金暹邏泰國菜館 馬鞍山

金暹邏泰國菜館 評價 相片

我是一個對泰國菜絕對有好感的人...哈哈~今日選擇漫遊馬鞍山後到金暹邏晚飯...餐牌內一句「點選以上小菜可免費贈泰式冰飲一杯」...嘩~~咁抵..?!餐牌裡好多都想食想點,,,不過只得兩個肚~~所以小小地...叫左三個菜~ 泰式拼盆：春卷、魚餅、蝦餅各兩件開四+香葉雞...春卷餡料差左d...魚餅比蝦餅好食~最意想不到係香葉雞~外面食既可能會好乾...但呢度既竟然外帶小乾內裡滑滑~香葉包雞~~好味~!! 香辣肉碎生菜包(雞肉)：酸酸地...微辣...加埋香葉乾蔥~用爽脆既生菜包住~味道岩岩好~連老公都食唔停口~~~ 黃咖哩牛腩+蒜蓉包：咖哩略為普通~但係牛腩同牛筋都好淋好入味~...個咖哩汁濃度岩岩好~因為係黃咖哩既關係...一d都唔辣~蒜蓉包...厚厚脆脆~略嫌蒜蓉味唔夠~~不過加埋咖哩就good哂~~~同場仲飲埋椰青同珍多冰~~好滿足的晚飯~總括來說...環境ok...食物唔錯~服務都可以既...不過可能9:00後侍應少客又開始少...d侍應唔可以即時埋台做野~~但係好好禮貌~連經過收銀叔叔都同我地講bye bye~好nice呢~~~

成日都去食ga個老闆又好人wo次次食都一定會叫香葉肉碎炒飯因為真係好正同埋個個炒金邊炒都係超好食服務又好d糕點都ok不過上次貪得意同bf 叫左個紅豆糕(包到好似個儍咁)我以為只係自己唔鐘意食指(因為酸酸地)後尾佢試完就知係壞左根住全部4件都換曬糯米飯真係好好食

我最愛的馬鞍山食店，平、靚、正，非它莫屬！首推：椰汁雞絲撈麵　$20my favorite，撈金邊粉最好。

椰汁加了咖哩，香，足料扺食。

白雲鳳爪$29無骨，夠多，味道好。

椰青焗飯$38原個椰盅上，炒飯加了一片片新鮮椰子肉，滑脟脟，也夠鮮甜。

苸頭海鮮飯$27 (外賣價)海鮮不算很多，但如此價錢，食得過。

而且炒飯味道均勻，每粒都好香好有味架～恵顧必送糖水：西米露／紫米露／清心丸／蕃薯糖水門口的肉鬆糯米飯 ($10/4) 也是必點的呢~＊老闆100%熱情款待，員工亦個個好禮，是扺食的泰國站！It' s the best restaurent in MOS ＊

星期日,d家姐和細妹都番齊黎食飯,好熱鬧喎.同3家姐講開,我話之前有一日,我既假期儲滿咗,諗住打個電話俾佢,入去馬鞍山探佢啦,點知電話冇人應,咁...算啦.我話俾佢聽,我星期一都會放假架,因為又係儲爆假既原故啦,我3家姐聽到之後,就話...你今晚入唔入黎吖,佢約咗d朋友星期一去打羽毛球,我....諗諗下,都話好啦,咁...就跟咗佢地架車入馬鞍山,借住姨甥女間房住咗一晚.第二朝,我地由我3姐夫車我地去人地個私人會所,我3家姐book咗9:00 11:00時殷既2個場,初時都冇諗住2個鐘頭原來可以咁快過架.打完,我地有7個大小朋友,要搵野食,3家姐d朋友就話去食泰國菜,咁就去食啦.呢間店,我都黎過 34 次,...有點印象,但每次記得食完既感覺,都係一般啦,唔會有驚喜.講番,d蒜茸包係幾好食,但係衰咗鹹咗,如果減番d鹹,咁就perfectd炒飯麵,炒得麻麻,我諗...我會炒得好食過佢.而沙爹串燒係比較受歡迎,d細路仔搶住食.而咖喱牛腩飯d汁送飯最好

雖然馬鞍山得呢一間泰國菜館，不過今次都係第一次去，只係因為行街行到有d攰想搵個地方坐坐，見呢間唔駛等就入去，一入去就見到有一名員工俾人狂鬧，冇錯﹗係當住客人(雖然數目唔多)面前毫不留情咁鬧，我同朋友搵個位坐好後，鬧人聲仍未停止，我心諗：咁樣鬧人真差勁，俾人鬧0個個無地自容，鬧人0既面目可憎，結果只會係total loss。

雖然我地0係餐廳出面已經睇過個餐牌，但係，仍然有d疑問，例如：套餐包「各式飲品」呢個字眼，但0係飲品列表上，「各式飲品」標題下只係一般奶茶咖啡汽水之類0既飲品，如果係其他椰汁冰、珍多冰之類0既飲品就列左0係「泰式飲品」標題之下，為免產生不必要0既誤會，我就向店員查詢，店員竟回應一句：「各式飲品就即係咩都叫得都唔駛加錢啦!」我就理直氣壯地指住飲品列表去問：「但呢度0既『各式飲品』意思唔係全部飲品wo，我想搞清楚。

」店員就好唔耐煩咁話：「而家呢個套餐(指住我地叫緊0既套餐)可以叫各式飲品唔駛加錢，特飲就要加3蚊!但呢個餐(另一個貴一點的套餐)就要加錢先有野飲bla bla bla」最後補了一句：「呢個餐要加一。

」黎唔切問佢單張上明明印著「全日免收加一及茶介」點解要加一呢個問題就閃開左，我覺得呢個店員態度好有問題，menu有問題，客人問清楚番係一件經常發生0既平常事，點解佢要咁勞氣?天氣關係?定係俾老闆鬧完呢?我地於是招手去問另一位身穿白恤衫加西褲疑似老闆0既男人，佢就咁回應：「我地人手唔夠，但d野(指套餐單張)又未用完，仲有好多0係度，冇理由掉，所以都有好多人客埋單時投訴0係度鬧，但我地都冇辦法，人手唔夠丫嘛~」我話：「你地其實可以0係呢d冇咩人0既時間刪左呢d字眼，咁咪唔會俾人鬧咁慘囉!」他就答：「你唔好睇我著到咁四正以為我係老闆，好多人都搞錯我係老闆，其實我唔係架!我退左休架喇!係假期返黎幫下手咁咋!我話唔到事，老闆冇叫要咁做，我地都冇辦法bla bla bla」我們呢個時候先知道剛才鬧得人狗血淋頭0個位就係老闆，但係佢穿得好隨便!佢咁樣做生意，一黎討好唔到員工，又討好唔到客人，點會做得長久呢?我地叫左碗香茅豬扒湯河+椰汁西米露兩份食，唔知點解人客咁少都等左3個字先黎，個廚可能落左場我地都費事催，免得又有人受罪(無論自己或d員工都好啦)塊豬扒成塊上冇切開好難搞，本來想叫人俾把刀，點知朋友已經用叉同筷子將豬扒分開兩半，佢話：「叫得佢地攞，d野都凍哂啦~」我地都覺得塊豬扒冇咩香茅味，同埋「鞋」左d，似普通茶餐廳煎豬扒，另外，d河粉好稔，又碎，用筷子夾得好辛苦我決定停手等食糖水，只係又唔知點解都半個鐘頭都未黎，我忍唔住叫個西裝阿叔催一催，佢就即刻去一去櫃檯就攞過黎，我覺得好有問題，係咪我唔催，佢就唔攞俾我呢同埋碗糖水好細碗，好似俾細路仔食野0既Q版碗，我食左兩啖，覺得好鬼甜，又冇咩材料，好稀囉!都有一舊仔芋頭0既椰汁味冇乜，總之就得個甜字，就係咁塞埋俾朋友食埋佢，佢都話：「早知叫杯野飲好過啦~」最後到埋單，我地一齊招手先俾個阿叔見到，佢仲走埋黎話：「埋單要出去收銀度埋~」我地覺得好差囉!咁0既服務仲要收加一服務費真係離譜好似我咁樣0既不快經驗，幫襯一次就唔想再黎啦

金暹邏泰國菜館餐單提供泰國菜等推介美食位於馬鞍山區，餐廳座位數未知人均消費約$51-100，結賬可以用Visa,Master,現金。

您對於馬鞍山餐廳「金暹邏泰國菜館」有何 comment？

金暹邏泰國菜館餐廳詳細資料：

• 金暹邏泰國菜館地址:
  馬鞍山馬鞍山廣場L2層256號舖
  Golden Siam Thai Cuisine, Shop256, L2, Ma On Shan Plaza, Ma On Shan
• 金暹邏泰國菜館電話:  
• 金暹邏泰國菜館價錢: $51-100
• 分類: 泰國菜
• 座位: 未知
• 付款: Visa,Master,現金
• FB專頁: 金暹邏泰國菜館 Facebook

更多金暹邏泰國菜館相關資料:

• 金暹邏泰國菜館分店
• Youtube
• Facebook
• Twitter
• Google