王牌冰室 (友邦香港大樓) 鰂魚涌

王牌冰室 (友邦香港大樓) 評價 相片

#開工大吉 開工第二日繼續馬不停蹄去見客！今次喺 #北角 七姊妹道附近，上次路過已經好想試下客人公司對面間王牌冰室！店舖門面好大，而且喺正大馬路，遠遠已經被懷舊霓虹燈牌吸引住！今次夾啱時間可以去食個快lunch ! Go Go go ! 茶記我來了！🥚🥛🍤🍚 特濃牛乳炒滑蛋叉燒蝦仁雙拼飯（$64）黎得梗係要食招牌菜，特濃牛乳炒滑蛋叉燒蝦仁雙拼飯賣相靚仔，炒蛋好滑，蛋味同牛乳味都好平均，配料有爽口彈牙大蝦同大大件厚切叉燒，叉燒夠淋又香肉味！最後加埋少少香蔥甜醬油雙重美味！係一碗大滿足嘅招牌菜！🍜🍳王牌常餐 王牌特濃沙嗲牛肉公仔麵，配牛乳炒蛋，丹麥多士 （$48）先講我其實係為左個”特濃” 沙嗲牛肉公仔麵而黎，對佢有所期待！一夾起個公仔麵就知佢不得了！ 沙爹汁好掛麵🍜  味道真係特！濃！薄片牛肉唔會太淋有咬口好味！公仔麵煮得剛剛好唔會漲哂，配牛乳炒蛋一樣好味濕濕地唔油炒得唔錯！ 丹麥多士都好香。

絕對推介愛沙嗲牛肉嘅人黎食！最後想讚下店員好有禮貌又親切！值得再來！

呢間冰室係開起我家附近，其實已經開咗一段時間，一直都想試吓。

所以趁着假期去試一下佢。

今天是年初四，入座的時候已經說明要數加二。

坐低咗之後，就叫熱奶茶和蛋治，諗住叫最簡單嘅嘢睇吓佢嘅水準。

但是，奶茶的份量比較少，係細嘅黑白牛奶杯，茶亦不夠香，冷熱程度係OK嘅。

蛋治嚟到嘅時候，蛋係幾厚嘅，但係不夠熱，沒有熱辣辣的感覺，好似已經整定嘅炒蛋咁樣，不是即叫即整的。

總體嘅感覺係有點失望，可能係年初四好多師傅未開工嘅原因。

希望下次會有更好嘅體驗。

訓醒落街食返個茶記先，去咗屋企附近嘅王牌冰室開餐。

.🍝星洲炒米上枱時睇唔出原來有咁多配料，配料比米粉更多🤣，米粉炒得乾身唔油膩，咖喱味香濃。

.🍛王牌叉燒特濃牛乳炒滑蛋飯叉燒半肥瘦剛剛好，滑蛋炒得嫩滑，叉燒滑蛋完全覆蓋飯，加埋豉油撈飯，超正👍。

.🍳特濃牛乳炒蛋+午餐肉通粉炒蛋滑得嚟好Juicy，午餐肉煎得剛好微微香燶。

.餐廳裝修仿舊香港茶餐廳，行懷舊路線，牆上掛滿霓虹燈牌，充滿特式。

.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 王牌冰室 (友邦香港大樓) (鰂魚涌)📍鰂魚涌英皇道734號友邦香港大樓地舖

香港🇭🇰最有特色之一，茶餐廳～ 我一直都好鍾意😍 今次去咗呢間主打港式茶餐廳獨有美食，另外餐廳仲有好多懷舊霓虹燈牌，將當年冰室嘅情懷重現🥰🥰🥰推介～特濃牛乳炒滑蛋叉燒蝦仁雙拼飯（$64）呢個係餐廳招牌菜之一炒蛋伴著蛋汁，味道軟滑， 再配上厚切大大件又軟腍嘅叉燒，仲有好大粒又彈牙嘅蝦仁，真係啖啖肉。

上面加咗色～ 甜豉油， 更加惹味🤩沙嗲牛肉潛艇（$36）麵包烤得非常香脆， 上面佈滿微微烤焦嘅芝麻粒，入面仲夾住嫩滑入味嘅牛肉，沾了滿滿沙爹汁。

麵包吸哂沙爹汁仲勁好味😋王牌西多：花生醬（$36）港式熱奶茶茶餐廳美食當然唔少得西多士同奶茶😝😝睇住牛油🧈係上面慢慢溶化🤤，然後再加上甜絲絲嘅糖漿🤤🤤 一啖咬落去就外脆內軟，口中混著多士及牛油香，糖漿甜，仲有濃郁嘅花生醬🤤🤤🤤一啖西多士再加一啖香滑奶茶😌

鰂魚涌地鐵站一出，就見到呢一間王牌冰室，座位寬躺，坐得舒服。

今日真係特別肚餓，不如就試吓佢哋王牌推介脆炸肉絲炒麵配凍檸茶($60+$7凍飲), 原來加$28仲可以要盅燉湯(沙參燉雞)一嚟見到脆麵真係嘩，炸到脆卜卜，肉絲又多好味，燉湯都幾足料👍🏻仲要買個外賣返去俾阿仔食，特濃牛乳炒滑蛋叉燒蝦仁雙拼飯($64)好大碗，外賣包裝都好特別精緻，好懷舊，阿仔大讚蛋味香濃叉燒軟身，大蝦🍤好鮮甜，有驚喜呀。

王牌冰室 (友邦香港大樓)餐單提供港式, 茶餐廳, 冰室等推介美食位於鰂魚涌區，餐廳座位數未知人均消費約$50以下，結賬可以用現金。

您對於鰂魚涌餐廳「王牌冰室 (友邦香港大樓)」有何 comment？

王牌冰室 (友邦香港大樓)餐廳詳細資料：

• 王牌冰室 (友邦香港大樓)地址:
  鰂魚涌英皇道734號友邦香港大樓地舖
  Wong Pai Bing Sutt (友邦香港大樓), G/ F, A I A Hong Kong Tower,734 King's Road, Quarry Bay
• 王牌冰室 (友邦香港大樓)電話:  
• 王牌冰室 (友邦香港大樓)價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 王牌冰室 (友邦香港大樓) Facebook

更多王牌冰室 (友邦香港大樓)相關資料:

• 王牌冰室 (友邦香港大樓)分店
• Youtube
• Facebook
• Twitter
• Google