味源車仔麵 黃大仙
地址: 黃大仙銀鳳街7A號
最後更新:
味源車仔麵推介
完班人馬於同一條街 隔幾間舖 重新開業。 店舖大一倍， 價錢出品照舊。車仔麵餸款式超過50款。小店的最聞名的炸豬油渣是自家制作，豬油渣製作過程漫長，先人手清洗再切，之後豬油渣用慢火去炸，把油迫出，太大的火路，豬油渣容易過火炸燶，變成苦澀 。牛腩選上乘的坑腩，天天製作慢火燜製兩至叁個鐘，非常搶手，一般午後便售罄！另 豬紅， 蘿蔔， 豬皮， 咖哩魚蛋， 冬菇 ， 酸齋 ， 大腸等亦很受歡迎。價錢亦街坊化，極之合理：豬油渣、牛腩、鳳爪油麵，連凍飲，三餸麵40蚊有找。
黃大仙味源車仔麵
| 餐廳分店 | 味源車仔麵 |
|---|---|
| 地區 | 黃大仙 |
| 電話訂位 | 沒有電話提供 |
| 餐單 Menu | 港式, 車仔麵 |
| 人氣指數 | 828 |
| 價錢幾錢 | $50以下 |
味源車仔麵訂位位於黃大仙區，詳細地址是黃大仙銀鳳街7A號，餐廳寬敞座位數目共有未知幾多個。味源車仔麵幾錢？價錢優惠後人均消費大約$50以下埋單，早餐午餐晚餐味源車仔麵餐單包括有港式, 車仔麵等美食，付款方式有現金付款。
味源車仔麵優惠
味源車仔麵 評價 相片
完班人馬於同一條街 隔幾間舖 重新開業。
店舖大一倍， 價錢出品照舊。
車仔麵餸款式超過50款。
小店的最聞名的炸豬油渣是自家制作，豬油渣製作過程漫長，先人手清洗再切，之後豬油渣用慢火去炸，把油迫出，太大的火路，豬油渣容易過火炸燶，變成苦澀 。
牛腩選上乘的坑腩，天天製作慢火燜製兩至叁個鐘，非常搶手，一般午後便售罄！另 豬紅， 蘿蔔， 豬皮， 咖哩魚蛋， 冬菇 ， 酸齋 ， 大腸等亦很受歡迎。
價錢亦街坊化，極之合理：豬油渣、牛腩、鳳爪油麵，連凍飲，三餸麵40蚊有找。
當我打這篇評論時，此店只剩下不到一星期的營業日子，又是不敵加租的例子，明明生意很好的店，真是無奈⋯都說過黃大仙每間車仔麵都有其特色，這間店是幾間店中人氣最高的，無他，好食之餘份量最大，車仔餸落得重手，仲會每碗搭兩條菜此店最特別係麵底竟然有得揀銀針粉，可能我見識少，但真係前所未見，必點！餸的款式選擇好多，而且味道都唔差，我最愛油渣，腐竹，蝦卷，仲有佢嘅勁辣菜甫好香，仲係任加。
衣度的店員姨姨都好好人，好親切，有陣時會俾多樣餸你試下當然只限非繁忙時間最後，希望佢地可以搵到合適的新舖位捲土重來！
今時今日，出街食碗車仔面，加埋凍飲，都差唔多要$50左右。
但呢間車仔面係$35，任揀三餸，包凍熱飲品。
已經唔多地方做到呢個價錢啦。
可惜小生意喺香港真係好難生存，老闆娘話做到7月25號就要執埋，原因係業主加租一倍，其實同迫遷無分別。
真可惜！坦白講，佢35蚊真係好抵，因為佢係勁大碗。
每個餸都好多，仲會送多兩條菜比你。
我特別鐘意雞扒，貪佢又滑又大件。
另外，通常會叫蝦條。
係佢地自己整既，里面加埋粟米粒，其他車仔面檔係食唔到，都幾有蝦味架第三樣餸就睇當日心情，今日叫左牛腩，兩大件，大大嚿，真係好抵食不過佢個度有個阿姐態度就麻麻地，其他人都好友善，見你街坊客，會同你吹下水。
11年為佢寫了一篇食評，當時三餸一面好似係22蚊，今時今日34蚊了。
評心而論佢係退步咗但唔算多，只係個湯同腩汁淡咗，貴价D嘅豬扒亦已無聲無息地消失咗，柚皮亦吾多覺眼。
但牛筋腩和其它餸如大肠，豬红，冬菇保持到水準。
此店可惜先天有兩大缺点，一是坐位太少太窄，每次要趕住食完走人。
二是负责淥麵个大嬏永远都咁臭串，趕客首選。
慶幸佢隔离果間柚寄越来越吾爭氣，否则个条大嬸肯定幫佢趕走一半人龍。
由中學學生時代起🐏已經十分喜歡吃車仔麵🍜雖然住在附近 上學又在附近但唔知點解我食極都食唔嫌😂😅以前每個星期都總會食一次😂雖然附近都有3，4間同業 而味源只是開業了數年比起同街的源自大磡村有幾十年歷史的「友記」 又或是打對街的由我中學時已屹立於此的「金寶」 或 斜路上的「濃記」 開業經驗都差得遠但店內的老闆都相當有經驗 聽聞是請了車仔麵檔的熟手 自己又曾在別的車仔麵檔打工 所以知道不少食客的口味 從而做出與別不同的車仔麵 得到了附近不少居民熟客垂青 和 以價錢便宜又餸多吸引了附近工作的打工仔和學生👭其實這一區的車仔麵檔我🐏都試均了🐏中學時期「味源」還未開業所以之前常常吃「友記」但自從幾次驚遇 並 親眼目睹👀「友記」老闆在餸菜的上方收錢時 跌左個$5元入醬汁裡 或 盛豬紅的兜裡 但店方仍然若無其事地繼續做生意🙊🙈🙊🙈Ermmm 咁...唔怪得「友記」既💩 (唔通要老闆將整個醬汁或餸倒左去咁嘥咩？😅 ) 只能說 真係明正言順的「藞苴麵」 (「拿渣麵」)啊！🙄但後來「味源」開業 我🐏就成為了捧場客 (至少未發生過「跌錢事件」😂😅 因為「味源」會有一位專收錢的姐姐 應該不會發生同類形可怕事件🤔)而且覺得味源最好食最抵食！👍🏻😋每逢周末 🐏都一定會來食一次😝 食到個老闆娘都認得我飲凍檸茶走甜 或 凍奶茶😂 有時候仲會幫家人買外賣🙈首先 溫馨提示👀這食店規矩就是先排隊叫麵叫餸 然後先付款最後有位才入坐並無🙅🏾攞左位先 然後排隊叫麵叫餸🙅🏾呢支歌仔唱不過其實有好多人都會唔知規矩🐒 然後衝入去等位或坐低先🙊但最後係會比店員「請」出去排隊 絕無例外！🤗作為米線愛好者🐏 食車仔麵我都係揀米線😂而且例牌四餸 豬腸 酸齋 牛筋 蝦卷 連飲品 $36就搞掂！真係好抵食🤑蝦卷外脆內軟 感覺像墨魚丸彈牙 酸齋也做得相當不錯 酸甜入味😋 令人欲罷不能！牛筋 牛腩 炆得好腍！牛筋尤其香軟嫩滑😍 🐏每次必叫 而且未到兩點就會賣晒😂🙈P.S. 可單點又可叫一份牛筋腩（半份牛筋 半份牛腩）一個價錢兩個餸😏豬腸洗得乾淨 雖滷水味並不重 但相當有嚼勁👍🏻而且一個餸給的份量相當多 一個餸大概有68件☺️除此之外 還有超過二十款餸有快餐系列必選：午餐肉 紅腸 腸仔 漢堡扒 煎蛋 🍳炸物都有好幾款：炸雞翼 雞扒 豬頸肉 和 豬油渣鴨胸片 雞串鮑片 辣腐皮 辣鳳爪 黑木耳 豬手雞蛋 豬紅 豬皮 蘿蔔 豆卜 牛腩 魷魚 冬菇 魚皮餃 自家製水餃等 選擇真是包羅萬有！😎其中以豬油渣最特別 因為不是很多車仔麵檔有售而且味道香脆可口 好受食客歡迎 成日好快就賣光🙈每完成一碗 店員都會問你要唔要腩汁而且有三種配料—蔥花、香辣菜脯、沙嗲汁自由添加 多少隨你😉 （我成日見到有人加蔥花加到成座山咁😂）當然不得不提是重點 — 香辣菜脯😍😍😍落一湯匙已經夠辣（以譚仔小辣為標準）而且非常惹味👅 不得不試！總括而言以「藞苴麵」 來說 真係好食又抵食！😚😚😚可能係九龍區最好食的車仔麵😋亦係我🐏香港食過至今 最好食的車仔麵🏆雖然店內位置不多 大概只有二十個座位但客常滿 繁忙時段d人仲會排到「友記」門口🙊溫馨提示：最好三點前去 如果唔係d餸會賣晒無得揀？🙈
味源車仔麵餐單提供港式, 車仔麵等推介美食位於黃大仙區，餐廳座位數未知人均消費約$50以下，結賬可以用現金。
您對於黃大仙餐廳「味源車仔麵」有何 comment？
味源車仔麵餐廳詳細資料：
- 味源車仔麵地址: 黃大仙銀鳳街7A號 味源車仔麵, 7 A Ngan Fung Street, Wong Tai Sin
- 味源車仔麵電話:
- 味源車仔麵價錢: $50以下
- 分類: 港式, 車仔麵
- 座位: 未知
- 付款: 現金
- FB專頁: 味源車仔麵 Facebook
更多味源車仔麵相關資料:
香港餐廳2026推介8月