和風餐廳 馬灣

和風餐廳 評價 相片

唔應該叫和風餐廳....咩日式豬扒蛋飯，完全唔覺日式，收$48，一D都唔值，飯無汁，豬扒無味豬頸肉炒河，幾好镬氣，可惜豬頸肉又係無味，$68價錢拍得住酒樓，食view...總結：搵笨！無下次！

仲有上個星期第一次入柏麗灣係因為探剛剛生完bb既朋友, 到黃昏時間我地一行8人行左落去柏麗灣個廣場找食, 見到呢間和風餐廳,響近門口位置有幾個發泡膠箱裝住D游水海鮮, 心諗唔慌平啦, 跟住睇下門口個MENU, 原來係以小炒為主, 價錢同平時既茶餐廳都差唔多, 而且都有好多款式可以選擇, 加上門口果位應該係老闆, 佢十分熱情噤招呼同介紹, 仲叫入面D同事安排張大D既枱比我地, 見個環境都ok, 噤順勢就入左去食啦. 一坐低, d伙計已經送上例湯, 估唔到都幾夠火喉, 可以接受. 之後我地叫左以下既食物:椒鹽豆腐: 皮脆, 入面D豆腐仲好嫩, 唔會好咸, 味道OK, 前後叫左兩碟椒鹽魷魚鬚: 一D都唔覺得油, 仲好JUICY, 下酒一流芥末牛柳粒: 個味好OK, 唯牛肉份量太少, 多番少少就VERY GOOD LA冰鎮鮑魚8隻: 係老闆介紹, D鮑魚整得好乾淨, 係成隻切片上, 好鮮味 (仲想叫多幾隻, 但留肚試埋其他野)沙尾躉兩食: 一食係蒸頭腩, 另一食係炒球 (可以, 魚肉好滑, 老闆話可以3食添, 用埋d魚頭魚尾來滾個湯, 但我地見飲左例湯，所以無再用來滾湯）薑蔥炒蟹(鐡板上): 呢個個份量就少左d, 但個味道就真係好正, 好香麻辣雞煲: 我地叫左一隻, 小辣 (其實可以叫中辣), 同出面個d雞煲唔同, 個味唔係好濃, 但係d雞堅滑, 之後仲叫老闆同我地加多d麻辣, 呢個煲唯一要改良既係個麻辣唔夠麻, 可以加重少少麻味就仲正馬拉盞炒通菜:　大同小異，同出面食開個ｄ差唔多豉油王炒面：都係個句，味道ｏｋ，份量可以大碟少少咕嚕肉：水準ｏｋ，都一般出面既差唔多總括：食物水準出乎意料既好，環境好正，望青馬大橋景，價錢合理，唯一要改善既係份量可以多番少少就仲好。

最正下面就係海灘，夏天會再入去游水，再幫襯呢間餐廳。

坐了差不多一小時嘅長途車去馬灣嘅挪亞方舟，經過一間餐廳，坐底休息下先入去玩。

因為天氣很好，我們都揀左外面嘅露天位坐，呢度望落去有個沙灘，仲見到些新人係度影緊婚紗相，環境真係唔錯，好舒服。

我地唔會坐太耐，所以都係叫左二個下午茶餐，唔好以為叫和風就無港式野食，其實我地叫左個好傳統嘅雞翼薯條，味道都唔錯。

因為環境太舒服，坐坐下都坐左成個鐘。

因為有朋友住珀麗灣，入去探朋友順便欣賞下咩靚環境，到夜晚，去咗沙灘廣場搵食啦，可能是星期三關係，廣場地下連住幾間餐廳都係小貓三幾隻，再望一望D餐牌唔平不特止，重要加一，咁貴緊係行多兩間先，行上2樓原來重有間餐廳，竟然有客喎，見佢個名已為食日式，睇真D餐牌原來日式只佔小部分，反而中菜和煲仔重多，價錢唔係貴喎！又見有咁多客係度食，衰極有個譜，重坐露天位望青馬橋和沙灘景，都幾舒服。

跟住叫個麻辣雞煲，粟米班腩，啫啫芥蘭煲，諗住等食啦！點知佢突然攞幾碗湯過來(送例湯都唔謊好野啦）點知又唔係喎！章魚蓮x煲豬肘ok喎！真係估唔到在珀麗灣可以食到麻辣雞煲，更估唔到會好食過市區，少油得嚟重幾滑添，半隻雞128蚊，其他兩個餸都不過不失。

3個餸2支啤酒連加一共332蚊，我朋友係住戶有9折3百蚊搞掂環境，食物，招呼都ok,唯一係上菜較慢，好彩D野都好食。

冇影相，因冇諗過佢D野會好食，到知嘅時候已經太遲我朋友是住戶都唔知喱間野。

和風餐廳餐單提供多國菜, 火鍋, 海鮮, 鐵板燒, 串燒, 串燒店等推介美食位於馬灣區，餐廳座位數120人均消費約$51-100，結賬可以用Visa,Master,現金,銀聯。

您對於馬灣餐廳「和風餐廳」有何 comment？

和風餐廳餐廳詳細資料：

• 和風餐廳地址:
  馬灣珀麗灣沙灘廣場2樓
  P.I. Flavor Restaurant, Shop1 A, Level2, Beach Commercial Complex, Park Island, Ma Wan
• 和風餐廳電話:  
• 和風餐廳價錢: $51-100
• 分類: 多國菜, 火鍋, 海鮮, 鐵板燒, 串燒, 串燒店
• 座位: 120
• 付款: Visa,Master,現金,銀聯
• FB專頁: 和風餐廳 Facebook

更多和風餐廳相關資料:

• 和風餐廳分店
• Youtube
• Facebook
• Twitter
• Google