百搭麵の專門店 長沙灣

百搭麵の專門店 評價 相片

10點多的宵夜, 同區其實選擇多的是,只因未試過, 一於推門而進果然是百搭, 左搭右搭,興奮的完成order紙, 卻可惜要咩無咩, 又唔一次過覆, 遂樣同我講無, 小羊扒 ~ 無； 蝦湯底 ~ 無；咸牛脷 ~ 無； ... ... 有無"搞錯" ?!!未食都已無晒心機 ...最後只叫咗D本來唔想食的配搭, 仲要又搭咗D我無要的, 少咗D我剔咗的,只能講句, 唉~其實此店水準OK, 但落單太亂, 而且做得宵夜生意, 唔可能10點幾就"百無", 希望佢哋諗諗佢吧~ps) 車仔面用上天使面, 原來都幾正 !

呢間新開既麵店我已是第二次去幫襯,第一次係同朋友踢完波經過門口,已經比個banner吸引住,因為佢居然有一人火鍋(我至愛),坐底望吓佢地個餐牌,火鍋有三個餐可以揀,好似"大家樂"o個d咁,但係湯底就有78個比我選擇,我就點左魚湯底,個湯底好鮮,不過d餸就一般啦!今次我同女朋友再去食佢地既主打.....麵!佢地d麵分左好多個國家,其實即係湯底,都有好多選擇,例如:蝦湯,魚湯,牛骨,人參雞,豬骨,番茄.......等等(其實火鍋都係呢d湯底),我叫左個蝦湯底手打烏冬,餸有鴨胸,雞肉,糖心蛋,個蝦湯真係好正,好夠蝦味,但係d餸就真係好普通,冇咩特別,唯一係我地叫左一份$8蚊既羊架,幾好食,好底,我女朋友就叫左冬陰公湯底,佢話只辣不酸,完全唔似冬陰公,希望會改善吓啦,總結食物不過不失啦,有機會會再試吓其他湯底!

依間東沙島街新開嘅麵店,我同3個朋友一望店名就異口同聲講咗句"咪即係車仔麵",但係坐低發現原來有多款湯底可以選擇,好似喇沙湯底,人參雞湯,牛骨湯底......分成多個國家都幾特別,可供選擇嘅配料都幾得意,有D平時車仔麵根本就唔會有囉,例如蟹子,羊片,鴕鳥肉,仲居然有我最愛嘅溏心蛋,但最奇怪係ORDER紙上嘅配料欄唔係樣樣有囉,就好似我張番茄湯底嘅ORDER紙係無蘿白,但問侍應佢就話可以叫,於是我自制一格蘿白方格,其實點解唔印晒呢?好奇怪,最後我叫咗番茄湯底x手打烏冬x海棉豆腐x溏心蛋x蘿白x什菌,我朋友就叫咗蝦湯底,另外有個加8蚊嘅羊架,個番茄湯底好好味,有D似羅宋湯,海棉豆腐怪怪的,不過個$4嘅溏心蛋真係澈讚,而$8嘅羊架都OK,可惜杯青檸沙冰好酸但整體都不過不失啦,始終係新開環境當然清潔,個厠所出奇乾淨,服務就一般,可能新手啦~下次會試下蝦湯底,我朋友話好味,唔知有無呃我呢?

今日lunch黎左新開無耐既百搭麵食一坐低見到好多國家俾我揀有d興奮但後來發現湯底外,配料分別不大選了冬蔭功湯底,配料是什菌及海綿豆腐,麵是天使麵冬蔭功湯底 : 只酸不辣,麻麻什菌 : 好穩陣既配料,所以無乜問題,份量都ok海綿豆腐 : 完全唔海綿,亦無咩豆味...怪怪地

這是第二次光顧了。

想吃點惹味的，於是要了喇沙湯底。

（差不多有十款不同口味的湯底，叫人眼花潦亂呢！）粉麵則要了米線（也有差不多十款的粉麵選擇，如拉麵、米粉、金邊粉、濛粉等等），貪其比較索湯，入味一點。

配料選了雞片和牛展片，各$4。

（一般車仔麵配菜，最少也有二十款）等了差不多10分鐘，我的百搭麵終於上場了。

咦？大大的湯碗裡怎麼多了半隻烚蛋和兩件豆卜？我沒order哦！原來是隨喇沙湯底附送的。

上次吃蕃茄湯底只送了少量票米呢！雖然有加料，但這喇沙湯底未免調得太稀了，味道偏淡……雞片，應該是冰鮮雞，淡而無味。

牛展則屬正常水平。

唯一驚喜的是，雞片和牛展也各有4大件，精明的消費者會覺得較抵吃吧！想起上次點了的肥牛片，也是4元，卻只得2片...這裡是按什麼準則決定下料多少的呢？有人會說一個湯底+麵底盛惠二十個大洋是索價偏貴，我卻認為這裡雅致的裝修、乾淨舒適的用餐環境也值這個價錢的。

食物味道和質素，這裡只屬一般。

若你對食店環境沒什講究，實在不用考慮這裡哦！

百搭麵の專門店餐單提供多國菜, 粉麵, 米線等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「百搭麵の專門店」有何 comment？

百搭麵の專門店餐廳詳細資料：

• 百搭麵の專門店地址:
  長沙灣青山道181號鴻裕大廈地下
  百搭麵の專門店, G/ F, Hung Yu Mansion,181 Castle Peak Road, Cheung Sha Wan
• 百搭麵の專門店電話:  
• 百搭麵の專門店價錢: $50以下
• 分類: 多國菜, 粉麵, 米線
• 座位: 未知
• 付款: 現金
• FB專頁: 百搭麵の專門店 Facebook

更多百搭麵の專門店相關資料:

• 百搭麵の專門店分店
• Youtube
• Facebook
• Twitter
• Google