泰昌餅家 (港鐵青衣站) 青衣

泰昌餅家 (港鐵青衣站) 評價 相片

位於相當方便既位置青衣站老婆餅$6.5本身只係想填一填肚外表平平無奇，點知一食之下出乎意料之外！ 好驚喜！ 一令上手已經加分！因為老婆餅係熱熱地，暖暖地～再者，意想不到外皮係好鬆脆！鬆脆得黎又唔會整到成身都係～好讚👍🏻至於個餡唔會好甜～甜度適中👍🏻而且好口感好煙韌～好滿意～

有時出門口都冇時間食早餐所以我早一日買定泰昌餅家嘅西餅麵包以備不時之需 最新佢哋推出左藍莓撻 紫色嘅外表好香好特別 所以我即刻買左非常吸引 上面仲有少少糖花最得意係有幾個笑哈哈紙牌插住 感覺趣緻另外買左酥皮蛋撻口感有層次 曲奇皮夠實淨👍🏼👍🏼仲有最經典嘅老婆餅 內裏煙煙韌韌返工之前焗一焗熱食 味道更佳有朋友仲向我推介佢哋嘅雞批都唔錯所以下一次我決定都要試吓！ #taicheongbakery#泰昌餅家#藍莓撻

今日返屋企行經泰昌，見到蛋撻岩岩出爐，太吸引，所以行埋去望下。

見到好多好靚既撻，好多款。

香噴噴，而且都好多人買，而且如果買半打蛋撻既話，會抵點。

不過我貪心。

見到又有新出品，藍莓撻，所以又想買黎試試。

貪心既我，最後買了兩個曲奇皮蛋撻、兩個酥皮撻、兩個藍莓撻、兩個老婆餅。

返屋企慢慢嘆。

曲奇皮蛋撻是我的至愛，我好鍾意佢個曲奇皮，曲奇皮脆卜卜，同中間既蛋口感一軟一硬，好夾，好好味。

中間既蛋好杰身，蛋味香濃，就算放耐左先食，蛋撻都唔會塌下。

而爸爸最愛吃酥皮蛋撻，所以兩隻皮都各有fans，爸爸說酥皮好鬆化，一咬開好鬆脆，層次感好重，好好味。

另外新出口的藍莓撻，好特別好足料。

成個撻都鋪滿了藍莓醬，好惹味，酸酸甜甜好醒胃，鍾意食藍莓既都必要試試。

唔錯唔錯。

另外港式傳統既老婆餅都好好味。

入面餡料豐富，外皮煙韌，中間餡心都軟綿綿的，超好味。

行經買少少小食，過下口癮果然唔錯👍🏽

呢個藍莓撻 $12新出架，平時好鍾意食藍莓，見到佢出我就即刻去買咗嚟試吓，諗住冇乜特別啦！點知好有驚喜我覺得好味，加上特製既金黃鬆脆撻皮，同埋鬆軟既藍莓粒果肉既蛋糕， 再鋪滿濃郁既藍莓果醬，最後有一層雪白糖花，酸酸甜甜岩岩好🤤🤤真心有驚喜！我覺得好香比我預期中好食🤤同埋個賣相都好可愛啊！同傳統嘅蛋撻好唔同，好想再食！佢嘅老婆餅蛋撻同埋酥皮蛋撻都好唔錯，蛋撻重蛋味😶可以去買來試吓呢個藍莓撻，我會再試！

經過泰昌餅家，出咗個新嘢~~~杏仁Latte牛乳撻~~~$10/1個😁😁仲要有個優惠，$15就有埋個皇牌🥇蛋撻，就買來試吓啦！🤗🤗泰昌餅家最出名而我又最鍾意嘅就係佢嘅皇牌🥇蛋撻，自己比較鍾意嘅蛋撻係曲奇底多個酥皮底，因為酥皮底會食到周圍都係😵😵，比較麻煩🤣🤣佢嘅蛋漿永遠都咁黃咁閃✨！蛋香味重又夠滑！正呀😋😋新角色～～～杏仁Latte牛乳撻～～～佢都係曲奇底，中間係白色乳漿，而表面有幾塊杏仁片！味道好似食緊杏仁餅一樣！本身唔鍾意食杏仁餅因為佢太硬啦！但呢個根本就係軟化左嘅杏仁餅，牛乳嘅甜味加上杏仁嘅脆口，好襯呀！🥳🥳

泰昌餅家 (港鐵青衣站)餐單提供港式, 麵包店, 懷舊老店等推介美食位於青衣區，餐廳座位數未知人均消費約$50以下，結賬可以用Visa,Master,AlipayHK,支付寶,現金,八達通,銀聯,微信支付，Booking訂位可以電話致電 83008309 查詢。

您對於青衣餐廳「泰昌餅家 (港鐵青衣站)」有何 comment？

泰昌餅家 (港鐵青衣站)餐廳詳細資料：

• 泰昌餅家 (港鐵青衣站)地址:
  青衣港鐵青衣站TSY54號舖
  Tai Cheong Bakery (Tsing Yi MTR Station), Shop T S Y54, Tsing Yi M T R Station, Tsing Yi
• 泰昌餅家 (港鐵青衣站)電話: 83008309
• 泰昌餅家 (港鐵青衣站)價錢: $50以下
• 分類: 港式, 麵包店, 懷舊老店
• 座位: 未知
• 付款: Visa,Master,AlipayHK,支付寶,現金,八達通,銀聯,微信支付
• FB專頁: 泰昌餅家 (港鐵青衣站) Facebook

更多泰昌餅家 (港鐵青衣站)相關資料:

• 泰昌餅家 (港鐵青衣站)分店
• Youtube
• Facebook
• Twitter
• Google