Zuma Hong Kong 中環

Zuma Hong Kong 評價 相片

見到Hsbc做緊嘅Restaurant week有呢間餐廳, 即Book👌🏻!本身book咗枱, 所以去到唔洗等位就入咗去, 嗰陣係復活節假期, 成間餐廳都有8成full, 即使係fine dinning都唔少人🤔(btw 有dress code😅)Hsbc restaurant week嘅menu, 1 starter同main未計加一$290, 價錢好合理! 我同朋友各叫咗1 set再share食😀Starter 1: 薄切柑味油甘魚刺身. 因為配咗個橘子醬, 所以幾fresh, 略嫌油甘魚唔夠肥美🤔Starter 2: 火炙薄切和牛(+$80), 難得黎fine dinning一次, 唔介意加多小小錢食好嘢😂件和牛真係好「薄切」😂但幾juicy同牛味濃, 加錢都值👌🏻Main: 特式刺身飯, 唔好睇佢好似好少咁, 其實份量唔少, 只係外面啲刺身欺騙咗你😂入咗啲飯係實嘅(阿媽驚仔女食唔飽系列😂😂), 刺身幾鮮, 好多種類(如圖: 三文魚、吞拿魚、牛油果etc), 食完唔會膩. 再加上入咗嘅日本米飯(?), 整體高質👌🏻👌🏻^(朋友叫嘅魚, 仲有一碗飯)Overall: 值得一試, 特別係hsbc restaurant week嘅special menu太抵食🤩Service都好好, 基本上時時刻刻都有人cater客人嘅request.

❀ Zuma Hong Kong #中環 ❀❗️遍布世界各地現代日式居酒屋 食盡15道菜晚餐❗️——————————————————繼續係 DiningCity Restaurant Week嘅節奏！今次揀咗呢間現代日式居酒屋，位於置地廣場內，要喺側邊一部特別嘅𨋢先上到去，有兩層咁高，中間仲有條玻璃樓梯，更有室外露天位置，環境超大，氣派非凡。

呢間居酒屋係世界各地均有分店，亦曾經獲得 Miele Guide 亞洲二十大最佳餐廳🌟今次係品嚐restaurant week dinner menu，$680有成15道菜，大部份都非常出色，而且上菜速度快，服務質素亦好好，店員充滿活力，而且發現原來即使係restaurant week都可以order生日牌，非常貼心！自己唔係特別喜愛日本菜/居酒屋嘅人，但都覺得呢一間幾出色，食到超飽🥰！.✷𝑀𝑒𝓃𝓊✷☞ DiningCity Restaurant Week Dinner $680♥ 麵豉湯 (3.5/5)唔係麵豉湯嘅愛好者，一向唔太鍾意嗰種酸酸鹹鹹嘅味道，不過呢個內裏有豆味超重嘅豆腐同埋海帶，算足料👌🏻。

.♥ 薄切油甘魚配柚子松露汁 (3.8/5)相對普通啲🙈聞落去有香噴噴嘅松露味，但入口唔多覺，比柚子味蓋過咗，而且柚子味酸得來又好鹹，相對重口味咗啲。

.♥ 岩蝦天婦羅 (3.9/5)用上岩蝦製作嘅天婦羅🦐同平時一大條嘅長蝦天婦羅唔同，反而係細細粒。

口感亦冇平時嗰啲咁爽口，反而有啲似蝦餅。

配上沙律醬一齊食，係一個簡單可口嘅小食😆。

.♥ 迷你牛肉他他筒 (4.4/5)當初就係比呢一個頭盤所吸引 (唔知有冇人見到都諗起chaat嘅signature)，不過呢個就係好好食嘅他他🤩🤩🤩。

將牛肉剁蓉，唔似得平時咁大粒，加咗少少香蔥、芝麻，配上香脆嘅雪糕筒，內裏仲有少許朱古力脆皮，味道口感平衡得好好，超好食🥳！.♥ 辣味牛油果沙律 (4.4/5)雖然好普通，但係一個好味嘅沙律🥗！蔬菜極度新鮮，牛油果夠熟，最出色係表面仲有啲脆脆，撈埋一齊食超好味。

.♥ 火炙薄切和牛 +$100 (4.3/5)聽店員強烈推薦加咗呢個和牛，話係店舖嘅signature💫。

Size比我想像中細，不過油花的確好靚，輕輕咬一兩口就呑得。

超級有驚喜又未至於，不過的確係好食嘅牛。

.♥ 精選壽司及刺身組合 (4.6/5)♥ 日式生蠔刺身 (4.5/5)♥ 辣味油甘魚卷 (4.5/5)跟住終於嚟到壽司刺身嘅環節。

坦白講，自己對壽司刺身嘅要求唔算好高，除非好腥，如果唔係大部份都可以接受。

不過今次嘅壽司刺身真係有驚喜，係超有wow factor🤩🤩🤩！所有刺身都超新鮮鮮甜，生蠔就偏爽口。

另外壽司亦唔係普通魚生加飯，而係加入左各種調味☺️有紫菜芝麻味好香嘅油甘魚卷，亦有入口即溶配上脆片魚子嘅三文魚火炙壽司，加埋一個彈牙嘅墨魚壽司，全部都好好味！而且壽司飯微暖，唔會過酸，仲反而帶點甜味添，係好出色嘅壽司！.♥ 紫蘇牛油甜粟米 (4.6/5)一向唔食粟米嘅我超級鍾意呢道菜😚有少少似fukuro嗰個焦糖牛油粟米，不過今次就用上香草、紫蘇葉等等。

粟米本身嘅味道唔算好重，取而代之係表面嘅鹹鹹甜甜香香配料，所以我更加鍾意，味道層次分分鐘比起Fukuro嘅更豐富🥰！.♥ 三文魚伴芝麻青瓜漬物 (4.6/5)♥ 麥麵豉醬燒雞腿肉 (4.4/5)♥ 麻香辣汁燒牛柳 +$150 (4.4/5)已經好飽但仲有多道燒物🤯🐟三文魚真係煮得好出色，非常之滑，配上甜甜地嘅燒汁好好味！唯獨係皮比較韌，唔脆。

🐔雞髀肉就非常之滑溜，用上麥麵豉醬，所以味道偏鹹，如果可以送飯會更好。

🐮燒牛柳揀咗三成熟，非常粉嫩，但完全冇血水未。

切成牛柳粒咁，咬幾口就呑得。

雖然話係用辣汁，不過又唔多覺辣，反而覺得都係普通嘅甜豉油咁😂好味不過唔算非常特別，覺得如果加咗$100和牛就未必需要再加呢款牛柳，除非你想食兩兜雞肉 (一兜已經好多)🤣。

.♥ 綠茶香蕉蛋糕伴椰子雪糕及花生拖肥醬 (4/5)作為抹茶控會覺得呢一個綠茶蛋糕唔夠抹茶味🙈反而似係一個原味磅蛋糕。

味道主要就係花生拖肥醬，加上表面嘅糖漬香蕉，都好食但少少偏甜。

.♥ 日式香芒椰子燉蛋伴熱情果泡沫 (4/5)呢個就相對簡單，雖然話係燉蛋但似yogurt多啲，另外中間亦有少許慕絲泡沫。

主要係芒果同熱情果醬嘅味道。

——————————————————✨整體味道: 4.4/5 ✨環境裝修: 4.4/5✨服務態度: 4.4/5✨性價比: 3.8/5✨再訪興趣: 3.8/5 .💞整體來講食到非常滿足🥰雖然當中某些頭盤同埋甜品相對驚喜冇咁大，但絕大部份菜式都好高水準，尤其係壽司同刺身，真係非常鮮甜美味！另外好欣賞佢哋活力十足嘅服務，環境亦時尚現代，非常之靚，係慶祝佳選！

聖誕節想嚟食但訂唔到位，今次終於食到啦，曾獲餐飲指南 《Miele Guide》選為「亞洲20大最佳餐廳」之一，但唔知點解無乜YouTuber拍過vlog~餐廳環境好高樓底，開放式廚房，落地玻璃採光度高，枱之間好有距離，坐得好舒服。

職員同客人9成係外國人，有去左外國餐廳🍴feel因疫情，原本既自助餐形式改做點餐形式，Weekend Brunch有唔同級別Free Flow Champagne 🍾$988~$2130 ，唔飲酒Food only(including iced tea)$598侍應姐姐知道我哋第一次嚟，講解餐牌上所有菜式都會上一次先，之後可以無限order反你覺得好食既餸，同揀一個main course，最後會上甜品水果拼盤要數回本必食既，第1樣係生牛肉他他，係香港好難食到甘高質數，其次係刺身壽司拼盤同生蠔，生蠔雖然好細隻🦪但無損鮮甜蠔味剌身有三文魚、大甜蝦、帶子、油甘魚同吞拿魚赤身，吞拿魚赤身有身在日本食既感覺，香港10間有9間都好難食，就算係酒店自助餐都係！呢度剌身水準係我第一次係香港任食下食到，encore 3次已經回哂本😝主菜我哋揀左 tenderloin同(加錢$180)龍蝦🦞，tenderloin用炭火煎，煎到外面小小焦香，但入面仲係粉紅色軟嫩多汁，好食！龍蝦亦係超班水準，個汁有少少泰國風，食落好fresh，龍蝦肉好甜又彈牙，最估唔到係龍蝦頭到釀左剝好既龍蝦蟹鉗肉，由頭到尾都啖啖肉，好開心！食到尾我已經飽到想嘔，真係甘大個女第一次甘，個甜品水果拼盤真係唔太食到，只係食左小小雪糕，朱古力雪糕有朱古力碎片，又係好好食😭雲呢拿雪糕都唔錯#金魚姬食在中環

位於置地廣場5樓Zuma weekend brunch 首選需要提前一星期預約難得同朋友放假食個brunch 先，飲下酒食下壽司🍣壽司好新鮮，天婦羅都好好味😋仲有冷烏冬份量啱啱好主菜我哋點左牛肉，唔錯朱古力心太軟，入口即溶

Ig: Tummysready.都一段時間冇黎啦,食物嘅選擇依然都係咁多,有壽司,串燒,炸物,爐端燒…”炭燒帆立貝配海膽梅子牛油”同”麻香辣汁燒牛柳”依然都係我嘅推介;不過始終都係西式日本菜,想食正宗嘅就唔係黎呢到.🔻🍽 ZUMA📌 地址: 中環皇后大道中15號置地廣場5樓501503號舖.#tummysready #tummysreadyinhongkong #tummysreadyatcentral #tummysreadyforjapanese #tummysreadyforyakitori

Zuma Hong Kong餐單提供日本菜, 素食, 爐端燒, 壽司, 刺身等推介美食位於中環區，餐廳座位數150人均消費約$801以上，結賬可以用Visa,Master,現金,AE,銀聯,Apple,Pay，Booking訂位可以電話致電 36576388 查詢。

您對於中環餐廳「Zuma Hong Kong」有何 comment？

Zuma Hong Kong餐廳詳細資料：

• Zuma Hong Kong地址:
  中環皇后大道中15號置地廣場5樓501-503號舖
  Zuma Hong Kong, Shop501-503,5/ F, The Landmark,15 Queen's Road Central, Central
• Zuma Hong Kong電話: 36576388
• Zuma Hong Kong價錢: $801以上
• 分類: 日本菜, 素食, 爐端燒, 壽司, 刺身
• 座位: 150
• 付款: Visa,Master,現金,AE,銀聯,Apple,Pay
• FB專頁: Zuma Hong Kong Facebook

更多Zuma Hong Kong相關資料:

• Zuma Hong Kong分店
• Youtube
• Facebook
• Twitter
• Google