名城酒樓 黃大仙

名城酒樓 評價 相片

黃大仙竹園南邨. 做街坊生意. 上次 d 野好好食,今次就差好多.d 點心番精太耐, 發脹晒.叫左~1. 叉燒包: 本來好食, 但精左好耐, 散晒.2. 鳳爪: 無味. no good.3. 燒賣: 又系蒸左好耐, 發晒脹.4. 煎薄餐: 一定要食. 正! d 粉開得好. 亞姊煎得香軟適中.5. 尤魚牛柏頁生菜: 非常大碟. 好抵食.呢度坐位幾闊落. 搭枱都唔會好迫. 老細話裝修3個月.過左年, 系酒樓危險高峰期. 咁d '傘傘'無得做lu. 希望真的只是裝修, 會再開番啦. 記得請番 d'傘傘'' 呀! 重有, 酒樓老細要計足糧比人呀. 再會!

今日係幫我婆婆慶祝96歲生日,因為婆婆一直都0係呢間酒樓擺壽宴,所以其實幾年前都已經覺得呢間酒樓Ｄ 0野食差0左好多，不過老人家食開呢度就呢度啦...先唔講0野食，剩係講呢度員工0既素質，我估全香港應該得呢一間酒樓0既部長會自己撞到人仲可以反鬧番人轉頭不特止，仲會理直氣壯走去人0地Ｄ長輩度指住人話；真係佩服到五體投地...事緣果時我同我表弟玩緊，咁我一直都冇郁過，一直都0係原來位置；突然有人0係我背後撞我一撞，跟住原來係個部長同一個伙計搬住張檯行過；呢樣我完全冇介意，但個部長已經一度搬住張檯行一度鬧0左我兩句，我果時都仲係冇出聲；激氣0既事0黎喇，果個部長竟然走去同我Ｄ長輩果度指住我話我，真係超級Ｏ咀；佢迫到我埋牆角我冇得再唔出聲,咪鬧鬼佢，跟住好彩我舅父都鬧佢；最後我都忍唔住走埋去果個部長度半鬧半講咁叫佢下次搬檯出句聲嘛；佢都只係一邊耍手一邊話得..得..得..咁就行走0左,SORRY都冇聲~~講番0野食啦,真係勁啦,我都未食過一隻仲咸過鹽焗雞0既油雞;更未食過一條魚好似食緊"鞋" 0既魚味香口膠咁...

【背景】上手係大觀酒樓，難食到死，可謂【人餒】轉手之後，初期亦立立亂，之後漸入佳境。

【食物】坐係度飲茶食飯同出面果d一樣，表過不述。

出色既就係佢既燒腊，尤其係燒肉同乳豬，佢係自己廚房做，唔係出面交黎的，每日朝早同下午約五點出爐，有好多太太幫襯，幾墟冚。

岩岩出爐果時，d燒肉會標油的，熱辣辣脆卜卜，正！仲有，佢d味道較得剛剛好，絕對唔會太咸，有水準。

其他燒腊如叉燒，油雞切雞，燒鴨燒鵝，都不錯。

價錢唔貴，以Quality計，算抵。

佢d飯盒，直情係超值，$13有好多餸，鋪滿飯面。

【服務】收錢阿姐好鬼cool同好鬼串，d師傅望落去算乾淨企理。

每一區總有一兩間特別正，特別出位既燒腊店，黃大仙區，首選新花。

今日同同事去呢間酒樓食午飯,去到都好多人.我叫點心、小菜同甜品.點心同甜品水準一般,不過點心來來去去都係果幾種,連基本蝦餃燒賣蝦腸同山竹牛肉都冇!不過小菜方面就好d,鹽焗雞菠蘿生炒咕嚕肉同埋蝦膏脆肉爪鮮魷都ok,而最正就係蒜茸炒西蘭花,蒜茸炒得好香,西蘭花剛剛熟,食起來脆口又新鮮!整體小菜水準ok 既!下次再來試午市套餐,聽講都好抵.

名城酒樓餐單提供粵菜, 廣東, 點心, 中菜館, 酒樓等推介美食位於黃大仙區，餐廳座位數未知人均消費約$51-100，結賬可以用Visa,Master,現金。

您對於黃大仙餐廳「名城酒樓」有何 comment？

名城酒樓餐廳詳細資料：

• 名城酒樓地址:
  黃大仙竹園南邨竹園商場中心3樓S218
  名城酒樓, Shop S218, Chuk Yuen South Estate Shopping Centre, Wong Tai Sin
• 名城酒樓電話:  
• 名城酒樓價錢: $51-100
• 分類: 粵菜, 廣東, 點心, 中菜館, 酒樓
• 座位: 未知
• 付款: Visa,Master,現金
• FB專頁: 名城酒樓 Facebook

更多名城酒樓相關資料:

• 名城酒樓分店
• Youtube
• Facebook
• Twitter
• Google