新華園燒臘餐廳 鰂魚涌

新華園燒臘餐廳 評價 相片

早一排師傅趁住有少少心情, 就喺放飯時間四出走走, 順便睇下有咩好食, 不經覺行到黎呢間食店前, 師傅喺唔知咩野嘅驅使下就行左入黎呢間食店, 入到去坐底師傅先發覺佢係一間燒味店, 等師傅仲誤會佢係一間茶餐廳, 既然入左黎就求其坐底食少少野啦!由於冇食到早餐, 所以師傅都幾鬼肚餓; 於是考慮左一陣就決定柯打一碟叉燒紅腸飯, 而餐飲就要左凍檸茶; 等左一陣就有得食! 叉燒紅腸飯一黎到, 師傅望左兩眼其實已經想起身比錢鬆人, 因為個賣相超唔得, 但冇理由未戰先降架, 呢d從來都唔係師傅嘅作風! 好, 就等師傅會一會你; 咩都唔講, 淨係講下個白飯先, 白飯又乾又硬, 直頭係難啃, 咬左兩啖已經冇晒胃口; 叉燒賣相非常乾身, 加上都幾瘦又冇蜜味, 而且仲非常咸添, 喺叉燒嘅角度黎講都算差; 紅腸入口非常之硬, 加上紅腸本身好粉, 超唔好味, 失敗; 凍檸茶都係普普通通, 加上食物水準咁差, 師傅已經唔記杯野凍檸茶係咩味!總括黎講食物質素係十分之差, 環境又唔係舒服, 價錢又唔平, 師傅相信如果呢間食店唔係喺呢區開檔嘅話, 一定會好快關門大吉; 作為一間燒味店竟然連燒味都唔得, 真係好失敗; 師傅成碟飯食左兩啖就已經唔想食, 如果唔係有辣椒油就一定食唔到添; 呢一餐咁嘅水準師傅喊緊啦, 仲點會有下次呢?

上星期剛剛返新工, 下午同同事o黎呢度食, 同事就推介呢度o既叉燒, 但因為我一向都唔太鍾意食叉燒, 所以就叫o左個油雞燒鴨雙拼飯, o黎到時賣相都幾靚仔, o的油雞好正好嫩滑又唔會血淋淋, 唔錯 燒鴨好香好入味, 以我一個平時唔食太多o野o既女仔o黎講, 當日我罕有地清晒成碟飯呀 雙拼飯連埋杯o野飲都係32蚊, 我覺得超抵, 最緊要係好食嘛

星期六早上此區所開的食肆不多，求其找一間來醫肚。

早餐由A至K有11款任君選擇，不過款式大致差不多。

其中C餐有叉燒通粉，立即鎖定這個。

叉燒是隔夜的，通粉算幾彈牙；另外跟牛油方包及煎太陽蛋，蛋煎得很差，師傅知唔知咩叫做太陽蛋？另一沙爹牛肉通粉早餐，沙爹味不錯。

餐飲的奶茶完全沒有茶味外，味道又奇怪，總知是十分之最難飲。

今早要在上班前到灣仔辦一些工事，所以也提早了時間先到附近食個早餐才開始一天的工作。

這裡的早餐選擇不多，加上又不想吃沙爹牛肉，改一下口味，來個基本步好了。

一般是火腿跟蛋分開的"前半部"，今天來的卻是<<火腿蛋三文治>>，而且份量跟單叫的沒有分別。

<<餐肉蛋公仔麵>>，用的是普遍光麵，麵身較韌，頗合自己喜好的口味。

以份量來說，這兒的早餐基本上是二合一的，但其價錢卻是一般早餐般。

十分"抵食"~

好抵呀，$22連例湯。

飯本身已經煮得比較腍，加埋咖哩汁之後d飯就更腍；這方面要改善一下。

餸都幾ok：有6件切左一半的雞翼，薯仔都有好幾塊。

咖哩汁幾香，少少辣。

湯係紅蘿蔔煲雞，清清地，$22算係咁啦！

新華園燒臘餐廳餐單提供港式, 粉麵, 米線, 燒臘, 茶餐廳, 冰室等推介美食位於鰂魚涌區，餐廳座位數36人均消費約$50以下，結賬可以用現金。

您對於鰂魚涌餐廳「新華園燒臘餐廳」有何 comment？

新華園燒臘餐廳餐廳詳細資料：

• 新華園燒臘餐廳地址:
  鰂魚涌海灣街4-6號嘉榮大廈地下9號
  San Wah Yuen Restaurant, Shop9, G/ F, Kai Wing Mansion,4-6 Hoi Wan Street, Quarry Bay
• 新華園燒臘餐廳電話:  
• 新華園燒臘餐廳價錢: $50以下
• 分類: 港式, 粉麵, 米線, 燒臘, 茶餐廳, 冰室
• 座位: 36
• 付款: 現金
• FB專頁: 新華園燒臘餐廳 Facebook

更多新華園燒臘餐廳相關資料:

• 新華園燒臘餐廳分店
• Youtube
• Facebook
• Twitter
• Google