客家好棧 黃大仙

客家好棧 評價 相片

今晚我們去咗黃大仙中心嘅「客家好棧」食聖誕聚餐！我們叫咗一圍好客宴全包宴：貢品鮑魚聚寶盆嘅鮑魚都幾大隻同爽滑彈牙，冬菇都唔算好厚身，但都幾入味！上湯大蝦球烏冬嘅大蝦都幾爽甜彈牙，而烏冬都比較腍身！紫金醬炒鳳片花枝嘅花枝好爽脆，鷄肉嘅肉質好嫩滑，而且都幾大塊同份量都幾多！大良脆奶卷嘅造型賣相好似一隻炸蝦咁，但食落原來係炸牛奶，質感都幾軟滑，奶味亦好濃郁！客家瑤柱魚蓉羹嘅味道比較清淡，魚蓉嘅份量就比較少！杞子蒸花尾躉都幾大條肥美，肉質好鮮甜嫩滑！蔥頭醬油鷄嘅肉質好嫩滑，醬油嘅味道唔會好鹹！養生藜麥浸水芥嘅嘅芥菜無咗苦澀味，味道都幾清甜！臘味糯米飯都算乾身，但臘味嘅份量唔算太多！農家粗糧糕嘅粗糧係燕麥，質感真係比較「粗嚡」，但都幾鬆軟！另外我們單點咗個雙冬羊腩煲嘅羊腩好腍好入味，附送嘅蔬菜籃清洗得都幾乾淨！

我係客家女人，對於客家菜黎講係屬於識食唔識煮既狀態。

梅菜扣肉同煎釀豆腐係我屋企常吃既家常菜，但我媽有自己獨特style，就係佢煮果種梅菜扣肉係屬於偏咸走甜而且肉係結實無肥膏既。

亦因為甘，我成日都心思思想落黎樓下客家好棧「偷食」正宗梅菜扣肉，今日又比我搵到機會喇！呢到晚市選擇好多，但同我鼻B兩個人叫唔得多，一於就梅菜扣肉做膽，拖個豬軟骨煲喇！梅菜扣肉 $75哇！（心心眼）一碟有八大件既扣肉，每塊都見到脂肪同肉分佈平均，外皮炸過後，特別吸咐餸汁，簡直就是減肥天敵！ 扣肉炆至軟淋，送入口後隨即溶化，淡淡油脂香味及甜甜咸咸的梅菜味係口中爆發。

砵仔蒸白飯 $12梅菜扣肉超級送飯！ 所以緊係要叫個靚仔（白飯），撈埋啲梅菜食喇！ 蘿蔔咸菜豬軟骨煲 $38客家好棧最近推出左啲新菜式，價錢好抵，好似呢個豬軟骨煲甘，只係$38渣。

剛剛煮起，上枱時個湯仲十分滾動， 平時食既都係濃味既汁煮豬軟骨，今次見到豬軟骨白雪雪甘有種光脫脫(!?)落左妝既感覺，看起來像是平時的煲湯豬肉。

吃起來感到有點失望，口感跟軟淋的扣肉相反，結實煙韌，個軟骨幾乎咬唔爛，進食得好辛苦，味道小小咸。

湯底是以咸菜蘿蔔滾出來的，有小小奶白色，亦有上湯的味道。

不過咸菜超咸，蘿蔔還可以，無渣，入味但不死咸。

能夠在屋企樓下吃到好味的梅菜扣肉，確實感到幸福。

但撇除食物質素，服務態度真的頗為惡劣，追加一個白飯叫左三轉服務人員才有，你推我我推你。

梅菜扣肉的大碗餸汁處處，又油又濕，希望店家改善。

耐不下，夾到媽媽放工我地會兩個一齊食飯，兩個人叫左一個花膠雜菇煲，瑤柱蛋白炒飯，落單時姐姐sale我地試下佢地推廣嘅燉湯，咁我地就叫一個share花膠煲好足料呀，味道剛好：西蘭花：可以淋番d就好了雲耳同雜菇：吸曬煲嘅精華，正呀，爽爽的菇感花膠：大大細都有10 12件左右啦，又係爽質，平價也可食到花膠，都okay啦，haha湯到了，係雞湯，我同媽都覺得，好喊瑤柱蛋白炒飯：炒得乾身唔油膩，不過唔多覺有瑤柱，味道正常，不過淡淡冇味，而且加入菜粒味道更清新，望落更色水冇咁單調食食下叫左個金蒜青瓜：蒜冇味，亦唔夠味，好一般

星期日Family Day，茶樓總是人山人海，坐滿一家大細，共聚天倫之樂。

點心來來去去都是那數十款，沒有什麼特別。

食物價錢都算合理，照片時間：食物普遍偏鹹，味精較多，吃完了很口渴，要不停喝水。

如果不是為了遷就老人家，應該沒有下次了。

懶煮飯，同老公去附近客家好棧食飯叫左幾個送，梅菜扣肉，好味 炆得夠淋 牛肉炒通菜，一般嗎 D菜炒到好老 牛肉好鞋 雞軟骨凍左少少 陳醋雲耳醋好香有口感 另外叫左個白飯~原來有蕃薯放係個缽仔度蒸~ 整體都幾好味，不過不失~服務有待改進，有些阿姐講嘅唔係廣東話/普通話 我地完全聽唔明囉 =_=||

客家好棧餐單提供客家菜, 中菜館等推介美食位於黃大仙區，餐廳座位數未知人均消費約$101-200，結賬可以用Visa,Master,現金,八達通,AE,銀聯,Apple,Pay,Google,Pay。

您對於黃大仙餐廳「客家好棧」有何 comment？

客家好棧餐廳詳細資料：

• 客家好棧地址:
  黃大仙正德街103號黃大仙中心南館L1樓101-101B號舖
  Hak Ka Hut, Shop101-101 B, L1/ F, Temple Mall South,103 Ching Tak Street, Wong Tai Sin
• 客家好棧電話:  
• 客家好棧價錢: $101-200
• 分類: 客家菜, 中菜館
• 座位: 未知
• 付款: Visa,Master,現金,八達通,AE,銀聯,Apple,Pay,Google,Pay
• FB專頁: 客家好棧 Facebook

更多客家好棧相關資料:

• 客家好棧分店
• Youtube
• Facebook
• Twitter
• Google