嚐味 馬鞍山

嚐味 評價 相片

今日因工作關係入到黎馬鞍山，所以就入左黎商場黎醫下肚仔。

因為呢間即刻有位所以就入左黎。

個人黎講真係好鐘意食牛脷，所以有個餐係牛脷食就即刻order左咁其實個飯份量都大，但質素就麻麻，個汁一黎太淡味，二黎好稀，所以唔好食。

跟住個牛利其實未去到好差，事因係佢煎得好香，個嚿肉本身質素好差，咬落無牛脷本身爽口有咬口嘅感覺但其實呢個價位，50幾蚊唔算好過份，我都仲接受到，但我d frd食嗰d海南雞飯/沙薑雞飯真係唔討好Overall黎講麻麻地

之前喺呢度食早餐，都仲有$28嘅餐，不過最近應該百物騰貴，見到餐牌都更新左，價錢亦相對提高左，早餐最平嘅都要$32了。

今次叫咗一個扎肉湯米粉，好適合喜歡清淡嘅朋友，因為個湯真係好清，而且扎肉都只係薄薄幾片，相比起平時食嘅公仔麵、午餐肉、腸仔等咁肥膩嘅早餐，呢度的確有啲比較清新又健康嘅選擇。

星期六的中午又一家人出街飯，唔想去咁遠其實都唔係好多選擇，即管睇下嚐味洗唔洗等位，有時會見到有堆人在門口等，今日無，望入去有枱只係未執好，所以等左3分鐘就入得。

呢間嘢叫自己做星馬泰美食，裝修都好有東南亞風味，不過主要都係四人卡位或餐枱，對於多過四人的組合比較唔方便，只有兩張U型枱(可坐6人)啱用或者得門口23張卡位可以打橫連住坐。

食物方面，其實佢款式都幾多，今日叫左午餐精選裡面的意式蕃茄魚柳意粉($47)、西冷牛扒腸仔配蒜茄汁飯($48)加一個常餐($36)全部餐都可以附送椰子雞湯，基本上次次黎呢度都會飲呢個湯，其實唔算好好味，我唔識分佢有冇落味精，不過椰子味重，而且好多，次次都食到你唔想食，雪耳都有，但雞絲都有幾條食下既。

先黎左個西冷牛扒腸仔配蒜茄汁飯($48)，塊牛扒太多筋，用刀切都有難度，小朋友好難咬到。

腸仔唔知係咪廚師牌，都偏咸。

至於意式蕃茄魚柳意粉($47)，魚柳都大塊，不過D汁整到淋哂，意粉不過不失。

佢地鍾意用沙律菜做配菜，無煮過的。

常餐($36)除了左火腿煎蛋加多士(心型碟上！)仲選擇了沙嗲牛肉米粉，對小朋友就有點辣，大人當然無問題！呢度上餐速度都算快，而且一坐落佢就會自動用上一瓶暖水加杯，而餐具全部都在自己枱的櫃桶可取，我幾鐘意咁自助，唔洗下下等佢。

馬鞍山市中心既商場換位換店過後，好多間餐廳都吾做早市，搵間食早餐都難。

唯有去頌安食啦！嘗味坐滿人，就走入去試試。

早餐選擇都幾多，港式三文治，湯粉面，歐陸式早餐，健康既麥皮都有。

早餐可以揀搭蛋，真係好少有。

但係我炒蛋火腿，就俾阿姐閙架😤。

火腿烚蛋牛奶多士，用心形碟上，幾 sweet。

😍牛奶多士有牛奶味，不過就好似差緊塊牛油。

沙嗲牛面既牛肉都 okay，但個面煮吾夠，硬左D。

所以吸收吾到湯，又硬又無味。

😒嘗過就算，下次會試下格離。

😌

外賣叫左海南雞，無醬跟，油飯無味，d雞好似擦子膠咁，個喇沙無味到清湯咁，豬頸肉又韌又無味，香矛雞翼一d 香矛味都無，老老實實無心機就唔好做飲食啦，真係請都唔食，兩個字垃圾，好耐無食過呢d咁差水準既餐廳，無論食物定簡單到一杯柚子蜜都可以整到咁不知所謂，奉勸大家食個杯麵或者捐錢去慈善團體都好過貼錢買難受，唯一可以讚既係外賣包裝好整齊

嚐味餐單提供港式, 新加坡菜, 粉麵, 米線, 茶餐廳, 冰室等推介美食位於馬鞍山區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 24511088 查詢。

您對於馬鞍山餐廳「嚐味」有何 comment？

嚐味餐廳詳細資料：

• 嚐味地址:
  馬鞍山頌安商場1樓138-139號舖
  Gustation Restaurant, Shop138-139,1/ F, Chung On Commercial Complex, Ma On Shan
• 嚐味電話: 24511088
• 嚐味價錢: $51-100
• 分類: 港式, 新加坡菜, 粉麵, 米線, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 嚐味 Facebook

更多嚐味相關資料:

• 嚐味分店
• Youtube
• Facebook
• Twitter
• Google