LeeLaksa 上環

LeeLaksa 評價 相片

疫情越黎趁嚴重,去街既意欲大減,留係家中係最安重既做法.留係家中唯有外賣享受美食,今次行過上環附近見到一間充滿東南亞特色既餐廳望落好吸引,見到外賣自取又有折扣優惠就決定買外賣返去試試.李派海南雞飯拼喇沙.海南雞望落皮薄肉嫩,雞肉入口嫩滑,雞皮與雞肉之間充滿啫喱狀既雞肉精華,配上帶甜既黑醬油同蒜或微辣既海南雞醬同相當配搭,同時食出2種風味.略嫌雞肉帶少少雪藏味.雞油飯相當入味,入口陣陣雞汁精華既香氣同香矛既味道十分惹味,米粒分明帶有咬口.喇沙湯底好香濃,內帶濃厚椰漿味以,喇沙醬混合多重香料香及蝦味,味帶濃郁既香辣感,入口富有層次感.豆卜充分吸入湯底既精華,米線雖然浸左係湯內一段時間但入口無糊口感仲帶有彈性.沙嗲雞串燒,唔會燒得過乾,火喉啱啱好,竹籤同雞肉之間又容易分開.雞肉面上帶少少香矛食落更香,沾上帶濃厚花生香同微微椰香既沙嗲醬入口令串燒雞肉味道昇華.斑蘭咖咉多士多士外賣返到去有少少焗到腍左但當中仍然帶少少脆口感.斑蘭味道濃郁,配上牛油令斑蘭味道更突出同香醇,斑蘭醬味道清香又唔會過甜膩.

最近，經過上環皇后大道中，在樂古道及皇后大道中交界，新開一間新加坡喇沙店 Lee Laksa！星期六中午來到，這裡出奇地 full！ 我跟早一步踏進餐廳的外籍夫婦，各自找位入座！店內播放輕快的歌曲，裝潢充滿熱帶風情！ 店方根據限聚令要求，附有夾板，跟其他食客保持距離！店員好忙！沒有安排入座之餘，亦無量度體溫！ 係食客叫店員，才送上餐牌、放口罩紙袋、濕紙巾，這方面反而幾周到！加分！餐牌上桌次序：熱青檸茶 > 喇沙 > 班蘭咖央多士班蘭咖央多士 $28烘至金黃香脆溫熱的多士，夾雜鹹甜交雜的咖央醬及牛油，甜美的咖央醬配合厚切鹹味的牛油，也沒有違和感！簡單而美味的小食！我個人還會蘸喇沙湯食，別有一番風味㗎！星加坡喇沙 午餐 $82這價位配飲品，絕對抵食！配料相當豐富！包括：一開二鮮味的蝦、頗鹹富彈性的魚蛋、 大量柔軟的魚片絲、吸湯的豆卜、清爽的芽菜、入味的通菜、紫洋蔥...等，湯底以傳統新加坡配方，採用新鮮椰汁及秘製香料淆製而成，入口香濃惹味帶辣！米線煙韌滑溜又掛湯！熱青檸紅茶青檸比預期大個！ 口味清酸開胃！亦有助解膩！由於，我昨晚胃痛及腸胃炎，仍食胃藥期間，還是點熱飲及沒有點到加奶的馬拉茶吧！ 否則！我會點特色凍飲呢！

今午行過皇后大道中, 見到間新開既 LeeLaksa (新加坡菜) 餐廳,   門口餐牌既相片睇落幾吸引, 咁就試下喇.     我就order左 "檳城蝦麵" 外賣,  大約等左15分鐘.   響等外賣期間, 店員都主動幫我跟單, 值得一讚.   打開外賣包裝紙袋內, 有一份餐具包, 內裡放有一小包消毒紙巾, 真係好窩心, 完全照顧到食客用餐既衛生.   打開餐盒, 已經聞到好香濃既蝦湯味, 湯底真係正 .  至於食材都好足料, 有蝦, 蛋, 豬肉,  芽菜, 通菜, 豆卜, 洋蔥,  仲有鴛鴦麵 (油麵同米粉).   食完, 真係好滿足.     

十年都唔黎一次上環，今次黎到試咗呢間聽講新開嘅東南亞風食店。

由於好肚餓同埋貪心既關係，叫咗好多野食。

首先係海南雞飯拼喇沙($108) + 熱南洋拉茶一個餐又有雞飯又有喇沙，啱哂我呢啲乜都想食既又大食既人。

海南雞飯雞件幾多，皮薄肉滑，中間仲keep到有少少啫喱👍，醬料係蒜泥甜辣醬同黑豉油，正常合理，油飯夠味，唔等好突出，不過合格地好食👌，配埋舊雞啱啱好。

喇沙好重椰奶味，辣味啱啱好，都叫幾香，反而相比下個蝦湯底味唔太夠濃👌，粉係米線黎，出奇地好彈牙煮得非常啱啱好👍，配料有一舊蝦一啲牙菜魚片豆卜咁啦，以呢個size黎講都幾多，味道不過不失咁啦。

👌另外為咗滿足我第三個願望，加多咗件咖央多士($28)包唔係白麵包有谷麥既香味，烘得夠脆，加埋牛油同咖央醬都叫香既，牛油同咖央醬落多啲會更好。

👌整體黎講都叫唔錯，合格線以上，唔會特登好遠走黎食，不過路過又想食海南雞飯既話會考慮再黎。

在上環找地方匆匆地吃午餐，看到這間新開的星加坡Laska餐廳，心想在這個經濟環境下仍然勇敢開業，必定對自己的食物很有信心。

餐廳設計簡單舒適，有點像高級茶餐廳，但乾淨整潔。

午餐的餐牌簡單，主要提供東南亞特色食品。

星加坡喇沙 材料豐富，有蝦、蛋、豆腐卜、芽菜、魚蛋之類，湯底有點辣但相當惹味，值得一讚的是麵質「彈牙」，軟硬適中，不容易在其他東南亞餐廳吃得到。

檳城蝦麵 湯底帶點鹹，蝦和其他配料的份量比較少，麵也一樣「彈牙」。

海南雞飯 雞肉嫩，雞皮不厚，有雞味，而且份量不少，雖然雞飯沒有想像中的雞油香，但味道不錯的。

午餐還包括飲品，當中有不少是特色飲品，以這個價錢和質素，在上環商業區，算是性價比高了。

LeeLaksa餐單提供新加坡菜等推介美食位於上環區，餐廳座位數未知人均消費約$51-100，結賬可以用Visa,Master,AlipayHK,現金,八達通,Apple,Pay,Google,Pay,微信支付，Booking訂位可以電話致電 22658999 查詢。

您對於上環餐廳「LeeLaksa」有何 comment？

LeeLaksa餐廳詳細資料：

• LeeLaksa地址:
  上環皇后大道中302號地舖
  LeeLaksa, G/ F,302 Queen's Road Central, Sheung Wan
• LeeLaksa電話: 22658999
• LeeLaksa價錢: $51-100
• 分類: 新加坡菜
• 座位: 未知
• 付款: Visa,Master,AlipayHK,現金,八達通,Apple,Pay,Google,Pay,微信支付
• FB專頁: LeeLaksa Facebook

更多LeeLaksa相關資料:

• LeeLaksa分店
• Youtube
• Facebook
• Twitter
• Google