亞參雞飯 中環

亞參雞飯 評價 相片

上環必食之選值得推介海南雞飯雞好滑好嫩，雞味非常濃郁，又有油香！油飯好入味飯粒分明！湯絕對沒味精！.....賣相同味道簡直一流Cp值超高，回頭指數極高！我叫左杯咖啡超濃，估佢唔到😍..............................簡直好似去左旅行咁👍🏻👍🏻

經foodpanda嗌外賣，以為疫情冇乜人幫襯。

點知仲衰！叫了兩客海南雞飯，一杯拉茶。

點知一些配料都沒給。

只給了海南雞及飯。

姜蓉豉油辣椒醬乜都冇，以為舖頭冇乜嘢買，點知都搞唔掂。

咁少材料都做唔到，好失望！乾食.

疫情時期，食午餐都係外賣好啲。

午餐時段，外賣自取都幾快，唔使五分鐘就有，服務態度良好。

講返個飯，一打開就聞到陣陣香味，比一般嘅海南雞飯都要香。

所有雞肉都冇骨，包括雞翼（連我一向都唔食雞翼嘅人都食哂啲雞翼），真係細心。

雞肉好嫩滑，就連雞胸肉都咁嫩，師傅利害。

至於個湯，亦唔係一般嗰啲冬瓜加水湯，味道清甜，好有雞味，正！醬汁都同一般嘅有啲唔同，黑豉油有啲酒香味，同雞一齊食，非常之夾，感覺到師傅啲心機。

值得返食。

小弟自問都係一個「海南雞飯」嘅殺手，只要係出名嘅海南雞飯，無論幾遠，我都一定會去捧場。

最近有朋友話俾我聽，喺佢公司附近開咗一間新嘅海南雞飯專門店，成日排長龍，叫我去試吓。

喺疫情之下，星期六冇乜嘢做，專登由屋企大西北去到上環食「海南雞飯」。

好彩未到食飯時間，喺門口等左一陣，就可以入去坐，睇得出呢度嘅老闆對自己嘅海南雞飯好有信心，因為除咗海南雞飯之外，成個餐牌差唔多冇乜嘢可以揀。

所以，我都好簡單，揀咗海南雞飯套餐轉髀加可樂。

等左10分鐘之後，海南雞飯套餐上枱，雞嘅份量都算充足，望落油份亦很足夠。

即刻忍唔住，飲咗一啖湯之後，夾左一舊雞髀試吓，食完第一舊之後，即刻叫侍應攞返個餐牌睇吓，唔係講笑，「雞有雞味」！原來呢一間餐廳話自己係用「三黃雞」去做海南雞飯，係呢個時勢，我都唔信會有餐廳用新鮮雞來做海南雞飯，但係呢一間真係做得好出色。

依家好多出名嘅海南雞飯，除咗食到嫩滑之外，其實雞味真係食唔出，呢間餐廳做得唔錯，抵讚！跟手試一試個油飯，我終於明白點解叫99分海南雞飯，個人口味，好食嘅油飯一定要食完之後好友罪惡咁先至叫做成功，可能呢一間餐廳都係主打附近嘅上班族，雞油嘅份量比較輕盈一點，如果唔係，佢可以係一個滿分嘅海南雞飯。

呢一餐飯食得我好滿足，亦不枉我專登由大西北出嚟，希望呢間餐廳可以好啲生意，之後可以開多幾間分店啦。

經過中環見到呢間新開嘅chicken rice 食店，櫥窗仲掛住一隻一隻大肥雞🐔🐔色彩鮮豔又肥美🤤 決定要入去踩踩點～！！原來呢間係主打星馬菜，第一次黎一於要試吓個海南雞飯，睇吓係咪真係99分🤩佢哋採用嘅係三黃雞，唔怪得知顏色咁靚，至於食落去，肉質鮮嫩多汁、好香雞味、口感豐富，配埋個獨有嘅黃飯同埋三款秘製醬汁，如虎添翼😆 睇相都見到，雞肉份量都唔少，絕對抵食。

最後飲埋個冬瓜清雞湯，鮮甜好飲！！真係大滿足😆

亞參雞飯餐單提供新加坡菜, 馬來西亞菜, 粉麵, 米線, 茶館, 主題餐廳等推介美食位於中環區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 26826162 查詢。

您對於中環餐廳「亞參雞飯」有何 comment？

亞參雞飯餐廳詳細資料：

• 亞參雞飯地址:
  中環威靈頓街174-178號地下低層C號舖
  Asam Chicken Rice, Shop C, L G/ F,174-178 Wellington Street, Central
• 亞參雞飯電話: 26826162
• 亞參雞飯價錢: $51-100
• 分類: 新加坡菜, 馬來西亞菜, 粉麵, 米線, 茶館, 主題餐廳
• 座位: 未知
• 付款: AlipayHK,支付寶,現金,八達通
• FB專頁: 亞參雞飯 Facebook

更多亞參雞飯相關資料:

• 亞參雞飯分店
• Youtube
• Facebook
• Twitter
• Google