潮堡 長沙灣

潮堡 評價 相片

可能最近晚飯經常外出食飯關係令到胃口唔係咁好, 所以中午唔係咁想食太飽今日嚟到呢度諗住簡簡單單食一碗潮州粥, 第一次嚟到呢度食, 雖然係午飯時間不過人流唔算十分多, 一入嚟已經可以搵到位!Menu上既潮州粥有蠔仔肉碎粥以及方魚肉碎粥揀選, 最後揀咗一個招牌蠔仔肉碎粥招牌蠔仔肉碎粥 $40潮州粥雖然有米飯, 不過因為潮州粥嘅米飯煮得比較林身, 食落口感比較軟熟, 而且有湯水嘅關係都比較容易入口, 食落令到個胃好舒服😋 味道中規中矩唔會太過鹹或者太過啖味, 蠔仔嘅份量唔算太多單蠔size都幾大粒, 味道未稱得上香濃無比不過蠔仔既肉身較厚食落口感都唔錯👌🏻因為精選推介贈送例湯或汽水, 偷偷地叫咗一支汽水, 呢度嘅汽水係支裝嘅可口可樂, 始終感覺上覺得支裝玻璃樽既可口可樂味道都比較好飲! 😆😆😆本身諗住黎一個輕鬆午餐, 因為飲咗可樂嘅關係又令胃子填滿了😂

約左個好耐冇見既朋友食飯，唔想次次都係食日本野韓國野，佢介紹屋企附近既一間新開既潮州打冷鋪，食下潮州野先黎到鋪頭，裝修同一般既打冷唔同，唔會好"娘"好多阿叔係度隊啤酒大大聲講野，而且我見店員都係後生仔，好有禮貌，一坐低仲俾左杯茶葉茶我地值得一讚叫野食啦墨魚紅腸 佢地d紅腸同出邊燒臘鋪d紅腸唔同，唔會好多粉，墨魚都好爽鵝掌翼拼盤 呢個真係好好味，d鵝肉好琳，而且鹵水唔會太咸，好入味，送啤酒一流椒鹽蠔仔 因為唔想食蠔餅怕太多粉太飽，所以叫左個椒鹽蠔仔，同一般茶餐廳水準差唔多，優點係佢有小小辣又唔會太咸不過如果可以再乾身d脆d應該會更加好春菜炆腩肉 呢個菜係店員推介俾我地食既，我第一次食呢個菜，一食不得了，個菜炆到好琳好琳，好入味，味道似芥菜煲，但佢冇苦味！不過好似好油店員話係師傅用鵝油豬油煮既，所以出邊好難好到呢陣味，冇辦法啦，邪惡都要食潮式炒飯 呢個都好好味好多料，有菜粒，臘腸，菜脯粒，蝦，值得一提佢地蝦唔係一般茶餐廳既蝦，應該係鮮蝦，好彈牙但有蝦味，好好食成餐都食得好滿足，除左上菜速度有d慢，味道都好好，而且店員都好有禮貌，我最怕去食茶餐廳大排檔俾新移民阿姐阿叔呼呼喝喝有機會會再約朋友去食

話說前排等朋友收工去食飯，咁其中有個本身住長 沙灣又係長沙灣返工，所以附近好多食店佢都食均 曬，咁行行下大家又覺得好耐無食過潮州打冷，而 o個邊又新開左潮州食店 『潮堡』，所以就走去試 下啦~~估唔到係無心插柳之下走入去，D o野 食又 唔錯喎。

呢度地方寬敞，牆身貼滿各式各樣的潮州菜式。

唔食潮州菜我都唔知原來有朋友係潮州人，一坐底就已經話要點烏頭，佢話潮州人必食烏頭，所以就叫左呢碟鹽焗元朗黃油烏頭。

平時出街食鹽焗o個D菜式，唔係好咸就好乾，而呢條烏頭咸味肉質都剛剛好，而且仲好多魚油，連我呢個平時好怕食魚有腥味泥味o既人都覺得好味~~食食下見到條魚尾貼左標籤寫住楊氏元朗烏頭，就好奇問下職員，原來楊氏出品的烏頭出名無泥味有黃油，肉質飽實鮮嫩，而且不含激素及抗生素，可以食得安心又放心。

我返到屋企仲特別上網搵下楊氏烏頭資料:（1）採用良品養殖法管理及生產（2）採用台灣進口專用配方飼料（3）低鹽度水養殖確保沒有泥味（4）不含激素或抗生素等違禁藥（5）標籤及編號設有可追跡制度（6）漁護署認可之優質魚場生產 滷水鵝片是朋友大讚的一碟，鵝片滷得剛剛好，唔會好似其他店咁乾鞋又好咸，底下仲有滷豆腐同花生，好大的一碟。

以前食潮州菜食開韭菜豬紅，今次就叫豬紅豬皮蘿蔔碗，好香的麻油湯底，豬紅唔會一夾就散，豬皮爽口彈牙，蘿蔔夠淋夠入味。

而我個人好鍾意食蠔仔粥，所以一定要點蠔仔粥，呢鍋招牌方魚蠔仔粥超足料，裡面有方魚、蠔仔、魷魚、冬菇、花生、肉碎、芫茜，而且粥底唔會稀，蠔仔飽滿有蠔味，又有方魚的咸香味，我同朋友都食完一碗又一碗。

最後是椒鹽中蝦，好大碟隻隻蝦都超大隻仲炸到好香脆，殼都唔洗剝可以成隻放入口食，加埋炸香左的蒜頭同辣椒丐惹味，但食完都覺得幾辣下，食得辣的人一定要點黎試下。

潮堡餐單提供潮州菜等推介美食位於長沙灣區，餐廳座位數未知人均消費約$101-200，結賬可以用現金。

您對於長沙灣餐廳「潮堡」有何 comment？

潮堡餐廳詳細資料：

• 潮堡地址:
  長沙灣元州街493號藹華大廈地下1號鋪
  Chiu Po, Shop1, G/ F, Hoover Mension,493 Un Chau Street, Cheung Sha Wan
• 潮堡電話:  
• 潮堡價錢: $101-200
• 分類: 潮州菜
• 座位: 未知
• 付款: 現金
• FB專頁: 潮堡 Facebook

更多潮堡相關資料:

• 潮堡分店
• Youtube
• Facebook
• Twitter
• Google