豐盛餃子園 香港仔

豐盛餃子園 評價 相片

田灣咁偏僻嘅地方估唔到都搵到好嘢食啊！經過咁多次都比佢外表呃左，以為咁細間得幾張枱應該無啖好食，點知係食完返唔到轉頭佢地主打餃子，但都有拉麵選擇，但個人覺得食多幾款餃子更過癮！香菇水餃🥟超級推薦！咬落勁juicy勁多香菇，比足料！鍾意食辣嘅人絕對要配埋佢嘅辣椒汁鍾意食辣嘅人絕對要配埋佢嘅辣椒油！一啖餃子一口辣味！十分合襯！韭菜豬肉餡餅🥙非常多韭菜，鍾意食韭菜嘅人一定唔可以錯過，味道偏濃嘅關係所以會有少少油膩。

家鄉蔥油餅呢個都係十分推薦嘅菜式，大件夾抵食！就算食咗咁多嘢都忍唔住帶返份外賣走，見到有人帶咗三四份拎走添！唯一缺點係可能小本經營嘅關係，應該係一家人去做，全部嘢食叫即煮所以等候時間比較長，但咁好味都值得嘅！

星期日見悶悶地行咗去田灣有街坊話呢間餃子好食就試下la下晝一點幾，店內都仲有好多人見員工已經同啲客講冇呢樣冇果樣我好掛住韮菜粿，所以叫咗韮菜餅見個樣係我想食嘅效果但食落又唔係如果可以再煎得結實啲又唔好咁燶就好！鍋貼有點兒失望表面ok 但一咬個皮太濕，變爛食落又未熟透的感覺韮菜餃不錯不錯！菜多肉少健康啲香菇餃好香菇味又ok埋單108小店制作時間需要等耐小小如質素可作改善更佳可能忙嘅關係？！不過水餃又真係好食

其實好少喺屋企附近食野，一般都係去遠少少地方食但依間小店真係食過幾次，都仍然間中會去食仲會介紹俾身邊朋友添小店得店主兩公婆打理，而且每次都係即叫即做即煮等候時間一定會比快餐耐少少，但以 2 個人打理黎講已經算好快手不得不提，依度嘅野食應該無乜味精，因為食完都唔會口渴！依個價錢，真係非常好！紅燒牛肉拉麵 ($33) 牛肉淋身，湯底濃而不咸，啱啱好！麵係蛋麵，好香蛋味有紅白蘿蔔各一件，仲有條菜添白菜鮮肉餃 ($29) 餃子大大粒，肉同白菜比例好好，唔會是但一樣過多湯底好清牛肉餃 ($40)牛肉餃好多地方都做得好乾好 un，但依度嘅牛肉餃入面好多汁，味道較濃，好味

平時搭車都會經過呢間小店，但一路都冇機會試。

今日難得經過，作為餃子癡嘅我就決定試吓。

一入到去，地方比較簡陋，但係都算整潔。

店主係內地人，所以我諗啲餃子都應該幾正宗。

叫咗10隻西洋菜餃子，蝦子餅叫咗碗辣牛肉麵，再加左個煎韭菜餅，同白灼菜心。

過咗冇幾耐食物就黎到一如所料，餃子真係非常得，而且仲係我最喜愛嘅多菜小肉，食落口好新鮮，唯一美中不足嘅係，店裏面所提供嘅醋唔係餃子醋，所以差少少。

下次買返屋企，配埋自己屋企個支醋就一流！蝦子餅嘅牛肉麵， 上枱嘅時候覺得個湯好清，但係一轉頭已經聞到陣麻辣香味。

蝦子餅話雖然好辣，但就好好味，辣到飲咗兩罐可樂。

小店雖然只係坐咗三四枱人，但不停有人出出入入買外賣，好明顯係區內已經為人熟悉。

由於餃子太好食，最後追加左5隻。

原來佢哋餃子有外賣，10隻腳價錢外賣就有12隻，我一定返嚟再幫襯。

這家小店d餃子及拉麵都好好，辣椒油帶有麻辣味，全部自家小店製作，食到鮮味，唔似連鎖的味道。

拉麵很滑，完全沒有醶水味。

價錢經濟實惠，一個餃子面三十三元，我們5個人叫了很多食物才二百多元，食到唔記得影相，只有一張。

豐盛餃子園餐單提供港式, 雲吞, 餃子等推介美食位於香港仔區，餐廳座位數未知人均消費約$50以下，結賬可以用現金，Booking訂位可以電話致電 51333187 查詢。

您對於香港仔餐廳「豐盛餃子園」有何 comment？

豐盛餃子園餐廳詳細資料：

• 豐盛餃子園地址:
  香港仔石排灣道90號四喜大廈地下
  豐盛餃子園, G/ F, Sze Hei Building,90 Shek Pai Wan Road, Aberdeen
• 豐盛餃子園電話: 51333187
• 豐盛餃子園價錢: $50以下
• 分類: 港式, 雲吞, 餃子
• 座位: 未知
• 付款: 現金
• FB專頁: 豐盛餃子園 Facebook

更多豐盛餃子園相關資料:

• 豐盛餃子園分店
• Youtube
• Facebook
• Twitter
• Google