Second Bite 長沙灣

Second Bite 評價 相片

之前都有幫襯開 Second Bite，啲牛、海鮮啊真係好好食！堂食永遠無得輸！因為疫情關係，好耐冇出街食飯，但真係好掛住佢哋啲美食。

適逢五月之星朋友生日，決定外賣幫襯。

等咗大概40分鐘（連送外賣🥡車程），終於有得食，真係好好好食！佢哋嘅味道真係令客人食得出係用心烹飪嘅成果，連壽星第一次食都讚口不絕！海鮮意粉，完美！紅椒蜜糖雞翼，完美（唔辣，小朋友一個人都食咗4隻😂）黃金鹹蛋雞翼，好好吃唯獨是啲伴碟菜因為焗咗變黃，呢個係外賣無可避免嘅問題。

同埋今次雜菌意粉咸咗啲啲，不完美可接受。

總括而言美味依然！因為成班餓狼一見到啲美食已經即刻一掃而空，剩返啲骨🦴同殼先醒起相機未食，唯有補返張外賣menu 交相。

😰😅😂🤣

諗住補祝母親節飯預早一星期book定位食飯前一日仲reconfirm埋booking但準時去到之後竟然話要一個鐘後先有枱咁點解要俾人book枱做生意可能有客想做左先但有無諗過人地慶祝食飯無得食嘅感受好失望

超正，餐廳有情調，食物方面；超愛食「咸蛋薯條」熱辣辣，脆卜卜，好香咸蛋味「秘制手打肉餅脆蛋漢堡」層次感一流，牛肉得juice ，口爆流心炸蛋，不油不膩也不乾🤤「美國黑毛豬扒」肉厚，帶點半肥廋，肥膏夠香口🥰「頂級巨型牛肩肉眼扒」叫左7成熟，因有餘溫變左十成熟😑，芭菲雪糕滑也不太甜，但價錢同雪糕不成正比🤣

今次去到一間以黑色為主既餐廳🖤有金光閃閃既黃燈💡同桃紅色既霓虹燈點綴一坐低就會有店員拎消毒酒精比你搓手同紙巾比你包住口罩 夠晒溫馨呀👍🏻餐廳冇電視 但有投影機播放影音👀當日餐湯係菠菜魚湯配暖笠笠又好鬆軟既牛角包🥐個湯以為係忌廉湯但好有中湯既昧道好有趣😂 菜蓉口感有少少好似葡萄牙既薯蓉湯兩個主菜分別係經典雜扒餐同波士頓龍蝦配芥末牛柳餐雜扒餐同我係出面食開既有啲唔同 呢個有好大塊雞扒同豬扒 仲有雞翼 雞蛋 同德國腸 配上薯條同小小菜 好多雞😂我個人覺得如果少返啲雞類變做牛扒會比較好少少調味方面就好似唔小心重手左少少？有啲咸令我地有啲口渴想飲水😛店員好細心架 會留意到我地冇水會倒比我地至於龍蝦牛柳餐我覺得個牛柳幾好食唔會”拿”到冇左肉味 肉質都淋既😌配上少少芥末醬好特別幾好食 不過龍蝦既調味都係偏咸左少少🙁 希望下次調味會有改善💪🏻值得一讚既位我覺得係鐵板送上枱前預先淋好左你揀既汁避免左你彈到一身都係 送到上枱仲會聽到滋滋聲👂🏻飲品方面我地點左兩杯凍檸茶少甜少冰味道正常但飲品杯既size同水杯既size係一樣 要加錢先有飲品對於個size有一點點既失望👉🏻👈🏻如果可以考慮改為一個大啲size既飲品杯 或者唔需要加錢就會比較好💪🏻

老公想飲生啤我想食扒就入去試吓 我哋叫咗「封門牛柳」n「鐵板西冷」店員問要幾成熟 老公話驚太生想要7成 最後2份都係要5成 先嚟南瓜湯同牛角包 湯夠熱味道係好嘅 牛角包都好食 飲完湯食完包 就上封門牛柳 上台速度係快嘅 牛柳嘅時候己經幫我哋簿切好 一望最起碼係910成熟 煎到好乾 我同店員講另一份如果未煎想轉3成熟 因為依份5成煎到全熟咁滯 店員望一眼話我知呀就走開咗 佢同煎扒嘅同事講我嘅要求好長細咁講埋啱啱份5成熟我覺得太熟 過咗陣佢拎鐵板上枱時同我講依份係3成熟 我即切開睇 起碼9成熟 其實你問得人要幾成熟 做唔到十足都唔應該離譜到咁 5成變全熟簡直係浪費食物 一定唔會再食

Second Bite餐單提供西式, 海鮮等推介美食位於長沙灣區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 39565441 查詢。

您對於長沙灣餐廳「Second Bite」有何 comment？

Second Bite餐廳詳細資料：

• Second Bite地址:
  長沙灣昌華街45號昌暉大廈地下6號舖
  Second Bite, Shop6, G/ F, Cheung Fai Building,41-45 Cheung Wah Street, Cheung Sha Wan
• Second Bite電話: 39565441
• Second Bite價錢: $101-200
• 分類: 西式, 海鮮
• 座位: 未知
• 付款: Visa,Master,AlipayHK,支付寶,現金,AE,銀聯
• FB專頁: Second Bite Facebook

更多Second Bite相關資料:

• Second Bite分店
• Youtube
• Facebook
• Twitter
• Google