麵鮮醬油房周月 (海光街) 鰂魚涌

麵鮮醬油房周月 (海光街) 評價 相片

聽講呢間好出名就同朋友嚟試吓，個人非常鍾意食沾面，所以好有期望，點知變咗失望💔我哋叫咗周月湯面，估計係佢嘅招牌，叫嘅係淡湯，但個湯底依然係太重味太咸，試咗幾啖之後決定將個面輕輕點下個湯就食，都係好咸，最後我哋每個人都只係食咗差唔多一半就食唔到，浪費左。

或者有啲人係好意食呢種湯底嘅，只係我接受唔到，但係既然係有淡湯嘅選擇，點解唔做得再淡啲呢？喺香港大家普遍食嘅嘢都比較清淡啲，所以希望周月可以改進下佢嘅湯底啦。

公司同事推介的周月拉麵店，今天午飯時間來，排隊大約十分鐘餐牌選擇不多，同事推介沾麵，沾麵和拉麵都可以選擇濃汁，淡汁。

而沾麵還可以選冷湯或熱湯和份量（100g,200g,300g) 店員建議最少選擇200g份量，而同事就要了燒黑豚肉沾麵。

有凍水供應，很有日本拉麵店風味燒黑豚肉沾麵有3塊燒豬腩肉，肉質半肥瘦，味道不錯。

沾麵汁十分濃郁，入面有豬肉粒和蔥。

配上麵條可以平均咸度，麵條有煙韌，溏心蛋半熟有流心，食完麵後可以叫店員加清雞湯，倒入沾麵湯，就可以飲用。

店面有日本風味，價錢略嫌少貴，性價比不算高。

但可以感受一下日本風情都是不錯的選擇

見過好多報導 門口又有好多獎項 感覺呢間麵店好出名又好似好吸引。

襯星期六冇乜人 就去試下。

叫左一個沾麵，一份小食。

麵就真係普通，湯底偏鹹。

反而小食比起麵更吸引。

試過一次就夠了

聽同事講鰂魚涌有間好出名既沾麵店，日日lunch都排晒長龍難得今日早收工，就過黎試試佢餐牌選擇唔多，主要都係沾麵同拉麵。

每種沾麵同拉麵都可以簡濃汁，淡汁。

而沾麵仲可以簡冷湯定熱湯同埋份量（100g,200g,300g) 建議最少嗌200g份量，因為我本身簡周月沾麵100g, 但店員建議一般都會嗌200g, 因為100太少而男朋友就簡左燒黑豚肉沾麵。

有凍水供應，同埋店員會將麵擺上枱，客人要自己拎個麵返自己枱，十足十日本既拉麵鋪男朋友嗌既燒黑豚肉沾麵，其實只係比我嗌既周月沾麵多3舊豬腩肉😅貴25蚊不過舊肉都幾好味，半肥瘦，又夠厚，25蚊3舊，都可以接受既 講返個沾麵汁，好濃郁，入面有d豬肉粒同蔥。

就咁飲就太濃太咸，配上麵條就成個balance返味道。

麵條有咬口，但又唔會死死實實，幾煙韌溏心蛋熟度岩岩好 男朋友200g麵唔係好夠食，建議男士們可以嗌300g食完d麵之後可以叫店員拎清雞湯，倒入沾麵湯，就可以飲。

同事話加左清雞湯就會變左周月拉麵個湯底，個人覺得都係偏咸，下次可能要嗌返淡味總括而言，味道幾特別，有日本風味，價錢略嫌少貴，性價比不算高。

不過係冇得去旅行既時候，黎感受下日本風情都係唔錯既選擇評分:環境 ⭐️⭐️⭐️⭐️味道 ⭐️⭐️⭐️⭐️舒適 ⭐️⭐️⭐️優閒 ⭐️⭐️⭐️回頭 ⭐️⭐️⭐️

見到OpenRice 的評論有贊有彈，但由於太想食日式麵的關係就去試吓呢間有米之連得獎的麵店，好在有試到！佢的麵質係我歡喜的咬口！1. 海老拌麵佢唔係沾麵唔係拉麵係拌麵，order的時候師傅已有特別講多次佢係用海老汁加生雞蛋拌的面，汁係少的。

唔知點解張相影到好細碗但正常食量的成年人係絕對夠飽的！櫻花蝦佢哋完全唔吝嗇咁，每一啖都有好多好多的櫻花蝦黐住條面，會encore!2. $128的沾麵Once again 麵質我係好愛好愛的，口感真係一流！個汁都好滿意（姐不是重口味的但都覺得正！）醬油同蒜好夠好香！美中不足係燒豬肉太細塊同蛋過熟唔流心。

麵鮮醬油房周月 (海光街)餐單提供日本菜, 拉麵等推介美食位於鰂魚涌區，餐廳座位數20人均消費約$51-100，結賬可以用AlipayHK,支付寶,現金,八達通，Booking訂位可以電話致電 23367888 查詢。

您對於鰂魚涌餐廳「麵鮮醬油房周月 (海光街)」有何 comment？

麵鮮醬油房周月 (海光街)餐廳詳細資料：

• 麵鮮醬油房周月 (海光街)地址:
  鰂魚涌海光街30號地舖
  Shugetsu (Hoi Kwong Street), G/ F,30 Hoi Kwong Street, Quarry Bay
• 麵鮮醬油房周月 (海光街)電話: 23367888
• 麵鮮醬油房周月 (海光街)價錢: $51-100
• 分類: 日本菜, 拉麵
• 座位: 20
• 付款: AlipayHK,支付寶,現金,八達通
• FB專頁: 麵鮮醬油房周月 (海光街) Facebook

更多麵鮮醬油房周月 (海光街)相關資料:

• 麵鮮醬油房周月 (海光街)分店
• Youtube
• Facebook
• Twitter
• Google