北園酒家 上環

北園酒家 評價 相片

在廣州人概念裏，最出名的酒家莫過於陶陶居、泮溪、蓮香樓、南園、北園這幾家，香港北園酒家是甚麼情況 ? 同名同姓是否同樣有水準?  中午時間食客不少, 前台通知full house, 但VIP房有位, 必須點小菜及只供應小量點心, 和友人商量後都想一試, 又試下。

同集團的酒家水準一般, 走大眾化路線, 而北園專營高級中式及新穎Fusion菜式, 於是點了數款點心及小菜。

紫菜燒賣用紫菜做面皮, 有蝦肉, 雞肉及蟹籽, 口感不俗, 都幾鮮味；芥菜牛肉球食得出牛肉比例算高, 有牛肉鮮味, 算有交代；叉燒腸軟潤爽滑, 雪白亮麗, 可以。

千層腐皮夾為北園名點, 質感幼滑, 用鮮腐皮製, 豆香較出, 但因在較後才上桌, 筆者覺得味道比較清淡。

炸兩腸通常在吃粥時吃, 這次也點了一試, 炸兩腸淋上醬油香味十足, 加上很脆的口感, 好吃。

蝦子柚皮是一種低成本, 無膽固醇, 高纖維的傳統食品, 由於製作工序繁複, 目前只有很少酒樓會供應, 煨過的柚皮加上蝦子, 又腍又綿入口即化, 沒有苦澀味, 但筆者個人不太喜歡。

北園叉燒包滿麥芽糖和蜜汁, 富有口感, 肥瘦適中, 也能避過過乾過腍的問題, 加上有口感, 非常好食, 筆者印象中是數一數二的叉燒, 正 ! 必點。

紅燒豆腐有蝦球加上白菜, 都幾多, 味道都可以, 蝦是雪蝦, 沒有鮮味但算大隻, 豆腐有豆味而滑, 不俗。

每款點心及小菜都算精緻及美味, 有水準, 有時間會再試。

北園其實幾就腳, 上環地鐵站一出過條馬路就到...朋友訂咗1樓小菜廳, 環境都幾清幽, 人客唔多, 得幾枱, 靜靜地傾計一流...大家都肚餓, 懶得慢慢揀, 叫咗套餐...避風塘長腳蟹 炒得好香好惹味, 少少辣多多脆, 金蒜多多益善, 肉地扎扎實實, 正呀!!! 睇落好似份量不足, 食落又食極都有喎, 嘻嘻... 我估我唔聲唔聲靜靜雞都食咗3份1碟, 賺呀!!!燉湯 份量都幾足, 老火湯, 落足料, 唔錯喎...炒石斑 味道都唔錯o架, 唔腥囉... 我食魚冇咩要求, 只要唔腥, 冇泥味, 冇骨, 冇皮就更好, d肉唔好太硬過晒火... 哈哈, 懶蟲上身...煀石斑 ♫♪♫ 誰人迫我 屈我辱我 ♫♪♫ 無... 個廚啫!!! 都煀得你幾入味, 難得係唔太油, 我食咗幾舊...蒸冬瓜 大大舊, 冇賣相!!! 冬瓜蒸得幾腍, 味道可以, 幾舊西蘭花都唔放過...炸子雞 味道不錯...糖水 煲得唔錯...仲有果盤...以上菜式, 我的味覺或有偏差!!! 皆因係澳洲旅行期間, 日日都係飲可樂, 食漢堡包&炸薯條, 食到嘴都歪埋, 返來香港唔夠1星期, 真係放咩落口都係珍饈百味...帶咗Tablet去同朋友分享旅行照片, 2位服務員嬸嬸可能太得閒, 長時間企係朋友身後睇埋一份...埋單時朋友有現金劵, 好似平咗幾十蚊... 當時覺得幾抵食, 而家睇返相又好似冇咩落肚... 200蚊1個人, 可以接受啦... 環境真係好舒適...     

從小就知道90%以上, 餸名好 "花巧", 味道都係中級或以下。

例子：如果SET MENU 係以下兩款, 你會選邊款?一. 俄羅斯牛肉飯二. 黑椒時菜牛肉飯我就多數會選前者, 亦多數會 "頼"嘢!北園就係如此情況!!!坐响北園小菜廳, 點心名都唔同啲, 但價錢當然都貴好多!靚裝修 配 崩碗碟?!一坐低, 門面新裝修, 仲配晒餐巾環, 但一睇, 大碟、細碟都崩咗, 亦好多花㾗, 睇落都唔多衞生!鮑汁鳳爪鳳爪好淋, 但漿汁唔太特別, 亦無鮑魚味。

鐵板野菌牛肋骨一上台, 蒸氣冒出, 亦嗅出濃濃黑椒味, 見到都想食。

但咬落又無乜特別, 野菌太乾身, 好似乾冬菇咁。

鮮蝦蛟蝦蛟內鮮蝦好多隻亦爽口，材料好靚，但師傅做出嚟只係一般蝦蛟。

香茜叉燒腸條叉腸一啲都唔飽滿，好似未發育咁，有啲乾蒸FEEL。

態度奇差 從book位開始 第一天book位拿埋booking number 第二天打去話想改遲十分鐘 對方竟然話我沒有book位 查詢一輪都搵唔到我的booking 咁我話如果你搵唔到或者我而家book 對方話 嘖 你而家先book 激死去到餐廳 叫我成家人連老人家行去最尾度坐 行到最尾又話無位要行返去最前 我地成班就咁行黎行去等位 終於等到位 又未擺位 擺緊位又嫌我地阻住佢擺位。

救命 以後唔會再黎

又回到了從前的生活圈, 這已經是第二炮的活動。

為慶祝一位前輩的成功結束他的偉大職務任期, 所以我們這些陪客小輩就好端端有餐好吃。

來到了前輩的主活動區域, 上環, 他選上了辦公室附近的這家海鮮酒家。

雖然我知道這店都是一般的中式晚飯地方, 但是通常這些情況, 一般看似平平無奇的, 到後來卻是神乎奇技的好吃。

甫入座, 望一望菜單, 其實心中有數, 菜式有平凡的, 也有特別的。

可是因大圍人吃食, 不太方便可在大盤拍照, 所以差不多全都是在我位上拍的, 敬請見諒。

打頭炮出場的是蠔皇五頭鮑魚扣鵝掌。

餐廳用上五頭大(即一斤只有5隻)的南非乾鮑, 雖然只是南非, 但也夠滿足。

飽魚約有一隻手掌心般大, 汁醬濃郁入味, 中間溏心鮮香, 外裙稔口而不黐牙, 彈性質感靈活可口。

鵝掌稔淋, 入口有溶化感, 骨與骨的軟組織隨入口剝落, 皮與軟組織都有入味而嫩口的感覺。

老實講, 鮑魚汁醬的確十分動人, 如果有一口飯, 能吸盡碟中鮑魚汁, 你說有多好呢??接下來是上湯焗澳洲龍蝦, 肉質富彈性, 啖啖肉口感, 入口亦有可口上湯湧出, 感覺十分好。

只是吃過上次在鯉魚門的高水準澳洲龍蝦, 這個有點點遜色而已。

伊麵質感可以, 不太淋, 入口有彈性, 加上上湯汁, 味道不錯。

而之後這個碧綠玉帶桂花蚌就比較一般些, 都是平常飲宴的料子。

雖然桂花蚌爽口而有鹹鮮味道, 但是相信茨汁功效大於一切, 還是吃吃西芹爽爽口牙罷了。

原鼎火瞳燉排翅, 可說是高級的翅湯, 翅身牙鹼厚, 一排排如牛角梳一樣。

象牙而偏黃顏色, 大小一致, 一支支層次分明。

魚翅本來只是淡淡鮮腥味, 最重要的還是看上湯的功力。

上湯用上豬骨, 竹絲雞及原隻肘子熬成, 湯身清澈, 從不粘口。

之後將湯香用燉的方法逼入翅中, 它才滲有鹹香。

肘子鹹味十足, 以湯料般另上, 給燉軟稔的皮層, 給予極高的脂肪, 但同樣有無比的香氣, 加進湯中, 絕對是極好的配搭。

清蒸東星斑, 對不起, 由於席間設定所限, 未能指得東星原條。

不過這條東星味道與質感只屬一般, 魚肉質感未算細滑, 也許火候控制是可以的, 但到分菜入碟上桌, 難免有點變嚡, 感覺只是一般。

芙蓉燕窩盞, 餐廳的特別菜式, 是一個鹹的燕窩菜。

利用蛋白與燕窩混合, 然後煎成如日式燒餅一般, 再燴上蛋花蟹肉茨汁。

口感鬆化滑溜, 味道不濃, 但口中感覺到燕窩的質感。

茨汁味道亦不濃, 只是有點點煎過的脆口感覺。

翡翠竹笙上素, 都是一個常見的宴會素菜。

竹笙吸引上湯與茨汁味道, 爽口之餘亦有一口湯汁。

醬皇脆皮手撕雞, 是這裡的四大名菜之一。

將吊燒脆皮雞的用手撕方法處理, 雞肉經手撕後肉質順紋理而落, 感覺會比較順滑。

脆皮雞夠薄, 脆口而帶油脂香味, 其實風味很不錯。

單尾兩味: 富貴炒飯, 炒得乾身, 粒粒分明, 不過調味略淡, 而且有點過份乾身的感覺。

飯粒沒有炒過口味, 用料亦乾, 失去平衡。

另一個則是上湯煎粉粿, 粉粿皮厚, 鄧麵粉多, 感覺較多是韌。

浸入上湯後, 感覺好一點, 不過皮厚, 熱湯不能穿透粉粿, 失敗。

稱得上大餐, 甜品也不少。

這個原個木瓜燉奶可稱上是填滿肚皮之作, 亦是另一個美味之選。

木瓜經燉過之後軟稔甜美, 木瓜鮮香味道亦濃烈。

中間燉奶香滑嫩溜, 奶羶香味一流, 夾著木瓜汁肉同吃, 感覺滋補養顏, 絕對是甜品首選。

而另一個的蒸千層糕可謂給比之下去, 不過質感煙韌, 不太甜, 感覺可以。

最後一個甜品是一個奶皇流心煎堆。

有別於南海一號的薄皮燈影煎堆, 這個煎堆外皮厚重很多, 但就比較平衡。

中心是可人的流沙奶皇餡, 甜味與奶香平衡, 加上外層的炒香芝麻, 感覺很好。

整體來說, 作為一個食客, 這餐可算是滿足的了。

特別是一口五頭鮑魚與一梳梳嫩滑咬口的排翅, 脆皮手1撕雞與木瓜燉奶已教人回味。

期待下一次的有食神聚會吧!!

北園酒家餐單提供粵菜, 廣東, 點心, 酒樓等推介美食位於上環區，餐廳座位數100人均消費約$101-200，結賬可以用Visa,Master,現金。

您對於上環餐廳「北園酒家」有何 comment？

北園酒家餐廳詳細資料：

• 北園酒家地址:
  上環德輔道中249-253號東寧大廈1-2樓
  North Garden Restaurant, 1-2/ F Tung Ning Bldg,249-253 Des Voeux Rd., Sheung Wan
• 北園酒家電話:  
• 北園酒家價錢: $101-200
• 分類: 粵菜, 廣東, 點心, 酒樓
• 座位: 100
• 付款: Visa,Master,現金
• FB專頁: 北園酒家 Facebook

更多北園酒家相關資料:

• 北園酒家分店
• Youtube
• Facebook
• Twitter
• Google