佳滿粉麵小廚 馬鞍山

佳滿粉麵小廚 評價 相片

<佳滿>呢一間小菜館係我同我班朋友既weekend浦點之一. 唔係有靚女, 唔係有潮爆既野, 佢有既係方便同埋舒適, 因為我地成班friend都係住馬鞍山, 附近無咩娛樂設施, 更加無似樣既酒吧. 所以每到weekend我地就會去佳滿食野, 飲酒, 同埋玩我地至愛既"啤牌".每次坐低, 友人S都會問食咩, 如果冬天我地就通常會食羊腩煲, 佢價錢便宜, 又夠份量. 送埋碟菜, 簡直係高水準之作.仲有我地食開既"雞腳", "炸墨魚餅", "扣肉", "開邊蝦", "炸大腸", 聽落好普通, 但係如果特價時段就非常之抵食.值得一提既係N年前做既$1雞粥, 當時係學生哥既我地零用錢唔多, 但係o係佳滿度食飯就有以前"返大陸"既感覺, 食好多野都係十幾蚊, 鬼咩, 叫一個$12蚊小菜就可以叫無限碗雞粥. 點食得窮呀.最後不可不提既係我地既主菜"燕京啤酒"$13一支, 每次埋單百分之八十五都係酒錢.呢度因為樓底高, 所以我地點大聲都嘈唔到人, 仲有果位好好記性既阿姐, 每次見到我地都會問我地係咪要"一雙"(兩支)啤酒.老闆仲會為我地開到零晨四點, 多謝晒!呢家, 就只用懷念同遺憾去形容. 八年啦!!!老闆, sorry呀~last一日都無黎到大飲大食一餐. 希望有機會再見到<佳滿>個招牌.佳餚確是認真多, 滿載而歸笑呵呵.

東江雞好味, 其他菜式一般, 衛生環境需改善

係圖書館溫左成個上晝書,尋日行過見到佢1碗麵跟餐飲$20,餐飲可轉油菜,好似幾抵,所以今日同朋友黎食lunch。

好烏糟,張台冇人抹過咁。

d staff都算有禮貌,但都未坐定,未諗好已經過黎落order。

我要左個牛丸米,轉生菜,朋友要左個快餐B,豆腐火腩飯,有湯有餐飲。

牛丸米($20)：我明明叫走青,囉到黎成碗都係= =都囉到黎就算了。

牛丸1碗有5粒,味道可以,唔算細粒,口感方面雖然唔算彈牙,但又未至於好似粉咁或者太淋。

d米粉份量唔算多,普通味通。

食完之後覺得好似有陣味,好似有d清潔劑ge味咁,唔知係咪我食錯。

生菜：有小量壕油係面,得好小菜。

同碗粉1樣,好似有d清潔劑ge味,怪怪地。

豆腐火腩飯($24)：見到有好多飯,而面個d送唔係好多。

火腩即係腩肉,朋友話ok,但d腩搞完1大輪已經唔脆,淋淋的。

湯：係中湯,但我冇問朋友好唔好味。

我諗我唔會再比自己有機會再黎食。

因為禁煙的得著已經不是第一次來光顧這裡，上次評完晚膳，今次來個早餐吧！是日相當遊閑，早上一份報紙，一份早餐，享受著春節前的早晨陽光的從窗外偷偷的灑進來，就是這樣簡單。

這裡的早餐花款及配答甚多，點來選去都是要了火腿炒蛋、多士、叉燒湯通及鴛鴦；十八大洋的這個早餐，當真超值。

先講多士，這裡的算是厚身了，這裡的二塊厚的多士差不多等於人家的三塊的總厚度，夠脆又夠熱辣，最利害的是轉多士不需另外加錢，值得加分；火腿炒蛋油量偏多，但夠蛋味，打平手；叉燒湯通內的叉燒是專誠先煎好才放進通粉內，需是較油膩但這份心意又值得加分；最後期盼已久及首次品嘗的鴛鴦就比預期中差點了，不是很差，但始終嘗不到咖啡的濃鬱味加上奶茶的香味，有點失望，若這杯鴛鴦能過關，這間食肆可算Perfect。

再寫多個羊腩煲.很凍的晚上, 火鍋是當然之選. 美心, 海港竟不供應火鍋, 唔憂做? 文迪提議過來食羊. 都要等一陣才有得坐.週末的馬鞍山, 等是不變的定律.羊腩煲: 7分, 份量不小, 兩個人食好勉強. 湯底幾濃郁, 但無小菜王的過鹹, 用來撈生菜幾好. 羊腩未算太腍, 支竹就好美味.鹽焗雞: 7分, 號稱金牌的鹽焗雞, 雞肉老了點, 又好油同勁肥. 但幾入味, 不算太鹹.還是區內較好的選擇.

佳滿粉麵小廚餐單提供港式, 茶餐廳, 冰室等推介美食位於馬鞍山區，餐廳座位數100人均消費約$50以下，結賬可以用現金。

您對於馬鞍山餐廳「佳滿粉麵小廚」有何 comment？

佳滿粉麵小廚餐廳詳細資料：

• 佳滿粉麵小廚地址:
  馬鞍山鞍駿街1號馬鞍山中心A26-A27號地下
  佳滿粉麵小廚, Shop A26-27, G/ F, Ma On Shan Centre,1 On Chun Street, Ma On Shan
• 佳滿粉麵小廚電話:  
• 佳滿粉麵小廚價錢: $50以下
• 分類: 港式, 茶餐廳, 冰室
• 座位: 100
• 付款: 現金
• FB專頁: 佳滿粉麵小廚 Facebook

更多佳滿粉麵小廚相關資料:

• 佳滿粉麵小廚分店
• Youtube
• Facebook
• Twitter
• Google