新寶海鮮火鍋 香港仔

新寶海鮮火鍋 評價 相片

最正係有喜力,豉油王煎蝦最好味,炆班腩比想中佳,時菜又夠脆口,波籮炒飯太大碟啦!八罐喜力,再加上四個小菜同兩個點心才二百多元,超值!

由於星期三我放價遇0岩阿媽話去睇完醫生不如去南Y島於是我由老遠的彩虹入去香港仔不過太遠都係決定改去赤柱出發前就入左呢間街坊地鋪酒樓先醫肚一入去就有幾張台都空的其餘都係打工仔食午飯多我心想一點午飯時間附近有工廠區都無坐唔滿正常要等位啦估平日生意都應唔係太好咁價錢可能係其中一個因素見佢地的點心做下午餐特價時都要$11比好多酒樓如明星都貴但個裝修就咁普通當然唔來啦入正題叫野食叫左幾碟最平點心好快就上台蛋撻好細件賣相加味道都好普通杏仁馬拉(糕)盞開始時一望細如燒賣正常應該係一粒山竹牛肉咁大嘛不過入口都係好好味又甜又香之後叫一碟廚味椒鹽九肚魚($19.8)呢碟無呃人喇正常SIZE啦但真係好食唔多粉不會咬落一舊舊魚肉又鮮軟熱騰騰好味~之後來一碟魚頭點心我少食魚因怕骨唔食唔知味道點不過阿媽都讚這店整體幾好食我都認同但首先要改善一下環境同定價先否則都唔合乎香港人要抵食精神

(9/9/07)訂左$2088餐x2。

有上湯龍蝦e麵、冬菇髮菜瑤柱甫、龍躉兩味:韮皇龍躉伴西芹&蒸頭腩(皮、魚肉極香)、西蘭花炒帶子、花膠翅、燒雞、甜品(*無註明<椰汁紅豆糕>)。

除左碟蟹肉草菇莧菜,難食之外(很腥),其他都好好好味。

不過有件激氣事,事原媽媽book位,訂餐。

爸爸生日,所以另加壽包,媽咪唔知頭唔知路,以為個餐無甜品,訂左個甜品添。

我地食完個美味芋頭西米露,叫結帳,發現有個item$100,問道咩黎架,原來係西米露,我地問個餐唔係包埋甜品既咩?佢話個餐的甜品,係椰汁紅豆糕,我問咁無拎出黎既?侍應說驚我地食唔晒。

我話,o下?咁你都要上埋架!佢有點唔好意思,話咁上啦,定幫你地包起?"興"既係,訂菜時,個餐有甜品,客人說要加甜品,理應有責任提一提客人,會唔會食唔晒?唔係客人話要,到上菜時,一句"得"埋黎,話你地訂左,咁就咁就拎黎;覺得人地食唔晒既,拎來都o徙氣!咁無責任o羅!真係"哈"人"林善"啫!!!

如無意外我都唔需要再落香港仔個地盤，今日一大班工人、安全主任、工程師等請我食飯慶祝我既離開，哈哈！始終都係人請食飯，當然係由班工人話事去邊到食，跟住行吓行吓就去了新寶。

未入到去，淨係睇個門面已經知道呢間係街坊酒樓，岩晒地盤佬既feel。

咁班工人帶我去邊度食其實又唔係太大問題，反正好又一餐，唔好亦係一餐，而且仲要唔使我俾錢，我當然樂於跟從。

由於大家俾面，差不多廿人出席，要坐兩圍檯，其實即係各有各食。

我個圍叫好多餸，鳳爪、排骨、牛仔骨、叉燒腸、牛肉腸、紙包雞、牛柏葉、水晶包等，另外仲有三碟炒野，係菠蘿炒飯、茄子炆米及干炒牛河。

食物比想像中好，但當然唔會係高水平。

鳳爪、排骨、牛仔骨以至牛柏葉我都可以接受，而茄子炆米和菠蘿炒飯更值得一讚。

不過腸粉就較差，好散。

其餘有ｄ餸我都冇試。

我個圍十條友埋單$380，認真街坊價。

間中食吓呢類酒樓又別有一番風味。

搬左黎5年，一路都未試過呢間既野，係年頭某晚，心血來潮約埋屋企人去試下呢間小菜。

一向食野厭尖既老爺都讚好味，而且d 菜式幾特別，有d 仲好健康，例如陽光十二菜咁，用上湯煮十二種蔬菜，上台一大碟，完全冇油，只售$48 非常抵食，另外佢d 炸野都唔錯，仲用品格薯片伴碟添，例湯既味精唔多(話冇我都唔信啦！)，但起碼食完唔會好口乾，價錢又唔貴，所以近排端午節我地一家都係果度訂左一圍食飯，個個都好滿意！唯一不足既係.......佢地冇甜品送，要另外叫。

新寶海鮮火鍋餐單提供粵菜, 廣東, 火鍋, 點心, 中菜館, 酒樓等推介美食位於香港仔區，餐廳座位數未知人均消費約$50以下，結賬可以用Visa,Master,現金。

您對於香港仔餐廳「新寶海鮮火鍋」有何 comment？

新寶海鮮火鍋餐廳詳細資料：

• 新寶海鮮火鍋地址:
  香港仔南寧街香港仔中心第二期一號地舖
  New Treasure Seafood Restaurant, Shop1, Phase2, Aberdeen Centre, Nam Ning Street,, Aberdeen
• 新寶海鮮火鍋電話:  
• 新寶海鮮火鍋價錢: $50以下
• 分類: 粵菜, 廣東, 火鍋, 點心, 中菜館, 酒樓
• 座位: 未知
• 付款: Visa,Master,現金
• FB專頁: 新寶海鮮火鍋 Facebook

更多新寶海鮮火鍋相關資料:

• 新寶海鮮火鍋分店
• Youtube
• Facebook
• Twitter
• Google