魚 ✨◎ 煮物 北海道鱈魚 •鰹魚出汁◎ 御食 月山海鮮丼✨◎ 甘味 赤蜜瓜 | 草莓大福⁡⁡◾️Signature Menu (HKD 1,588) ◎ 先付 赤海參酢漬•赤足海老烏魚子 • 子持昆布 • 燒蓬餅✨◎ 向付 北海道雲丹金槍腩杯✨◎ 揚物 龍蝦東寺揚✨◎ 蒸物 鮑魚• 大船煮• 芋百合◎ 燒物 鱈場蟹• 雲丹醬◎ 強肴 A5 姬路西冷•春野菜 ✨◎ 御食 龍蝦雜炊◎ 甘味 赤蜜瓜 | 草莓大福⁡————————————————————♣️ 月山☌ 中環皇后大道中80號 H Queen's19樓◔12nm3pm; 6pm10:30pm⁡回頭率：🌕🌕🌕🌖🌑環境：🌕🌕🌕🌕🌑份量: 🌕🌕🌕🌗🌑味道：🌕🌕🌕🌖🌑價錢：HKD1582p.p(含10%服務費)

Order 左佢既signature set，價錢hkd 1588 ，不計加一，就只有7道菜，一道水果，沒有什何壽司或刺身。

當日水果是哈密瓜，淡而無味！食完根本不飽，食物都主要是普通lobster ，沒有太大特色，所以價錢不值，不推薦，下次一定不會再光臨！侍應方面，態度尚可，但對產品或食物知識很一般。

我反問是甚麼產地的蜜瓜時，只能說出是北海道密瓜，我再問是夕張蜜瓜嗎，他已答不出來。

總之，好後悔食呢餐，呢個價錢，可以有其他更好選擇。

月山餐單提供日本菜, 壽司, 刺身, 廚師發辦等推介美食位於中環區，餐廳座位數60人均消費約$401-800，結賬可以用Visa,Master,支付寶,現金,銀聯,Apple,Pay，Booking訂位可以電話致電 34991427 查詢。

您對於中環餐廳「月山」有何 comment？

月山餐廳詳細資料：

• 月山地址:
  中環皇后大道中80號HQueen's19樓
  Gassan, 19/ F, H Queen's,80 Queen's Road Central, Central
• 月山電話: 34991427
• 月山價錢: $401-800
• 分類: 日本菜, 壽司, 刺身, 廚師發辦
• 座位: 60
• 付款: Visa,Master,支付寶,現金,銀聯,Apple,Pay
• FB專頁: 月山 Facebook

更多月山相關資料:

• 月山分店
• Youtube
• Facebook
• Twitter
• Google