龍如海鮮酒樓 鯉魚門

龍如海鮮酒樓 評價 相片

經朋友介紹，我愛上佢龍如海鮮。

雖然真係有啲遠，但係已經來咗好多次。

幾乎每次都係食差唔多嘅嘢，呢度師傅可能好勁,大有來頭，可稱上大廚中大廚 。

中菜，尤其係海洋，煮蒸/過少少就係過咗，呢度每次每個菜式都係perfect。

最好早一日訂枱。

因為要食好嘢，每日新鮮買嘅海鮮。

老闆娘同伙計好nice。

仲有甜品送👏👏👏

同事們為我慶祝生日🎂選址是鯉魚門，由於疫情蔓延，四周也是靜悄悄的，鯉魚門更甚，酒樓只有我們一枱，但師傅也絕不欺場，熱烘烘的海鮮一碟碟地上枱，那是套餐，黃金蝦（連殼也想食埋）蒸鮑魚、龍蝦伊面（手掌大的龍蝦🦞）蛋白蒸花蟹、上湯菜、魚兩食、咕嚕骨、炒飯、生果....等等所有食品都滿分💯炒飯更是粒粒好食😋希望疫情快過，我們可以再次光顧這麼好味的海鮮酒家值得一提，店員姐姐也是十分友善❣️

鯉魚門亦係食海鮮出名嘅地方，呢一站嚟到鯉魚門，順順行吓睇吓呢度有少少鄉村感覺嘅地方。

我哋都行咗海鮮街一陣，諗緊幫襯邊間，最後揀咗比一個非常熱情嘅姐姐拉咗去揀海鮮。

之前聽人講話鯉魚門都幾貴，兩個人食咗六樣嘢，我覺得價錢可以接受，味道都還可以。

半斤蝦，蝦新鮮，都算大隻。

揀咗一條細嘅象拔蚌。

膽用嚟椒鹽，好香口，好好味。

身就做刺身，新鮮又爽口，切得夠薄身。

蒸扇貝，無落豉油，但係我反而覺得淡淡哋先食到鮮味。

芝士龍蝦伊麵底，汁嘅色好黃，味道一般，唔夠重芝士味，汁多料少，龍蝦無咩肉。

辣酒煮花螺，呢個唔錯，我唔食得辣都食到，幾香。

均衡啲食返碟菜。

今年母親節諗住帶母親慶祝一下，今次想試下呢間龍如，我們點左魚兩食，炒球and 炆骨、蒜蓉扇貝、蒜蓉聖子、豉油王大蝦、龍蝦米粉、陳皮蒸鮑魚。

我地一大班人大約8點鐘到，點好菜後，一個鐘都未上過一道菜！期間催了很多很多次！！只說廚房好忙整緊！但隔離枱，遲過我地嚟D人已經上咗幾道菜！！。

大約一個多小時後居然係全部菜一次過上晒！味道方面，炒球同炆骨都有油益味，其他海鮮非常一般，比起我平時食開出面果間味道差好遠！！諗住帶母親同親戚去食海鮮，點知失望而回！

之前都食過龍如好多次，但係服務同味道都越嚟越差！仲要好唔老實呃錢！上次我哋一行十幾人，朋友訂咗一鍋翅，點知D翅係甜嘅，大家食個未！？同老闆娘反映，佢話佢啲湯底係由好多條黨參制成，所以啲味道特別香甜，跟住我哋比一碗叫佢自己試，再比多碗比廚房試，跟住返嚟講句係呀,甜左少少啦！可能廚房落多咗D糖！跟住就走左去，好啦！跟住到鵝掌扣花膠，大家食咗一啖，第一個反應係講粗口！翅就甜，呢個就喊到入唔到口！叫老闆娘上嚟比佢試，佢話喊咗D啦，我送返啲汽水俾大家啦！跟住我同佢講「你埋單你自己識做啦，俾返多D折，我地從來未食過D咁難食嘅翅同鵝掌，問題係完全入唔到口,我哋都唔退你」因有個朋友喺度幫襯好耐，唔好意思退，諗住老闆會識做!點知埋單佢都係堅持一蚊都冇減，嘈咗好耐先減二佰，等日發現佢仲要𠱓多我地＄1500以上因為我哋啲海鮮係船度定，跟住送去龍如，當晚問個老板娘海鮮幾錢，佢話3仟幾,第日我朋友打去訂海鮮度問，張單係二仟幾！呢間野同啲黑店冇分別，做生意做成咁！祝佢好運！

龍如海鮮酒樓餐單提供粵菜, 廣東, 海鮮, 點心, 海鮮酒家等推介美食位於鯉魚門區，餐廳座位數未知人均消費約$401-800，結賬可以用Visa,Master,AlipayHK,支付寶,現金,銀聯。

您對於鯉魚門餐廳「龍如海鮮酒樓」有何 comment？

龍如海鮮酒樓餐廳詳細資料：

• 龍如海鮮酒樓地址:
  鯉魚門海傍道中41號地下
  Lung Yue Restaurant, G/ F,41 Hoi Pong Road, Lei Yue Mun
• 龍如海鮮酒樓電話:  
• 龍如海鮮酒樓價錢: $401-800
• 分類: 粵菜, 廣東, 海鮮, 點心, 海鮮酒家
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 龍如海鮮酒樓 Facebook

更多龍如海鮮酒樓相關資料:

• 龍如海鮮酒樓分店
• Youtube
• Facebook
• Twitter
• Google