藍天使餐廳 黃大仙

藍天使餐廳 評價 相片

今日下午與同事原本想幫襯的餐廳排哂長龍，諗住唔想等太耐所以選擇咗呢間。

由我哋入咗門口之後來來回回有3個侍應望咗我哋幾眼都無理會，最終我哋自己終於揾到個位坐低。

睇咗餐牌之後想落單，嗌極無人理，D侍應個個直行直過，一係就埋堆傾計，於有一個拎住外賣路過我哋張枱嗌咗佢一聲，佢轉過來望咗你一眼，之後走咗！連一聲＂稍等＂都無！唉～質素無話可說。

之後落咗2個下午茶餐：葡汁焗雞扒飯同叉燒炒烏冬，30幾蚊一個，冷熱飲都要另外加$。

焗飯就好淡無味又唔熱，雞扒就無見到啦，得幾舊雞粒好干好鞋。

炒烏冬就炒到個飯食完後先來竟然都係唔熱！5舊細叉燒加D豉油烏冬，淨係得杯熱檸茶還可以，實在諷刺。

D餐具都好污糟要再抹過，老老實實講，物不對價，食物一般服務質素又差，出去埋單個收銀都好串，真係食完心情都唔靚，絕對唔會再幫襯～

叫了一個早餐，沙嗲牛肉意粉，煙肉腸仔，凍奶茶。

沙嗲牛肉無沙嗲味，牛肉又鞋，無味，湯都無味，意粉正常但份量好少，煙肉好乾，腸仔正常，奶茶好多冰，淡而無味，無奶味，茶就好濃。

成份早餐都唔好食呀，且都幾貴，成31元呀。

途經黃大仙龍翔廣場，因為趕時間無睇食評便入左去，見全場滿座，心想應該唔會太差吧，點知係出乎意料的差。

黑椒牛柳絲炒意粉：這是下午茶餐份量少都算，牛肉得三小片而且好韌有渣，意粉是涼的，我以為自己叫了冷盤。

楊州炒飯：這款炒飯很經典，只有少量火腿+雞蛋炒飯，不如索性叫鷄蛋火腿炒飯，而且是涼的，可能是一早炒好的。

這天晚上和兩位朋友到藍天使餐廳晚餐。

去到都唔洗等位。

一行三人叫左三個餐，包括一個西冷扒，焗豬扒飯同一個石燒牛柳薑炒飯。

首先上嘅係羅宋湯，羅宋湯鹹淡適中，而且唔會太辣，亦都適合小朋友飲，湯的熱度亦足夠。

西冷扒肉質鮮嫩，而且配合香濃嘅黑椒汁，十分美味，除薯菜外，我們還另加意粉，意粉十分彈牙，不會太林。

焗豬扒飯的茄汁酸甜適中，而且豬扒肉質得鬆軟，值得一試。

石鍋飯嘅炒飯炒得適中，不會太林，亦唔會太生，而且配合薑，十分之香，牛柳軟硬敵中，肉質亦十分嫩。

餐飲叫左熱即磨咖啡，涷奶茶以及熱檸水。

咖啡十分香濃香滑，涷奶茶奶和茶比例適中，茶不會太苦，但我認為較甜，檸水就無咩特別，但檸蒙感覺都幾新鮮。

可能係晚市，侍應人手方面比較緊張。

很多年沒有到藍天使餐廳吃飯, 對上一次已經是多年前它剛開業的時候, 那時這裡仍是一間頗高級的西餐廳. 不過時移世易, 留落凡間的天使已經變得親民, 現在已經是間普通的港式西餐廳. 今次再來是吃下午茶餐. 點了干炒牛河, 吞拿魚焗天使麵和西多士. 干炒牛河: 據說一碟干炒牛河有廿多匙的油, 這碟肯定過之而無不及! 整碟干炒牛河都很油膩, 每條粉都沾滿油! 而最要不得的就是這碟干炒牛河是凍的, 所以十分難吃!吞拿魚焗天使麵和西多士: 看似大碟, 但其實只是頂層的白汁和天使麵多, 但吞拿魚卻少得可憐, 似白汁撈麵多一點! 而且天使麵太腍, 有點糊, 是個可飽肚但絕不美味的食物.西多士: 這個反而是最正常的, 多士炸得ok, 尚算熱, 就像一般快餐店的水準.服務方面實在令人搖頭, 我們被安排坐在偏遠位置, 基本上是叫天不應, 叫地不聞! 人手其實不太少, 不過侍應只顧自己聊天, 完全無視食客的叫喚, 單是落單已經等了五分鐘!! 環境也不見得清潔, 不時見到小蚊滋飛來飛去, 很煩人! 如此食物, 環境和服務水準, 如不改善的話, 恐怕天使連凡間也留落不了.

藍天使餐廳餐單提供西式, 西餐廳等推介美食位於黃大仙區，餐廳座位數未知人均消費約$51-100，結賬可以用Visa,Master,現金,銀聯。

您對於黃大仙餐廳「藍天使餐廳」有何 comment？

藍天使餐廳餐廳詳細資料：

• 藍天使餐廳地址:
  黃大仙龍翔道136號龍翔中心1樓109號舖
  Blue Angel Cafe, Shop109,1/ F, Lung Cheung Mall,136 Lung Cheung Road, Wong Tai Sin
• 藍天使餐廳電話:  
• 藍天使餐廳價錢: $51-100
• 分類: 西式, 西餐廳
• 座位: 未知
• 付款: Visa,Master,現金,銀聯
• FB專頁: 藍天使餐廳 Facebook

更多藍天使餐廳相關資料:

• 藍天使餐廳分店
• Youtube
• Facebook
• Twitter
• Google