不倒翁日本料理 鰂魚涌

不倒翁日本料理 評價 相片

今日又係一班女人食飯既日子 落左幾日雨終於有返個太陽, 所以我地都好好興致行去鰂魚涌食飯! 上次食完camper's已經見到呢間日本野, 睇餐牌仲幾平添, 今日有機會一嘗喇!1230去到好彩即刻有位唔洗等, 見到餐牌寫住1245前結帳有八折優惠, 不過我地好明顯唔得啦第一碟黎到既係咖哩牛舌飯($43), 咖哩比我地想像中深色, 不過都幾多牛舌喎! 試左一舊牛舌, 都算幾煙韌質感不錯! 睇住佢食都幾和味之後就係蒲燒X魚定食($60), 都幾豐富, 條魚幾大得黎仲有沙律同橙, 不過條魚好似略咸, 但都不錯!最後佢地差唔多食完先到我既三文魚大蝦冷麵($65)....  本以為最快係呢個, 點知慢到... 不過賣相都幾吸引喎!  除左三文魚同蝦, 仲有吞拿魚, 油甘魚, 蟹柳同甜蛋, 所以顏色幾繽紛!   不過有樣野唔係好明, 就係隻蝦係熟既, 我以為係生蝦...  同埋吞拿魚油甘魚都鞋鞋地, 麻麻地者...   冷麵係配麻醬既, 我地覺得唔夠醬, 問佢拎多D點知要加$2既, 好彩$2都幾多下, 都用唔晒... 個麵唔算好凍, 又唔會好硬, 所以整體還可以啦!小小的店內都幾多張枱, 所以環境有d逼, 而且有d舊, 只有2個人做樓面, 要照顧差不多10張枱有點吃力, 所以態度有點唔係太好...  落單同上菜都慢左D... 不過夠平有機會都會再黎~

很舊的餐廳, 老闆娘不很友善, 桌上有點髒, 但沒有人抺枱,門口貼了 12:45 前結賬有八折作招徠, 但反應依然一般, 餐廳內非常冷清。

小妹點了蒲燒鰻魚定食我還是第一次吃有骨的鰻魚, 感覺有點怪, 海藻味道一般, 有點淋, 飯上的蒲燒醬汁反而幾好味, 飯上的紙菜都是淋的, 整體感覺一般。

小妹於 12:45 前結賬, 所以有 8折, 定食價錢來說, 不算貴。

同同事去食完, 果間野D野食都算過得去, 冇乜特別吸引, 但係亦唔係難食但印象最深刻都係果度個老闆娘, 係我地坐低食野果短短三十幾分鐘入面, 佢鬧伙計鬧左3次, 而且全部都係鬧得好大聲, 由廚房聽到出黎都聽到, 成日餐廳都望實, 極唔好老脾最經典既係, 俾錢果陣, 佢同我地講總數, 果陣同同事都冇帶散紙, 同佢講分開計, 佢即時歪嘴仲要唉左一聲, 之後仲要擺個款好唔滿意咁收錢, 最後歪住個嘴講多謝, 其實咁唔滿意又駛乜用個咁既態度黎講多謝?

午飯已有留意這間小店, 一直也沒有機會到訪...今天晚飯亳無頭緒, 終選擇了這小店, 門面不光鮮, 對食品不存太大期望, 但求過得去又飽肚...或許沒甚期望, 食罷甚有驚喜!!加洲卷 (8件38元) 不錯不錯..炸蝦拉麵 (套餐50元, 涷飲加2) 蝦很脆, 熱辣辣, 正呀~~麵都幾彈牙, 但配菜嫌不夠新鮮!!2個人食也飽!!水準也不錯, 應該會再來的!

先前已說過逢星期一通頂多會到 K's 買飯盒，但食得多都想轉下款。

今日便專程行遠啲，來到差不多到華蘭路街市附近，看看哪些餐廳有平價外賣飯盒，行行發現此日式料理店竟有全日供應的 $26 外賣飯盒，包飲品或麵豉湯，凍飲另加 $2，而且每日有兩款。

今晚的是豬軟骨飯和薑汁牛肉飯，要了前者跟凍檸茶。

回到公司打開飯蓋，頗有驚喜，皆因飯面鋪滿豬軟骨和椰菜，還有少量甘筍絲和芝麻，份量特多，味道尚可，只是個燒汁偏甜，豬軟骨得肉冇乜軟骨，有欠口感，而且滷得過火，肉質都幾嚡下，不過以 $26 貨色來說，已算不錯了。

不倒翁日本料理餐單提供日本菜, 拉麵等推介美食位於鰂魚涌區，餐廳座位數40人均消費約$50以下，結賬可以用現金。

您對於鰂魚涌餐廳「不倒翁日本料理」有何 comment？

不倒翁日本料理餐廳詳細資料：

• 不倒翁日本料理地址:
  鰂魚涌濱海街32號地下
  不倒翁日本料理, G/ F, No.32 Bin Hoi Road, Quarry Bay
• 不倒翁日本料理電話:  
• 不倒翁日本料理價錢: $50以下
• 分類: 日本菜, 拉麵
• 座位: 40
• 付款: 現金
• FB專頁: 不倒翁日本料理 Facebook

更多不倒翁日本料理相關資料:

• 不倒翁日本料理分店
• Youtube
• Facebook
• Twitter
• Google