和谷茶餐廳 鰂魚涌

和谷茶餐廳 評價 相片

朝早翻工 見有時間食個早餐先翻工！諗住唔食連鎖店 試下新野！見到呢間未試過就諗住試吓！點知中咗伏！我叫左個五香肉丁通粉！啲五香肉丁係酸嘅！！我同個啊姐講翻，點知佢就係咁狡辯話自己朝早試過冇壞！好唔gur咁幫我換第二個餐！之後換個沙嗲牛肉公仔面比我個餐包火腿同蛋個雞蛋勁油浸晒落個火腿到！火腿勁油冇煎過！個包有陣縮味！真係得杯野飲算叫正常！最後差d計多我錢！廚師又唔戴口罩煮野！周圍勁污糟！冷氣機都滴水落我個膊頭度！食物質素又冇服務態度！未試過食個早餐一肚氣

平日午市有空枱有原因既做野黎開呢頭，又趕時間，見有位就坐低食，但車仔麵都要十五分鐘先上枱叫五個餸剩麵：豬大腸，酸左變壞左炸墨丸，酸左變壞左辣魚蛋完全無辣，但勁多白胡椒粉凍檸茶，溝水溝到勁淺色，茶味淡到水咁埋單話揀餸張紙價錢舊既，加左價跟另一張餐牌但計錯錢收多左，叫佢再計先計番岩點解我要寫食評？真係為人類健康著想，唔好食到入醫院。

至於點解仲寫緊，因為負評要寫夠200字，寫咁長有需要咩？完全無必要，中間個段就夠啦

今日來到鰂魚涌特別搵間茶餐廳食下,入到去就系幾實在方便既感覺,餐廳牆上有古董汽車油站既畫作,古典味十足,坐低睇下餐牌都有好多幾吸引既選擇,搵到份豬扒通粉同炒麵就毫不猶疑落單,首先上左個例湯味道尚可算大碗份量都幾認真,炒麵唔油膩軟硬適中又有青椒陪襯好食又健康,通心粉裡面留住既湯食落口中即時感受到湯汁既好味,豬扒份量與口感一流,杯野飲裡面既檸檬配搭適中,中午時候最低消費40蚊以上可見得有相當唔錯既生意客流量,服務態度實在,上餐速度同口味亦對於工作繁忙既打工仔來講就好理想啦

無意間參加左比賽自己都吳知，仲得到獎項，真係好有驚喜，收到個電郵先知，今日去領獎，所以先會黎到呢個位置，約左人晚上吃飯，但而家好肚餓，想食小小嘢先😂———————————————————剛剛午餐時間，周圍好多人，甘就行下行下見到呢度有位，就入去求其食D嘢，入到去，竟然發現呢到一間甘簡陋既茶餐廳入面有個甘特式既限量板勞力士牆鐘，仲要係同我手上既手錶一模一樣👍👍👍👍👍————————————————————佢既鋪頭入面仲有既特式就係頂架上面好多舊式汽水罐做擺設，我都未見過呢D汽水罐，睇湬佢老闆都係鐘意收蔵D古董既人😬👍————————————————————欣賞完佢間鋪，講反我叫左既食物😬涷🍋茶——🍋足夠，可惜茶太淡，好似飲更涷🍋水甘😰四餸車仔麵——呢個味道ok，蘿蔔夠諗，🐔翼夠味，魚皮餃都好食，最欣賞係佢個豬大腸（好多地方係整吳走🐷大腸既壓臭味，呢到竟然係無呢種味道👍）其他食物我就試吳到啦，但呢個車仔面都算係ok✌️✌️✌️✌️✌️✌️但我就欣賞佢個Rolex牆鐘多D😂😂😂😂😂

在附近聽課，北角環境甚為陌生，加上時間不多，隨便走進一間人不多的餐廳算罷 例如淡如水 蝦醬炒飯，初初端來味道甚香濃但食落又不覺蝦醬香氣。

還好，料不少，叉燒、火腿、荵粒、蛋，微溫炒飯不算太熱。

基於門口第一張桌子較焗促，故不吃太熱的東西還好。

凍奶茶，明明少冰，仍然很多冰，整杯飲完還有半杯是冰，利害！

和谷茶餐廳餐單提供港式, 茶餐廳, 冰室等推介美食位於鰂魚涌區，餐廳座位數50人均消費約$50以下，結賬可以用現金，Booking訂位可以電話致電 28112884 查詢。

您對於鰂魚涌餐廳「和谷茶餐廳」有何 comment？

和谷茶餐廳餐廳詳細資料：

• 和谷茶餐廳地址:
  鰂魚涌七姊妹道187號地舖
  和谷茶餐廳, 187 Tsat Tsz Mui Road,, Quarry Bay
• 和谷茶餐廳電話: 28112884
• 和谷茶餐廳價錢: $50以下
• 分類: 港式, 茶餐廳, 冰室
• 座位: 50
• 付款: 現金
• FB專頁: 和谷茶餐廳 Facebook

更多和谷茶餐廳相關資料:

• 和谷茶餐廳分店
• Youtube
• Facebook
• Twitter
• Google