金添 長沙灣

金添 評價 相片

佢個名叫"金添", 我係openrice搵過唔見有, 原來我以為佢叫金漆, 哈哈~ 朋友介紹話呢度又平又正, 一於帶我黎試下!位置唔難搵, 但唔講你係唔會知, 除非係附近既街坊. 其實出左長沙灣地鐵站C2出口直行就到. 舖仔細細, 打理得好乾淨, 有十個人可以包場了!隔離街就係保安道街市, 我地係街市買海鮮, 老闆超好人, 完全唔收我地加工費, 野食又平, 啤酒又平, 簡直係驚喜連連. 可能因為有朋友介紹啦, 不過就算收加工費都係應該而且肯定唔會貴, 你睇個餐牌就知啦! 我係九龍各區都食過唔少間燒烤店, 呢間真係平. 等緊食海鮮既時候, 緊係食住其他串燒先啦! 見到老闆幫我地將啲海鮮洗得好乾淨, 真係好有熱誠, 燒得啱啱好而且可以選擇不同味道, 第一次食芝士燒帶子, 好味, 芝士味濃郁, 估唔到味道咁夾~食完海鮮, 點都要叫個羊腩煲, 100蚊大大煲, 問你去邊度搵?我地叫左兩份羊腩, 五個人食極都食唔哂, 夠哂足料, 羊腩大大舊, 配菜(枝竹,馬蹄)亦多, 好入味! 仲有腐乳俾你, 一人有一粒~

意想不到的好食最中意蒜蓉蒸開邊蝦，豉椒炒花甲！好入味泰式蝦餅都唔錯！！ 拍得上泰式餐廳仲有串燒賣，試左雞翼同豬頸肉，簡單用椒鹽調味，鹹香適中，正 新出品 玉子豆腐燒，芝士蒜蓉燒扇貝帶子都值得一試 見到隔離檯叫啲中式小菜 生炒骨炒得好令 鹽焗雞色水望落都唔錯，加$10轉套餐可碗白飯+湯或熱飲。

下次會再戰

今日路過見到開咗間新舖就入去試下。

雖然舖面唔大，但一家人入泥食飯都唔錯，仲有串燒食。

今日點咗蒜蓉豉椒炒花甲同泰式蝦餅，味道好正！直得再試！！別外仲點咗個是日推介既玉子串，八爪魚魚棒，雞翼同豬頸肉。

八爪魚棒味道略為淡咗啲，但整體都唔錯。

細細間舖老闆齊力齊為，直得再幫襯！

今日同成家人一齊食飯,第一次行過長沙灣,見到間野新開就入去試下. 有串燒有中菜食仲可以自己帶野食入黎加工(收返加工費 唔係好貴)$40加工費 合曬口味:清淡健康!!!!加多碟鹽焗雞食下 例牌都係$45 咁平都預左會係雪雞 但係出乎意料之外唔單止有雞味又唔算好咸魚香茄子$46 色香味俱全 有住家味另外仲叫左個菜但係就無影到相 質素同服務都唔錯 4個人加加埋埋都唔洗200$有機會一定會再試埋啲串燒

(長發街果邊)聽同事講..公司附近開咗間新既餐廳同事午餐去試過 話味道不錯所以心血來潮 今晚就放工約埋五個同事一齊去試新野 順便支持下小本經營餐廳仔安全起見 我哋預早打定電話去訂咗位秋刀魚: 燒得唔錯 配搭酸辣醬一齊食味道更加好雞全翼+茄子:唔係講少 味道一流 得時一試雞腎+多春魚+三色椒+丸:味道可以韮菜:鹹咗小小..老闆落重手左烏頭老闆話需要預早訂..因為製作時間需時）味道一流 值得一試芝士蒜蓉焗扇貝帶子: (都係需要預早訂）必食..愛上咗手拍青瓜: 好味道娃娃菜: 味道清淡左少少最後老闆送咗一碟冰鎮提子俾我哋食原來提子咁樣食 別有一番風味

金添餐單提供港式, 大牌檔等推介美食位於長沙灣區，餐廳座位數未知人均消費約$50以下，結賬可以用現金，Booking訂位可以電話致電 39973317 查詢。

您對於長沙灣餐廳「金添」有何 comment？

金添餐廳詳細資料：

• 金添地址:
  長沙灣長發街28號安發大廈地下C舖
  Kim Tin, Shop C, G/ F, On Fat Building,28 Cheung Fat Street, Cheung Sha Wan
• 金添電話: 39973317
• 金添價錢: $50以下
• 分類: 港式, 大牌檔
• 座位: 未知
• 付款: 現金
• FB專頁: 金添 Facebook

更多金添相關資料:

• 金添分店
• Youtube
• Facebook
• Twitter
• Google