八喜 黃大仙

八喜 評價 相片

今晚我們去咗黃大仙中心南館嘅「八喜」食晚飯！台南大盆鷄「一隻」、左營夜市蚵仔砵、金腿花膠雲吞鷄、鮑螺片北菇扒翡翠、芒芥汁明蝦球、古早蒸多寶魚、黑椒鹹豬手煲同九份芋頭珍珠圓！台南大盆鷄「一隻」上碟嗰陣超新鮮熱辣同香氣撲鼻，鷄肉嘅肉質極之嫩滑同入味，醬汁亦相當惹味，薯仔同鷄肉吸收晒醬汁嘅味道，真係超正呀！左營夜市蚵仔砵嘅蚵仔都幾多，味道亦幾鮮甜！金腿花膠雲吞鷄嘅湯底有金腿嘅芳香，味道好清甜，花膠好軟滑，雲吞皮都幾薄身同幾大隻！鮑螺片北菇扒翡翠嘅北菇扒好厚身同軟滑，蔬菜亦好青嫩！芒芥汁明蝦球嘅賣相超級精緻吸引，明蝦球表面嘅炸粉唔係好厚身，蝦肉嘅肉質極之爽甜彈牙，舖底嘅米通非常香脆，夾埋一齊嚟食，令到口感相當豐富，味道超惹味清新！古早蒸多寶魚蒸嘅時間啱啱好，所以肉質非常嫩滑！黑椒鹹豬手煲嘅肉質非常鬆軟嫩滑，豬皮嘅口感超軟滑彈牙，骨膠原相當豐富！九份芋頭珍珠圓嘅薑茶味道好香濃，芋圓同黑珍珠相當煙煙韌韌，口感好豐富！

本身...呢間都算係屋企飯堂之一...但今次, 真係要抖番一排先得...Um...4碟中, 我只試過 個蔥爆牛肉 同 櫻花蝦炒飯 姐... 原因... 係因為個 花膠雲吞雞 發現異物, 所以取消咗; 而 一心想食嘅 九份芋圓 就 無 mood + 唔敢 再食... 😭😭😭😭😭😭牛肉林滑嘅, 若果稍為入味 dd 會更好~炒飯 ok 架, 㚒呀成個口感;炒得 恰到好處, 吾油 碟底亦無積油~ 原來... 最想食... 但... 真係 再無勇氣食落去經理一聽一望 就即時收走話吾緊要, cancel 佢啦, 佢係 nice 嘅, 雖然我仍嚇到呆掉, 但, 佢友善 所以我感覺無再難過啲~但, 比錢時, 友人發現仍在單中... 我依舊未定驚下... 🙈 好在有清醒朋友响身邊!

今日午餐去黃大仙食～点左台南肉燥飯～好香好好味呀肉燥份量剛剛好跟着又点埋醉🐔酒香濃郁雞肉滑嫩～唔錯環境不錯～好多卡位坐得幾舒服架！下次會再去！服務又幾好！好食！.😋

一早做乖乖女陪媽媽飲早茶，原來八喜係美心集團的，早茶有早市粥飯孖寶，都幾抵食我地叫左鳳爪排骨飯拼時菜鯪魚球，水晶紅豆糕$37加茶錢，食西式早餐都要呢個價錢鳳爪排骨飯，飯蒸得剛好，排骨肉味好重10鯪魚球，唔會好鍟，仲好彈牙，加埋佢個夠。

香辣胡椒粉，正！红豆糕正常野下次又有值口早D起身陪阿媽飲茶

今日假期，最好就約埋家人一齊飲茶。

由於假日冇得訂枱，於是就提早攞位。

好彩只係等咗15分鐘左右就有枱，唔算太耐。

一坐低急不及待劃點心。

鮮蝦腸粉每條有2只蝦，冇咩雪味，腸粉皮唔太厚，幾好食。

沙律明蝦角炸得金黃，食落幾脆口，內里蝦膠幾彈牙。

豉汁鳳爪好惹味，份量都不少，豉汁味唔太咸。

叉燒包雖然一籠得兩個，不過size都比其他酒樓大少少，味道不過不失。

沙嗲牛柏葉都好好味，不過沙嗲味略為不足，最特別下面有塊柚皮吸晒汁，好正燒賣賣相唔錯，有大蝦係燒賣上面，相當顯眼，內里的肥肉唔多，味道ok，值得一食。

八喜餐單提供台灣菜, 中菜館等推介美食位於黃大仙區，餐廳座位數100人均消費約$101-200，結賬可以用Visa,Master,現金,AE。

您對於黃大仙餐廳「八喜」有何 comment？

八喜餐廳詳細資料：

• 八喜地址:
  黃大仙正德街103號黃大仙中心南館地下G4A舖
  8 Happiness, Shop G4 A, G/ F, Temple Mall South,103 Ching Tak Street, Wong Tai Sin
• 八喜電話:  
• 八喜價錢: $101-200
• 分類: 台灣菜, 中菜館
• 座位: 100
• 付款: Visa,Master,現金,AE
• FB專頁: 八喜 Facebook

更多八喜相關資料:

• 八喜分店
• Youtube
• Facebook
• Twitter
• Google