優閒堡 長沙灣

優閒堡 評價 相片

心太軟甜度適中熱辣辣, 吞拿魚飛碟新鮮香脆,加柸凍檸茶看看電視傾吓計, 超正!已經是第二次去了, 同係下午茶時段, 無發現趕客情況味道：物超所值環境：舒適優閒服務：親切, 熱誠衛生：良好

我公司o係休閒堡附近，之前收到佢o地o既單張覺得幾有意義(幫助唐氏綜合症人士就業)，就去試o下。

入面個環境唔錯，d梳化凳幾好坐。

個服務員(可能是導師)都幾有禮貌，佢帶住個學員點菜，另一個學員就負責拿水。

忌廉湯o黎得幾快，味道夠濃同埋夠creamy, 溫度適中，份量多返d會更加好！白汁海鮮長通粉幾香，d汁似忌廉味，落足料，唔錯!聽講依度d甜品唔錯，所以加$10要心太軟，份量o岩o岩好，入面的朱古力唔會太甜 ，食完都唔覺得lau!總括o黎講，食物質素ok, 個人覺得甜品最好味，坐得舒服又可以幫到人，是一間會回頭的餐廳~

星期日, 放下寶寶給父母. 我們輕鬆的, 放一天假, 一車正出港島南區. 出發前, 時正1點, 不如就附近找個方便泊車的地方. 吃個lunch, 才出發. 我一想, 便想起順寧道一帶. 找車位時, 看到了這一間聞名已久的助人社餐廳. 目的是幫助唐氏綜合症人士. 咁有意義, 我們泊好車後, 覺得不用多想了. 就來樂食樂飲. 幫助有需要既人士.先來了一個栗米忌廉湯, 濃濃的湯, 味道creamy. 不過, 好既味道原來來自雞粉. 我們落order時已說明了其中一人食素. 廚子知道, 急叫只能上一份湯. 夠哂細心. 齋妹的野菌露荀意粉. 是off menu咁整出來的. 味道是原有的鹽香味. 其他材料如彩椒絲, 幼露荀, 雜菌. 味道清新, 也清淡. 用了少少香草來加重香味. 感覺健康, 清新. 我的是一蘑菇芝士雞肉千層麵. 看得出是少油, 少脂肪的美食. 芝士味道好重好香. 有少少覺得自己在吃蘑菇芝士雞批一樣, 只是酥皮變了千層麵. 香香的, 芝士味濃. 好食物.加了10元, 其中一個甜品換成了心太軟. 細細塊的心太軟. 不太甜, 但內心完全的流心, 朱古力的味道. 能比得上酒店的出品. 而普通的蛋糕仔也味道甜美. 查實沒什麼時間去enjoy, 因為遊車河既行程排得滿滿的. 呢一間助人社, 環境感覺輕鬆, 食物又健康少油. 是值得再來的一家小店.

上星期有日去左長沙灣個邊做野~下晝同左同事去左間唔同既餐廳食飯~間餐廳叫優閒堡.間餐廳原來係唐氏綜合症協會既社會企業~部份侍應係弱智人士~但係佢地既態度反而比起出面既一D侍應好好多LOL反應幾快又唔會俾黑面你睇~@@間野都近明愛醫院.幾偏僻架都~唔係有同事帶都唔會去到間餐廳都幾大~D登坐得好舒服, 係皮登黎架~D 忌廉湯夠濃~賣相又靚~正~我地叫左個脆烤春雞伴意粉,碟雞好大碟, 又正~夠2個人食~又多肉~皮脆又唔油~正~!意粉賣相靚~食落又OK~咁大條栗米~抵~睇得出好有心機整~

有一次陪老豆去明愛睇醫生經過此餐廳，好好奇，唔覺得個度應該有一間餐廳，跟住上網睇下發現係社會機構既而且食評唔錯就去約個fd去試下。

我地2個人叫了辣肉腸意粉同德國咸豬手既2人套餐...蒜蓉包好食，又夠熱忌廉湯都好味，不過唔夠熱，而且只係得一款湯比你選意粉唔錯，幾乾身，但係d肉腸唔辣既豬手就幾失望下，可能我係冇食過德國咸豬手，真係唔識欣賞，得個咸字，薯條ok凍奶茶一般般心太軟好味面包布甸都好味以咁既價錢係長沙灣叫貴價野，不過水準真係唔係好高，只係甜品有水準。

不過此餐廳僱用幫助一些智障人仕工作，感覺有意義，態度也很好。

優閒堡餐單提供西式, 咖啡店等推介美食位於長沙灣區，餐廳座位數110人均消費約$50以下，結賬可以用Visa,Master,現金,八達通。

您對於長沙灣餐廳「優閒堡」有何 comment？

優閒堡餐廳詳細資料：

• 優閒堡地址:
  長沙灣順寧道513-521號怡景閣地下及1樓A&B舖
  Serene Club, Shop A& B, G/ F-1/ F, Yee King Court,513-521 Shun Ning Road, Cheung Sha Wan
• 優閒堡電話:  
• 優閒堡價錢: $50以下
• 分類: 西式, 咖啡店
• 座位: 110
• 付款: Visa,Master,現金,八達通
• FB專頁: 優閒堡 Facebook

更多優閒堡相關資料:

• 優閒堡分店
• Youtube
• Facebook
• Twitter
• Google