Ice Cafe 長沙灣

Ice Cafe 評價 相片

食物不錯，pasta不會過"淋"，水準與旁邊的Speed Cafe相若。

但這店的環境較舒適些，用具亦較好些，而且服務亦比Speed好好多。

近排換了招牌，夜晚放工就約兩位師兄來試試，看看水準有否提高。

三個都係要Set dinner，我揀珍珠蠔做頭盤，主菜是西冷扒。

另外兩位師兄分別要青口和沙律做頭盤，西冷扒和海鮮天使麵為主菜。

先來頭盤，兩隻芝士焗珍珠蠔，賣相幾得。

食落芝士味唔係太濃，但總算係幾好。

朋友既青口好似話唔錯，但沙律就一般。

之後是餐湯和蒜泥多士，餐湯是羅宋湯，唔會太辣，可以接受。

多士細細件，幾脆，不過蒜泥味唔多夠。

主菜方面，西冷扒一如所料是薄薄的，而且冇咩味道，幸好是夠淋。

配菜的翠肉瓜是凍的，薯皮亦只是暖暖地，很一般。

問及師兄的那個海鮮天使麵如何，答案是太多洋蔥，味道很一般。

主菜之後有個甜品，是綠茶布丁，有一陣幾古怪又唔似係綠茶既味道。

最後餐飲三位都係要凍檸茶，都ｏｋ，起碼夠凍又有幾片檸檬。

埋單每人$70，比起隔鄰舖的Speed Cafe貴12蚊，但不論食物質素及服務都唔夠Speed Cafe好，下次我都唔會揀佢。

和辣椒女打完羽毛球後，便來了這裏，看見環境好像幾好，便入來試試。

我們叫了兩個晚餐，食物包括意大利水牛芝士蕃茄沙津、清酒焗帆立貝、青豆忌廉湯、欖油海鮮燴天使麵、寶雲蘇羊扒、蜜瓜雪榚、檸茶和咖啡。

意大利水牛芝士蕃茄沙津 看見有水牛芝士，還以為會幾好，原本和想象差很遠，死實實又無味；蕃茄和沙津返而幾好食。

清酒焗帆立貝 又韌又無味，極難食。

青豆忌廉湯 很淡的青豆味，完全沒有忌廉味，和清湯沒有兩樣。

欖油海鮮燴天使麵 我們比較喜歡硬身一點的天使麵，之前已和侍應說過，但來到時，一樣是這樣腍，真失敗；味道普通，但因麵太腍，已經沒有什麼食欲。

寶雲蘇羊扒 羊扒已知道比較生會好食一點，也說了要五成熟，但來到時，又是過份熟了，看來廚師是看自已喜好來煮的吧！好在羊肉唔會太韌，但羊味就完全找不到。

蜜瓜雪榚 好假的味道，又難食，試了少少就放棄了。

檸茶 好酸的檸檬味，相信非常唔新鮮，非常難飲。

咖啡 咖啡返而幾好飲，真係想不到。

真係試過一次都無回頭。

跟肥爸一起吃晚飯，第一次來這樣品嚐，餐廳環境不錯、營造高級的格調。

要了兩個set dinner。

頭盤：鴨胸沙律，芝士焗蠔２隻，幾好，不錯！主菜是牛扒飯，日式照燒雞扒，但主菜之一的日式照燒雞扒，無味，很“鞋”，很靭呀！！（其實，我的午餐都是雞扒，是大家姐弄的，大家姐弄的都好味過這間餐廳，水準未免太低了！）甜品是雞蛋布丁，味道一般，有蛋味，但不滑的，我不太欣賞了！侍應哥哥突然走過來，把桌上我抹嘴的紙巾來清理桌面．．．呀！你估這裡是茶餐廳咩？所以並沒有高級的格調，純粹營造而是！

Ice Cafe餐單提供西式, 西餐廳等推介美食位於長沙灣區，餐廳座位數未知人均消費約$51-100，結賬可以用現金。

您對於長沙灣餐廳「Ice Cafe」有何 comment？

Ice Cafe餐廳詳細資料：

• Ice Cafe地址:
  長沙灣長沙灣道638號長盛豪苑地下E號舖(近昌華街)
  Ice Cafe, Shop E, G/ F.,638 Cheung Sha Wan Road, Cheung Sha Wan
• Ice Cafe電話:  
• Ice Cafe價錢: $51-100
• 分類: 西式, 西餐廳
• 座位: 未知
• 付款: 現金
• FB專頁: Ice Cafe Facebook

更多Ice Cafe相關資料:

• Ice Cafe分店
• Youtube
• Facebook
• Twitter
• Google