隨園雅敍 長沙灣

隨園雅敍 評價 相片

和太太又到處找東西吃，行下行下到了這店對面，見門面都不俗，又立刻有位，故入內一試。

店內座位尚算舒適，看了看餐牌，點了個霸王雞飯套餐和知竹羊腩飯套餐。

食物點了不到3分鐘就到齊，很好！霸王雞飯：肉足夠，飯也足夠；飯內有美味雞汁，和飯混合起來十分配合；霸王雞不愧為招牌菜，肉質嫩也有雞味，值得推介！知竹羊腩飯：:知竹羊腩和飯分開兩碗上，飯想多汁少汁都得，貼心服務！飯都幾多，吃不完；知竹羊腩很好味，沒太多騷味，味道濃而惹味，很好！熱華田：冇乜味道，敗筆之作！總括來說，用這麼便宜價錢有這等質素食物，已十分超值！聽說這裡火鍋也不俗，下次再來試試！

當天我同屋企人就在長沙灣青山道附近四圍睇下有咩好食啦不久我地見到一間港式酒樓隨園雅敍。

我一進去裏面,四周圍的環境給我的感覺既高雅,又舒適。

跟住waiter介紹左我地食裏面最出名既霸王雞飯「人人食左都讚好!!」我開頭都唔信嫁。

但我試落,咬第一口的時候,D雞真係好滑,加埋薑蔥蓉同沙薑汁更加好食。

簡直『超正』而且甘正既野食都係$28,中送杯野飲添。

咁抵食下次我一定要再去食

今日放lunch，同個 同事一齊出去食，但又唔知食咩好....行到隨園，知道有呢間野但未食過，於是就去試試。

我地坐低左一陣就有d呀姐問我地食咩....我地問佢地有咩好介紹，佢地就介紹霸王雞飯...話好好食，跟住又指住牆上面張紙寫個d午餐...話好食。

結果我就叫左碟霸王雞飯...我個同事就叫左個蒸鱔午餐。

首先佢地俾左d湯我地，d湯唔似出面有d食肆溝水，都算係冇搵我地笨。

跟住我叫ge霸王雞飯黎先....聞落d雞都ok香過左一陣我個同事叫ge午餐先黎...個呀姐話因為係即叫即做所以先會比其他耐。

佢地d霸王雞比平時d切雞好食，加埋d薑蓉更加好食...而份蒸鱔食個陣熱辣辣，亦幾好食。

總括黎講，佢地d食物都算好食，價錢亦合適，值得推介~~

今日文龍約埋我同iris食lunch~順便俾埋d泰國手信我地,今日都天氣好凍,想食d又飽肚又暖笠笠0既野,唔想食快餐,於是我地去番隨園雅敍,我地三個人叫左個霸王雞套餐,裡面有:西洋菜煲豬骨湯霸王雞半隻瑤柱牛腩煲(自選小菜)粉絲雜菜煲(自選小菜)白飯3碗(另加$10@)晏晝三個人黎講有3餸1湯都算非常唔錯了,先黎一大大大碗熱辣辣0既湯,真係超大碗,裡面有豬骨同西洋菜,每人分到三小碗呢,飲完碗湯之後真係成個人都暖番晒,跟住就黎霸王雞,個雞好滑,雖然唔係好夠咸,但配埋薑蔥蓉同沙薑汁,味道已經好好,冇幾耐,瑤柱牛腩煲都黎左,白飯一齊上埋,牛腩係用沙煲盛住,上枱時仲滾下滾下咁,好正D牛腩好腍,好入味,d牛根好滑,仲有蘿蔔0係裡面,唔錯呢~最後有粉絲雜菜煲,佢黎0既時候打左個突...超大煲裡面有勁多菜同粉絲,仲有d魷魚添,真係一家五口食都夠食呀,早知我地d女仔唔嗌飯啦~我地一邊講一邊食,都食得七七八八,想埋單之際,原來仲有3杯餐飲,0個刻真係想打包,因為真係太飽了...但最後我地都飲埋先走,埋單每人$63,午餐黎講呢度食唔算平,但起碼可以食到熱辣辣0既飯菜,同朋友傾幾耐都冇人趕你走,實在唔錯呢

幾年前來過這裡吃飯，仍記得是以小菜為主，在長沙灣區算是不錯的了。

今次再來吃lunch，情況截然不同，檯檯客都是在食碟頭飯的。

中午時間沒有人吃小菜，食肆不做點心的話，碟頭飯又似乎是唯一的出路。

要吃就吃肥一點，來一碟梅菜扣肉飯，師兄要的是炸醬撈麵，大家分享。

扣肉的肥瘦比例尚算對辦，肥肉入口鬆化，但差了點甘香味道，而瘦肉也稔身，可以收貨。

梅菜不會太咸而搶去了扣肉的味道，恰如其份，送飯良品。

只嫌醬汁太小，否則會更出色。

炸醬撈麵，先講個湯，看似濃郁，喝一口卻發覺是冇咩味道，喝不喝也罷。

那碟麵，顏色不錯，可是肉絲十分粗壯，幾韌的。

味道不太辣，正確點來說應該係偏淡口，做不出其風味。

麵正正是一個麵餅，沒有剪開，根本就沒有為客人著想，吃起來當然有點麻煩。

還想說伴碟的菜，硬得無法咬開，顯示出店方的馬虎了事。

幾年時間，由一間印象不錯的小菜館變成了這個樣子，有人話應該已經轉左手，這點我不知道，也不必去理會，但出品確實有點失望。

隨園雅敍餐單提供港式, 酒樓等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「隨園雅敍」有何 comment？

隨園雅敍餐廳詳細資料：

• 隨園雅敍地址:
  長沙灣青山道460-462號地下
  隨園雅敍,  
• 隨園雅敍電話:  
• 隨園雅敍價錢: $50以下
• 分類: 港式, 酒樓
• 座位: 未知
• 付款: 現金
• FB專頁: 隨園雅敍 Facebook

更多隨園雅敍相關資料:

• 隨園雅敍分店
• Youtube
• Facebook
• Twitter
• Google