圓師奶小鍋米線 馬鞍山

圓師奶小鍋米線 評價 相片

是咁的~早排叫外賣嘅時候見到有間米線無論係個名定係款式都同我喺元朗食開果間好似所以都懷疑過係咪分店黎今次得閒就專登過黎堂食睇睇啦鋪頭位於街市側邊，喺一個小小嘅foodcourt入面嘅細鋪仔，都唔算難搵雖然店內面積唔大但都坐得舒服嘅睇睇個menu就覺得應該同元朗果間係無關係掛咁我就叫左碗招牌麻辣(bb辣)跟炸豬扒 一黎就梗係試下個湯先啦咦，呢到嘅湯香得黎又好清唔會好咸好濁，簡單講就真係食完唔會口乾相信餐廳個清湯係冇落味精bb辣嘅麻辣味唔太夠，如果本身都食到小小辣嘅相信要叫小辣先夠味招牌米線入面有好多菇菌鮮冬菇、雞脾菇同木耳絲 特別係木耳絲夠曬多令到碗米線生色不少口感爽脆同米線嘅腍滑係相得益彰不過如果食開爽d米線嘅朋友仔就可能要喺落單果陣講聲喇另外d甜酸菜都係好出色，味道啱啱好唔會過咸或者過酸炸豬扒係跟埋嘅餸 唔洗加錢另外都有幾款野揀嘅不過呢到嘅豬扒應該用左豬肉眼嘅位置食落比較乾身同柴雖然食得出豬扒有醃過味道尚算惹味但個肉質真係扣唔少分即炸嘅豬扒最緊要係外脆內軟兼有肉汁呢點就要改善下喇總括黎講，呢間米線都算幾好食同抵食50蚊有找食到豬扒米線飲埋凍飲兼且碗米線嘅湯底都幾出色 我覺得絕對值得一戰啦不過餐廳方面真係要改良下豬扒嘅部位或者製作方法喇

🍜🥢圓師奶小鍋米線🥣🍲身為馬鞍山人，開咗咩新嘢食緊係即刻要去試啦。

今次就試咗恆安市場嘅一間新米線🔸豬大腸，豬腩肉，麻辣小辣走韭菜 分量好多，好大碗，豬大腸同腩肉餸菜比例都算多🥰湯底濃郁，仲有我最中意既甜酸菜，都唔需要特別加錢，送豆漿。

🔸南乳雞球，豬肚，酸辣小辣 南乳雞球係雞翼斬件而成，都方便食，不過美中不足就係有骨。

其餘都好味米線兩餸再加嘢飲總共$106, 都唔算貴，最緊要米線唔好太腍，湯底好味 ,但係覺得湯底有味精。

咁呢個就可圈可點啦。

街市有新米線檔開，當然試吓啦，我自己叫咗個過橋清湯米線，家人叫咗個酸辣小鍋米線(中辣)跟份墨魚丸，真心當然唔會期望食到真正嘅過橋米線，(即係要自己放生料落個通常有層油面嘅湯入面)，我叫嘅係外賣，湯/粉分開裝嘅，先試過湯，比較淡，一啲豬骨味都冇，料頭正常啦，個炸醬如果可以比多少少，會好啲囉，家人叫嘅酸辣小鍋米線(中辣)，嗯～辣依家野好睇自己修行，但今次我同家人都唔覺有辣，個勿現呢，普通野，同場雖然暫時是有XX陣，遲吓又有一間連鎖乜哥開，如果水準冇改善，恐怕都捱唔住。

圓師奶小鍋米線餐單提供滇菜, 雲南, 粉麵, 米線等推介美食位於馬鞍山區，餐廳座位數未知人均消費約$51-100，結賬可以用現金。

您對於馬鞍山餐廳「圓師奶小鍋米線」有何 comment？

圓師奶小鍋米線餐廳詳細資料：

• 圓師奶小鍋米線地址:
  馬鞍山恆錦街1號恆安商場地下恆安市場20號舖
  圓師奶小鍋米線, Shop20, Food Garden, G/ F, Hang On Shopping Centre,1 Hang Kam Street, Ma On Shan
• 圓師奶小鍋米線電話:  
• 圓師奶小鍋米線價錢: $51-100
• 分類: 滇菜, 雲南, 粉麵, 米線
• 座位: 未知
• 付款: 現金
• FB專頁: 圓師奶小鍋米線 Facebook

更多圓師奶小鍋米線相關資料:

• 圓師奶小鍋米線分店
• Youtube
• Facebook
• Twitter
• Google