窩心米線 青衣

窩心米線 評價 相片

是市場考察的日子，來了這裡，入了窩心米線醫肚。

我並不是勁鍾愛米線的人，所以看見餐牌有烏冬和飯，便想叫了。

可是，換來的答案是什麼都沒有，只得米線，那唯有就範。

選了三個餸，分別是腩肉、肥牛以及雞肉，要小辣。

成品出來，小辣實質是一點辣也沒有，米線口感腍而不滑，兩片薄薄的腩肉，完全缺乏口感，肥牛沒什麼特別，雞肉份量少，同埋無咩味。

凍檸茶又係唔凍，大熱天時喝，當然覺得不爽。

真係失望。

本來諗試下個米線，$27有3個餸都幾底。

我要墨魚丸，雲吞，生菜。

等左5分鐘，黎到見到既係好細碗米線，完全吾夠食。

d雲吞有3粒，但係係一口雲吞，好似一蚊銀咁，好無奈。

湯底完全淡到好滾水咁，真係好失望。

仲有杯珍珠奶茶，多奶無茶少珍珠，d奶茶淡到好似維他奶咁，真係覺得俾人呃左。

可能新開的關係，所以無咩人~ 又或者我地12點半準時放LUNCH，HAHA ， BTW， 間野入面幾光猛~ 個個侍應哥哥招呼好周到~ 舖面細細~ 都OK的。

BTW，呢個舖位之前個幾間都唔食的~ 但今次的呢間WHATSUP米線真心幾好味~~~ 這是舖面~~~~今日是日新張套餐推介有3樣。

A餐: 牛丸，金菇，魚片頭B餐: 魚蛋，豬腩肉，生菜C餐: 貢丸，雞肉，冬菇$32蚊送飲品咁本身個個米線就有茅菜，茥菜同酸菜，仲有一塊腐皮~~~這是落單紙~~~我要左C餐加可樂~ ($32)加多一份小食~~ 是日星期一小食係炸墨魚丸($5/3粒)這是C餐，這個味道不錯~~ 湯方面我選了小小辣，但我發現到佢呢度的辣唔係普通的辣，是有帶點麻的。

所以我唔太食得辣的，都可以接受到~~~ 另外雖然餸唔多~ 2粒冬菇，2粒貢丸，和幾片雞肉。

但冬菇是出奇的好味~~ 軟軟的，但又唔係軟到爛個隻~~~ 是好味的~~~ 米線，真係...出奇的多~~同埋唔係"6"到好軟身~ 食極都係爽的~~~ 好好味~~~食完仲好飽飽~~~這是小食係炸墨魚丸($5/3粒)不錯的~ 也幾好味~~ 我喪點那個泰汁~ 哈哈哈~~~男朋友叫了B餐: 魚蛋，豬腩肉，生菜~ (小辣) (我無影低~)但佢都話幾好味~~~~魚蛋都唔差的~~~不過男朋友話入面幾熱~ 我就覺得OK~唔叫好熱~(可能食熱野同出面太熱的關係XD)但係D野食就真係熱啦~ ~~同埋如果叫清湯~ 我估應該都幾淡口的~ PS: 如果餐飲叫道地飲品個D都係紙包~ 或者豆漿 (好細杯的) ，所以叫汽水好似抵D咁XDDD不過LUNCH黎計~ 又多一個新地方去食~ 都幾好架~~~ 2個人都唔洗$70~ LUNCH算係咁啦~

係青衣返工咁多年,喺美景食嚟食去都係個D茶餐廳,真係有D厭,難得新開左間米線鋪,即刻入去試下.見佢有散叫同埋"精選套餐",散叫嘅送係$4至$5一款,但精選套餐$32有兩送同包埋飲品,另外米線底送芽菜/韭菜/腐皮/酸菜,甘就緊係叫"精選套餐"啦."精選套餐"當日係肥牛同墨魚丸,小弟再加冬菇同豬腩肉,湯底則叫左清湯,想試下湯底嘅真味.食物都好快上,賣相唔錯,食落更加唔講得小,一睇已見肥牛好靚,煮得啱啱好,唔韌,豬腩肉用真正五花腩,肥瘦相間,雖然肥肉多吃無益,但實在忍唔住口.冬菇大隻而肉厚,夠諗而相當入味,而墨丸夠彈牙又D墨魚粒,係入D靚貨,湯底係豬骨湯底,唔係好似雲貴川咁濃,但就好清甜,配埋爽滑米線,真係滋味.小弟食麵好小飲哂D湯,除左九記/群記/魚鱻之外,喱間D湯我都差唔多飲哂.......食食吓老板出嚟收集意見,又請左我地試食wasabi紫菜青瓜,＋分窩心.喱類咁有heart嘅小店真係難揾,真係要多多支持.可以講,葵青荃除左雲貴川,最好食就係佢架喇.

窩心米線餐單提供滇菜, 雲南, 粉麵, 米線, 小食店等推介美食位於青衣區，餐廳座位數未知人均消費約$50以下，結賬可以用現金。

您對於青衣餐廳「窩心米線」有何 comment？

窩心米線餐廳詳細資料：

• 窩心米線地址:
  青衣細山路2-16號美景花園平台72-73,76-77號舖
  WhatsUp Rice Noodles, Shop72-73,76-77, Platform, Mayfair Gardens,2-16 Sai Shan Road, Tsing Yi
• 窩心米線電話:  
• 窩心米線價錢: $50以下
• 分類: 滇菜, 雲南, 粉麵, 米線, 小食店
• 座位: 未知
• 付款: 現金
• FB專頁: 窩心米線 Facebook

更多窩心米線相關資料:

• 窩心米線分店
• Youtube
• Facebook
• Twitter
• Google