Club de Ocean 上環

Club de Ocean 評價 相片

經朋友介紹黎到呢間特式既Cafe，係上環站B出口一出去已經見到，近地鐵站的確幾方便Cafe環境好寧靜舒服，唔似一般Cafe咁嘈雜而且裡面裝潢都好特別，中國式既枱櫈好少見Cafe有個bar枱，設置左自助既前菜小食有泰式鳳爪，雜菜沙律同各款生果仲有脆脆麵包粒，各樣都好好味~絕對係有水準有誠意既前菜bar!好味到停唔到口，任食既關係，出去refill左34輪XP!前菜仲配有忌廉湯+脆口蒜蓉包湯好濃好滑，蒜蓉包脆得黎好鬆化，Good!主菜order左紅酒牛扒&泰式蟹肉炒飯紅酒牛扒6成熟，好嫩口，而且伴碟既蘆筍都好清甜，夾埋一齊食好夾，又唔會有肥膩感覺~泰式蟹肉炒飯好有鑊氣，食落啖啖都有蟹肉，材料豐富，而且個飯加左泰式既香葉，同行友人大讚!食完主菜跟餐奉送埋甜品藍莓芝士蛋糕配埋杯Mocha,真係滿足曬,飽飽埋單每人$200左右，比一般Cafe係貴左少少不過我認為呢間Cafe可以比美高級既西餐廳食物有質素而且送任食前菜,飲品同甜品所以呢個價錢亦覺得合理^^值得推介俾大家~~

朋友推薦左一間鮮為人知既好地方過二人世界，呢間超唔起眼既cafe(餐廳?bar?)o係上環站b出口一出抬頭先見到，門口仲要係側邊，如果唔係有人介紹，都幾難察覺有間cafe 上到去，環境好舒服，周圍都有d唔同國家既復古裝飾擺設。

地方唔算大但一d都冇逼既感覺，又有吧枱，談心或者約會一流。

晚餐黎講款式都幾多，價錢唔算平，不過我諗上環係咁上下。

侍應(我諗應該係個老闆)好熱心咁介紹個menu，推薦我地食個肉眼扒，我係愛扒之人，所以就要左份5成熟，另外點左個豬手。

一個意想不到既沙律吧！通常免費任fill都唔會抱太大期望會有幾好食，但最後每人食左3碟最impressed既係沙律當中竟!然!有!泰式鳳爪!!!!!!(平時叫一碟泰式鳳爪都要幾廿蚊)除左個爪，本人最喜歡個蘑菇，薯蓉，芒果布甸(呢樣少見)，同埋一粒粒沙律既面包(唔記得左叫咩)，薯蓉同個粒粒包唔知加左咩，好味道。

食完3碟沙律都半飽老闆見我地食完沙律之後就上個湯，值得一讚既係個蒜蓉包好鬆化，一d都唔硬而且唔油膩，好味 個湯就變左配角。

跟住就係至愛既牛扒，配埋好味既薯蓉同蘆筍(好清甜)，牛扒5成就5成熟，肉質好嫩好林，配埋個紅酒汁，好滿足~呢個鹽水浸豬手看似好單調，食落唔錯，咸咸地，配有泰式辣椒醬，食豬手既皮同肥肉時點下個醬唔覺油膩，而且幾match食完沙律同個main course其實已經好飽，仲有甜品送，不過味道一般原來呢間餐廳免加一(like)，朋友借張證比我用有95折，不過入會都好似係比20蚊。

成餐飯食得都幾滿足，可以慢慢食，上餐既時間岩岩好，唔會一早黎左擺到凍晒，服務唔錯，老闆好nice，不時撩我地傾計，價錢方面食之前會覺得貴，不過食完之後覺得絕對值，食物可以同出面既貴價餐廳媲美，一定會再番去食個沙律吧，因為實在太好食!

近排太忙，今日終於抽到時候陪個女朋友食Lunch啦~女朋友話唔想食飯同意粉，咁我就點咗個C餐~燒春雞比佢，行得泰式，實惹味到不得了，有半邊燒春雞，女朋友仲話食唔晒添~而我就鐘情多汁類，所以揀咗個D餐，個醬汁香濃，蝦碌又彈牙，正~!每次上到嚟都有新驚喜，不過Lunch成日都好多人，但我哋又真係好鬼鐘意上嚟食，Set lunch係就係貴少少，但終於係上環區，質素有我番咁上下，都係物有所值嘅~

有同事介紹，上環這間餐廳，環境，氣氛唔錯，今晚約了3個好姊妹，一齊食晚飯，傾吓心事。

Menu都幾多選擇，我哋4個人，每人選擇一款，可以Share一齊食。

原來有個自助Salad Bar，係任食，令到我哋4個女子，都不知幾開心。

環境優雅，氣氛唔錯，晚餐雖然連埋我哋共6枱客人，但勝在夠寧靜，傾計能夠暢所欲言。

*沙律吧…款式唔太多，清清地，正*輕煎挪威三文魚扒伴蒜蓉牛油汁…蒜油香到不得了，同三文魚好配合*特式招牌意大利黑松茸鮮菌炒珍珠飯…濕濕地，似燴飯，香囗* 海鹽浸咸豬手配北泰式辣汁…鹽水浸以為無味，咸咸地，配個醬汁，絕配* 泰式炒蟹肉雜菜珍珠飯…辣辣地，鮮鮮地，好有囗感

上星期六，我打算在上環信德碼頭搭788 號巴士到小西灣藍灣半島影小忌廉！所以，直接在上環食 lunch！我先上 Openrice 找一找尚未幫襯的樓上餐廳！找到位於上環德輔道中金融商業大廈1樓的 Club de Ocean！ 原來前身名為 Club de Flavor！ 面對上環地鐵站 B 出口及德輔道中電車站，佔盡地利！金融商業大廈坐落於德輔道中，入口為禧利街！恰巧！去到樓梯口見到星期六午餐有 9 折！由於當日早上，我食了一份既昂貴又飽肚的早餐！因此，我在公司打食評，留到 2:00 後才離開！走上去 Club de Ocean，已經 2:30 有多！搭 lift 上到 1 樓，女店員走出來招呼我！我問女店員有無下午茶？她說星期六的下午茶 3:00 才供應！ 她補充說星期六午餐有 9 折！隨即我問她可否讓我看看下午茶 menu？比較午餐及下午茶 menu，雖然下午茶平起碼一半，還是午餐適合我的口味！(不用加一服務費)優雅脫俗的環境，帶有東南亞風情！加上陽光入室，令人心鄺神怡！Fresh salad bar ~ 自助沙律新鮮爽脆的沙律菜切段容易入口！ 粟米雖然細粒，但是也清甜！ 香草薯仔沙律口感冰涼又軟身！幸好！泰式鳳爪並非預期的辣！ 而且夠又入味！Jelly 分別有青檸味及提子味，由於加入魚膠粉，食起來好彈牙！甘筍西芹忌廉湯甘筍與西芹的配搭多數是小炒！ 甘筍西芹忌廉湯還是首次嚐試！ 質感濃稠適中！把甘筍西芹打得幼滑！相對，前者的橙色較為霸道！ 口味清新！卻是味道清淡！爐燒牛仔肉珍寶腸伴日式燒汁薯蓉 $98 (星期六午餐有 9 折)是否俾漏了爐燒牛仔肉？ 還是我誤會了有牛仔肉及珍寶腸呢？珍寶腸皮薄而脆！些少煙韌！ 腸身軟腍！調味恰到好處！伴上甜美的日式燒汁及木魚絲！ 薯蓉幾軟滑，略嫌牛油味稍遜！ 另有配菜：椰菜花、甘筍及翠玉瓜。

 茉莉茶茉莉茶卻用上陸羽茶包！ 滾熱辣的水溫讓茶香發揮得淋漓盡致！基乎燙口的熱水，實在令人難以入口！ 只好淺嚐一點罷了！

Club de Ocean餐單提供西式, 樓上cafe等推介美食位於上環區，餐廳座位數30人均消費約$51-100，結賬可以用Visa,Master,現金,銀聯。

您對於上環餐廳「Club de Ocean」有何 comment？

Club de Ocean餐廳詳細資料：

• Club de Ocean地址:
  上環德輔道中254號金融商業大廈1樓
  Club de Ocean, 1/ F,255 Des Voeux Road Central, Sheung Wan
• Club de Ocean電話:  
• Club de Ocean價錢: $51-100
• 分類: 西式, 樓上cafe
• 座位: 30
• 付款: Visa,Master,現金,銀聯
• FB專頁: Club de Ocean Facebook

更多Club de Ocean相關資料:

• Club de Ocean分店
• Youtube
• Facebook
• Twitter
• Google