錦麗 馬鞍山

錦麗 評價 相片

作為馬鞍山居民，一諗唔到食乜就會去錦麗食，因為佢坐得都算舒服，生牛肉湯河好食，啲湯好入味好好飲，仲有個app可以儲分用來換免費飲品及小食，如果飲品是換的，人均消費一般在80元以內都算合理，佢仲有個套餐，加多廿元左右已有飲品及小食。

由於疫情關係，而家好多食肆都提早關門，今晚到9點先去食飯，又真係有啲夜，難得經過錦麗見到佢未收舖，就入左去食。

平時都好多人排，而家有大把位。

我地叫左一個生牛肉湯河同一個牛丸湯河。

生牛肉唔靭，個湯底好好味好濃郁，不過我個人就覺得有少少鹹左啲。

我最欣賞嘅係佢地嘅牛丸，因為真係好有牛味同好彈。

但如果個河粉份量能夠再多少少咁就perfect喇，真係有啲食極都唔飽嘅感覺 。

唔知有無人同我有一樣嘅感覺，定係我實在係太大食😅

去馬鞍山探朋友，早點食午餐，原來有優惠喎😁買一送一。

點了兩碗综合湯河，就有四碗👍🏻👍🏻又可以減少同太多人聚集，又有著數，不得不介紹給大家。

另，餐廳好貼心，免費送上熱檸水，增加免疫力，共同抗疫😘😘😘

二人行去吃錦麗PHOLE，順利入座卡位，其實餐廳食物選擇不算太多，但粉絲一定會叫錦麗綜合粉，這次我們還點了炸手作蝦餅。

湯粉落單後，店員會送上一杯配料，包括辣椒絲、香葉、芽菜和青檸檬，建議湯粉熱熱的上枱時立即放下去！錦麗綜合粉：綜合份包含生牛肉、熟牛肉和牛丸，其實所謂的熟牛肉就是牛腩。

生牛肉軟綿綿，記得上枱時立即放入湯裏浸熟至變深色；熟牛腩比較煙韌，因為較厚身和帶點筋；牛丸只有三半粒，咬落很多汁，重牛肉汁在口內慢慢滲出，非常好吃！炸手作蝦餅：一碟有四件，蝦餅非常厚身，咬開會見到有很多蝦肉且口感彈牙，本來並沒有附醬汁，不過以往在別的地方吃蝦餅一定有醬汁配合，於是便問店員，店員隨即拿來帶辣的泰式醬汁，這樣就令蝦餅更加好吃。

綜合粉的湯頭非常重牛肉味，不用多說，看見相片便知道一滴都冇得留低啦！推薦！

突然好想食pho，就同老公去呢間餐廳。

餐廳光猛，座位寬闊。

因為早食晚飯，所以唔駛等位就直接入座。

熟牛肉粉($60)。

平時食開生熟牛河，試下新嘢。

原來熟牛肉係牛腩，比起生熟牛肉嘅牛肉片韌，同埋有筋。

下次都係食返生熟牛河。

湯底唔會太咸，又可以根據自己喜好加芽菜，香葉，辣椒等。

越南三色飯($66)。

其實想食香茅豬扒先會叫呢碟飯。

香茅豬扒好香，唔會太油膩。

脆皮香炸扎肉，第一次食，比較乾身。

蝦膏蒸蛋，超級咸，可以送十碗飯。

越式炸春卷($38/4件)。

都算足料，皮夠薄，偏濃味。

總結係，淨係個pho最好味，最值得食。

錦麗餐單提供越南菜, 粉麵, 米線等推介美食位於馬鞍山區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 26261811 查詢。

您對於馬鞍山餐廳「錦麗」有何 comment？

錦麗餐廳詳細資料：

• 錦麗地址:
  馬鞍山鞍祿街18號MOSTown新港城中心(4期)2樓2106號舖
  Pho Le, Shop2106,2/ F, M O S Town( Phase4),18 On Luk Street, Ma On Shan
• 錦麗電話: 26261811
• 錦麗價錢: $51-100
• 分類: 越南菜, 粉麵, 米線
• 座位: 未知
• 付款: AlipayHK,支付寶,現金
• FB專頁: 錦麗 Facebook

更多錦麗相關資料:

• 錦麗分店
• Youtube
• Facebook
• Twitter
• Google