Baraka Restaurant 中環

Baraka Restaurant 評價 相片

第二次食佢既咖哩,即叫即整既薄餅好好味, 咖哩味道都ok, 唔太辣, 但又不失咖哩香味,不過雞肉得三舊...份量小左d, 不過以價論貨其實我都覺得超值的,連埋野飲仲想點..lunch 時想食香口野其實都唔錯既選擇,lunch 時段中環間間餐廳都坐滿人...但係佢地就門可羅雀...真係唔知可以頂得幾耐中環d 貴租...

一人叫左一個一人餐.原來份量真係好多~~咖哩角熱辣辣.非常令人回味.Masala雞肉好正.D粉好特別~個味道係從來都未食過~極之推薦D咖哩雞又唔係好辣,都算好O岩香港人口味,D雞其實又真係好好食~~之後食ROTI,飽飽地都仲可以食晒,好滿足.然後食多個雞肉薄餅,可能飽得制已經唔可以好好品嘗喇~~不過都幾好食架.野飲就冇乜特別,叫左個香蕉奶昔,見到個店員特登去買條蕉黎整.個老闆服務好好呢,係咁同你傾計,好識同D客搞好關係.非常有一個去左人地屋企作客O既感覺.除左野飲普通D都冇乜地方可以彈.用六十幾蚊食到咁多野食抵到暈!

印度馬拉有好多不同的薄餅, 這間Baraka 的是馬拉的 roti ~roti 的好處係可以分開一片片咁食, 遇上咖哩就.... 正!!在咖哩之中, 這間的咖哩羊最好, 有羊味之餘不會太重, 又唔會太辣! 其次咖哩魚也不錯, 但不知為何咖哩雞卻不太出色. $4649不等, with 拉茶 or coke or 湯而Pizza 方面, Baraka的芝士Pizza 最正! 重芝士味之餘, 不會覺得單調. 是日靚湯日日不同, 多數都係馬拉湯, 有時會少少辣. 侍應真係好好, 佢叫我試一試, 如果覺得辣可以換coke or 拉茶, 你話咁的服務唔俾5分點得!??! 走時, 仲俾一張紙巾, 超細心!但店舖細細, 下層只有4張檯, 坐8個人. 上層有5張檯, 坐18人. 但多數都有位 @ lunch time~雖貴, 但值!

是日黎左哩一間食印度野. 係一間我次次經過都想黎試既餐廳.平時見到印度人企o係出面, 就自不然覺得哩間野應該幾正宗. 問題係外賣既價錢的確係平得有點驚人. 令人覺得唔會正宗得去邊望入去以為得2,3張台, 原來樓上仲有閣樓. 都幾好坐. 但係張台就唔夠大放佢d 野食, 因為樣樣都分開上實在太丫位了.叫左咖喱羊配roti, 同埋拉茶, 堂食貴好多, $49拉茶, 茶味唔夠突出, 味道有點特別, 怪怪地, 主要因為用既糖漿唔同咖喱羊, 個咖哩好紅. 食落唔多辣. 冇乜香料味, 亦都唔似重慶既咁甜.咖喱同樓下所講一樣, 係微暖, 但如果配roti 食就唔需太熱了.羊有4 舊左右, 食落冇羊羶味. 埋單o個時見到佢寫beef, 唔知係咪比錯牛腩我. 但d 肉都食唔出有牛味呀...個roti 真係值得一讚. 其他印度鋪頭既薄餅就叫naan, 哩度就叫rotinaan 就好似d 麵包烤餅咁. 而roti 就似大陸d 手抓餅咁, 層次分明, 好鬆脆, 比naan 還煙韌. 未能似naan 一般可以用單手撕開哩度整出黎又唔會太油, 所以唔駛擔心.一籃共有兩大塊. 食晒真係好鬼飽.結論: 咖喱一般, 用多d 印度既香料會較有特色. Roti 真係好正! 不俗既一間印度餐廳

真係好多年無試過食得咁開心,滿足,很久沒有嘗過一頓由心做出來既晚餐,喺香港已經好難得可以品嘗到一間咁用心去經營既餐廳,香港好多餐廳為左降低成本,增加利潤,無所不用其極,一碟同垃圾無分別既食物都可以攞出黎賣俾客人吃.呢間餐廳雖然絕對唔起眼,如果唔係有女朋友介紹,我絕對唔知道上環有一間咁出色既餐廳,餐廳裏絕對無豪華既裝修,店鋪既面積亦有限,但店鋪俾人有一種"家"既感覺,坐落去都感到壓力一掃而空.癈話唔多講喇,講返食物,我地二人叫左一個149既二人套餐,包括燒春雞一碟,是日例湯2客,芒果乳酪飲品兩杯,pizza同意粉各選一款,我地點了千層麵同印度燒雞pizza.其實149呢價錢食到咁多野真係已經覺得物有所值,雖然上菜時碟燒春雞只得三大塊,但那種叫道真叫人一世難忘,味道香濃,雞肉鬆軟,加少許lemon汁更加可以帶出雞既香味,三塊真係太少了,下次一定要叫成隻黎食.而是日例湯係兩碗不名例湯,但味道真係好特別,有我兒時吃過既味道,但我又講唔出佢係咩味,可能未必每位都會欣賞,但絕好過出面飲果啲加左超多水既罐頭湯.到果兩杯芒果乳酪,初時覺得味道有點怪怪,但一邊吃正餐時一邊飲先發現呢杯野可以中和口控中既油膩感,絕對係同各菜色絕配,佢唔可話係一杯好唔好飲既飲品,但佢絕對係整個套餐中既靈魂,不單真材實料,而且口感特別,佢地所用既乳酪同我地香港所飲到既完全係兩回事,人地成杯都係由乳酪溝出黎,而香港果啲真係假到唔假.到主菜pizza,一睇就知道好吸引,pizza 上佈滿雞肉,真係令我想大口大口咬落去,香趣既批邊真係令人一試回味,每款材料都好新鮮,味道好match,令人回味.最後到千層麵,真係我平生有史以黎食到最好味既千層麵,面頭係厚厚既芝士,下層係香味濃郁既肉醬,中間夾著一塊又一塊既麵塊,一口咬落去,每層既口感都帶俾人幸福既感覺,雖然麵塊係少左啲,但厚厚既芝士都係令我畢生難忘.據我所知呢間係一間主打fusion菜既餐廳,係青真同西式合併,看似很奇怪,但出黎既效果真係出奇地好好味,其實最重要係廚師既心機係絕對可以令人品嘗,好快我又會去果度品嘗新菜色.

Baraka Restaurant餐單提供印度菜等推介美食位於中環區，餐廳座位數未知人均消費約$51-100，結賬可以用現金。

您對於中環餐廳「Baraka Restaurant」有何 comment？

Baraka Restaurant餐廳詳細資料：

• Baraka Restaurant地址:
  中環機利文新街18號地下
  Baraka Restaurant, G/ F,18 Gilman's Bazaar, Central
• Baraka Restaurant電話:  
• Baraka Restaurant價錢: $51-100
• 分類: 印度菜
• 座位: 未知
• 付款: 現金
• FB專頁: Baraka Restaurant Facebook

更多Baraka Restaurant相關資料:

• Baraka Restaurant分店
• Youtube
• Facebook
• Twitter
• Google