Golffee 中環

Golffee 評價 相片

今日同個friend2個女仔去午餐,我點了"燒鴨胸配飯",friend 點了"咖喱雞". 個南瓜湯鹹了點, 我個friend個咖喱雞先到,佢等埋我才吃,點知一等就等成半個鐘,個位小姐話幫我追,又冇回頭,隔離檯遲過我點菜都吃完了,卒之問到第三次才問我要唔要轉魚餐,因為師傅唔記得開爐,咁就早D話我知la! 轉頭就比碟燒鴨胸我,但我個friend 個咖喱雞己經由"出煙"變到"king"佐,都幾"糊"下. 不過個燒鴨胸好嫩,好好味,但個白飯就係"生米",好難"趙". 到叫餐飲,個位小姐記錯2次才落好單,但好趕時間,由佢la. 佢個抽油煙機唔知係咪壞了,好多煙,依家成身油煙味,頭先係銀行比人係咁望......我想我們不會再去幫襯了..

呢度環境都幾好, 座位都唔算太迫, 相對樓上的巴黎坐得舒服D.兩份午餐, 咖喱雞飯& 龍利柳薯菜.先來的意式雜菜湯幾足料, 加了丁點香草, 味道帶酸, 好0岩我.另蒜蓉多士一D都唔孤寒, 蒜蓉醬搽滿成片多士. 咖喱雞與飯分開上, 論賣相都唔差, 聞落亦頗香咖喱味, 但跟據朋友的意見, 食落就無咩辣味.我的龍利柳都唔差, 煎得香口, 配埋個香草白汁幾好味.薯菜係由一堆椰菜, 翠肉瓜(爽口, 有驚喜), 鮮冬菇而成.另加一球已調味的薯蓉, 唔錯.餐茶要凍飲都唔駛加錢的.全場約有三十幾個位, 但只有兩位侍應(有點似父女, 哈), 幸好他們都醒目而且有禮, 值得一讚.這裏放了不少有關Golf的物件, 連部plasma都播緊golf比賽呢.

係我個fd 建議來呢度食既，今日我地兩個女子各自叫set lunch：NZ肉眼扒：麻麻地，勁多筋，咬到牙都軟﹔餐湯：南瓜忌廉湯，好香好滑好好飲；蒜蓉飽都好香脆；熱咖啡：麻麻地，咖啡唔夠靚煎班塊：我個fd話幾好食呢度環境唔錯，服務幾好，價錢唔貴，可以再來。

今日得牛油果的安排，幾個Openrice的食友柴娃娃的入坪州打獨木舟水球。

太座則另有節目，大家出發前就來醫左肚先，佢話之前同朋友來吃過，幾好坐，所以就來了。

呢度以高爾夫為主題，有幾多有關的書及大半套棍在一旁。

十二點來到，非常清靜，連大廚都坐了下來忙於打機。

環境不錯，有大大張梳化位，雖然播的只是楊千樺，但與朋友來飲杯咖啡傾下計也不錯的。

由於昨晚得龍之役，吃的太多，飽到早餐及午餐都有點吃不下。

所以想叫點沙律或輕便的三文治就算，但原來這裡除了午市套餐的三款選擇外，便沒有其他，唯有隨便叫了杯咖啡就算，太座則叫了廚師三文治，跟Latte。

先來的洋蔥湯跟煎蓉包，渴了一口洋蔥湯，味道也過得去，起碼有不少煲腍了的洋蔥在內。

蒜蓉包則烘得過籠，硬硬的；廚師三文治是烘過的三層烟火腿三文治，都幾好食。

伴碟的什菜沙律下了油醋，太酸，醋亦刺喉，麻麻；我杯咖啡一般，唔算香濃。

太座的Latte更不濟，只得奶味，咖啡只得丁點，以一間咖啡室來說是不及格。

埋單70蚊正，如果希望找個地方坐坐，這裡也是個舒適的選擇。

Onion soup不太鹹，幾好。

龍蝦湯用柸上，湯上有一層忌廉泡，賣相似cappacino。

泰式青咖哩雞不辣，但份量十足，雞肉本身好味，而且滑。

蘑菇豬柳應該是用了scotch fillet，肉質相當好。

另外，老板非常友善。

惟甜品選擇較少，只有cheese cake。

Golffee餐單提供西式, 西餐廳, 咖啡店等推介美食位於中環區，餐廳座位數未知人均消費約$101-200，結賬可以用現金。

您對於中環餐廳「Golffee」有何 comment？

Golffee餐廳詳細資料：

• Golffee地址:
  中環皇后大道中118號1樓
  Golffee, 1/ F, No.118, Queen's Road Central, Central
• Golffee電話:  
• Golffee價錢: $101-200
• 分類: 西式, 西餐廳, 咖啡店
• 座位: 未知
• 付款: 現金
• FB專頁: Golffee Facebook

更多Golffee相關資料:

• Golffee分店
• Youtube
• Facebook
• Twitter
• Google