鳳凰小館 黃大仙

鳳凰小館 評價 相片

從未飲過咁難飲既柑桔檸檬, 味道同診所開的咳藥水沒有分別, 與侍應反映了, 希望可以換回一杯正常的飲品, 但侍應竟然話"飲過無得換", 難道我話未飲過,可以給其他客人嗎??隔離枱有一熟客都忍不住幫我地, 話老闆娘好好人喎, 可以叫佢換過杯有問題飲料, 點知老闆娘竟然話:"個個話唔啱飲就換, 咁咪個個都要換", 呢D係咩服務態度??, 杯柑桔檸檬,係無柑桔味同檸檬味的, 只有咳藥水味加1只昆蟲係面(有相為証), 佢仲話係我地飲唔慣, 咁你下次溝D屎水話係咖啡奶茶都得啦, 跟住話:"你飲唔慣之嘛, 飲過無得換", !!! 我未飲又點知係屎水呢?呢間咁唔衛生同埋咁既服務態度的食店, 一定唔會再幫趁囉!!!祝早日結業!!!

米線保持水準，但都係果啲餸，無咩新意，係多左炸雞軟骨，唔錯，好夠香味，近期多左糖水，南瓜露，喳咋，西米露咁，喳咋好多豆，食到好飽，好滿足，如果可以多啲生果類既甜品就正了，因為間店好環境，食甜品一流呀！但都係等候時間耐左啲，店內好似成日唔夠人手咁，要請返啲人好

第一次黎, 揀平日夜晚, 差不多坐滿, 亦間中有人入黎買外賣選了什麼餸都有些既小鍋米線, 份量足夠兩個人食 餐具洗得不乾淨, 換過一次也有漬 等好耐好耐, 二十幾分鐘 有生菜, 雞肉, 牛肉, 豬肉, 豬潤, 墨魚丸, 牛丸, 火腿, 炸醬等 覺得雞肉最好食, 好嫩滑 米線有韌度唔太稔, 好食 炸醬麻麻, 豬肉碎過硬, 醬汁又唔惹味始終都係譚 x 最合心意

要食好食o既麻辣米線,大家都會諗起深水埗愛食麻辣米線o既我,近半年有新發現...個人認為,呢間係黃大仙區來講水準最高O既麻辣米線因上星期食左個"好流"o既米線,當時一邊食一邊掛住呢度o既米線...終於o係星期日一個人o係hollywood行完街,拎住大袋細袋都要專程行去呢間店食...好開心呀~行左咁耐終於可以食到我想食o既米線喇8pm,門外有12人等外賣中...可能係星期日關係,入到去好多人2"送"米線都係22蚊,+飲品都係7蚊(餐牌上12蚊以下飲品),下午茶時間仲有tea set呢非常抵食今次我叫:豬扒韮菜餃麻辣米線(中辣)+香芋珍珠奶茶(小甜)<~呢杯要+11蚊(因香芋奶茶係14蚊飲品,我仲要+埋珍珠)比起名牌,出品更為重要,一食便知龍與鳳...湯底好清,好夠味,中辣已係我o既極限,一路食一路bill眼水建議唔太食得辣,叫小辣為妙呢度除左有米線,仲有小菜,當晚我見隔離台叫左2個小菜賣相不錯,有機會一定要試下

成條街都唔知係咪俾人收購定加租, 呢期新開幾間食肆, 都未開張又執左, 連試既機會都冇.希望呢一間可以長做長有啦~前幾日先見佢裝修, 就開張. 趁未關門之前, 試一試新野先!鳳凰小館, 個名仲以為食小菜食飯. 入到去, 有d後悔, 原來係食米線..是日午餐: 小鍋米線套餐($47)包括一碗2~3人份的什錦米線+一杯12蚊樓下既台式飲品 個米線非常大碗, 分豬骨湯同麻辣湯底兩款男朋友食得辣, 但我地只不過叫個"麻辣小小辣", 都頂唔住!d送一d都唔吸引, 令我更加後悔, 又冇睇清楚....唉......大約係最基本的腐皮韮菜芽菜酸菜, 墨魚貢丸牛丸各一.火腿一片.有我最怕食的豬潤, 有牛肉腩肉....粒墨丸好粉, 酸菜好甜. 米線食豬潤好奇怪咁~份量大, 可惜我食左一碗見到d送, 就唔想食.如果叫普通米線, 有豬扒雞翼揀添呀!好呃錢啦! 飲品點了凍咸柑桔, 幾好飲, 有點真材實料咁. 煎韮菜餃($15)做特價, 男朋友必吃.上菜慢了少少, 可能即叫即煎, 好味.個餡好多, 粒粒都咁飽滿, 可以再吃!飲品選擇出奇地多, 面類就得薯粉同米線兩種.送菜款式都唔吸引, 選擇又少.....但我會同屋企人再來!

鳳凰小館餐單提供滇菜, 雲南, 粉麵, 米線, 中菜館等推介美食位於黃大仙區，餐廳座位數未知人均消費約$50以下，結賬可以用現金。

您對於黃大仙餐廳「鳳凰小館」有何 comment？

鳳凰小館餐廳詳細資料：

• 鳳凰小館地址:
  黃大仙蒲崗村道33號百利軒地下1G舖
  鳳凰小館,  
• 鳳凰小館電話:  
• 鳳凰小館價錢: $50以下
• 分類: 滇菜, 雲南, 粉麵, 米線, 中菜館
• 座位: 未知
• 付款: 現金
• FB專頁: 鳳凰小館 Facebook

更多鳳凰小館相關資料:

• 鳳凰小館分店
• Youtube
• Facebook
• Twitter
• Google