Gusto Cafe 長沙灣

Gusto Cafe 評價 相片

前晚同三個朋友一齊去長沙灣覓食 去到先知原本想去既cafe 竟然搬左 於是唯有去附近兜下有冇其他食店點知一係就勁貴 一係就唔太吸引 最後見到呢間cafe出面寫住第二碟main course 可享半價 咁又覺得好似幾抵 就同朋友決定入去試試哇入面得一枱食客 猶如孤島 我地都心感不妙😨 再睇下啲餐牌～ main course 貴之餘 又唔太吸引 最後叫左豬仔骨、pizza、牛排同意大利海鮮炒飯 豬仔骨冇乜特別 普通味 但啲薯菜就幾好食 好香薯仔味😋Pizza就認真麻麻 辣得黎又唔覺得惹味 而且個皮好薄好硬 好似食緊餅乾咁😅至於個牛排真係冇乜特別 可能食材本身既質素就唔高 所以係普通牛肉味 又唔香又唔鮮嫩 唔會令你食過返尋味

之前到Gusto Cafe 食過2次, 也是食主餐後加任食甜品, 2次都得到很好的滿足。

但昨天去食...主要是衝它的甜品來的, 感到很失望。

主餐叫了牛扒、意粉及薯條。

牛扒、意粉...都蠻不錯。

但薯條一上來就已經是凍的了!!然後就食甜品, 3種味心太軟, 3款窩夫, 朱力吐司, 梳夫厘。

我只能說...窩夫,吐司也能達期望...梳夫厘太甜還是我能接受的程度 (不過要不停飲水)...但心太軟太令我失望...心太軟外表應是脆的...但它是軟得一「pat pat」...我食了一口都要吐出來...好差...總而言之...整餐是失望的...特別是以前的對比...前2次食得很回味...今次食只能黑名單。

大家想食正餐可以...但甜品...算了吧~

見呢度咁多好評, 所以去咗試叫咗豬扒餐跟薯角, 平平無奇, 唔明點解咁多笑臉呢個價錢論食物質素, 環境, 同區大把更好選擇一入到去仲聞到冷氣有廁所個種香芬味但欣賞佢杯野飲隻匙羹, 好易篤爛啲檸檬

雖然隱世，但食物質素係登得大場面。

一去到店員介紹是日精選，咁我地就叫左一個魔鬼魚、德國咸豬手、洋蔥圈同朱古力香蕉pancake；飲品就係熱朱古力同七彩繽紛既特飲。

食物得待10分鐘左右就有架啦，魔鬼魚炸得金黃，食落好香脆，而伴碟的薯蓉是粉紅色的，十分吸晴；咸豬手啖啖肉，肉質係厚實，岩哂我呢d食肉獸，而豬皮炸得好脆，好似食緊薯片咁；朱古力香蕉pancake係我最愛，成條香蕉上碟，再淋上溶左既朱古力醬，大家可以一試。

飲品朱古力好足味，比較甜，適合飲甜野既女生；而待飲好特別，有幾層既味道。

今日又去長沙灣覓食，呢間Gusto Cafe 係荔枝角同長沙灣地鐵中間，位置有D偏僻，好彩個店名識得發熱發亮，係暗街之中較為突出。

Cafe 門口設計行簡約路線，有個大型木餐牌話你知有咩晚餐，門口三塊大玻璃，可以邊食邊望街景，增強空間感。

可能平日關係，6點半左右入到餐廳即刻有位坐，我地坐卡位，位置都好寬敞。

每枱都會有得意熊仔陪你食飯，裝飾甘得意就岩晒女仔，嘻嘻。

我地兩個人就叫左一個套餐，包兩個主菜，一份小食，兩杯飲品，再加一客甜品，岩晒我地呢d咩都鍾意試既人。

法國醬燒豬仔脾每碟有4舊豬仔脾，脾上面塗上薄薄一層醬汁，個醬應該加左蜜糖，食落甜甜地，每隻都好入味，可能係脾既位置，所以咬落有少少un 。

配菜方面有翠肉瓜，茄子，同理沙津菜（我鍾意呢樣可以清爽一d)。

芝士牛肉漢堡配薯皇廚師好細心，兩塊漢堡包都烘過，非常有口感，牛肉就非常重量級，目測有成3cm厚，芝士微微溶化在上面，再配一隻荷包蛋，賣相就非常吸引。

整個漢堡加理厚度十足，女仔食既時候要將個包壓一壓先放到入口，牛肉肉汁豐富，荷包蛋既蛋黃溶入包入面，味道一流。

雞翼拼盤本來叫個陣以為係小食份量得45隻，點之上到來有成12隻甘多，每款口味有3隻，有原味，蜜糖味，辣味，同理孜然味。

4隻味當中最好食係蜜糖味，甜度岩岩好，我朋友就鍾意辣味，覺得辣醬唔會搶走左雞翼本身味道，岩佢鍾意辣但唔太食得辣既人，一碟雞翼滿足晒唔同人需要，正！朱古力香蕉smoothie有兩舊香蕉係smoothie上面，好濃郁朱古力味，估唔到兩隻口味好夾，飲落口會先有朱古力出來，香蕉味會慢慢湧出來立體拉花咖啡有少少失望，本來見到其他食評有隻飄浮熊仔係上面，但今次只有朵花，where is my bear?? 咖啡底要左榛子口味，水準不俗，同外面星星克咖啡差不多，咖啡濃度比例剛好brown series朱古力系列有心太軟，雪糕同理奶凍，又係另一款岩晒各人口味既菜式。

心太軟帶有少少苦澀味，再混合理雪糕既甜，一冷一熱，水準十分高，奶凍夾雜係當中有d輸掉，口感較淡。

原來呢間cafe 有得包場，岩晒一班朋友自己開party, 都坐到230個人架。

如果係自己屋企開party，佢地都有到會服務，真係岩晒party 搞手，一個電話搞拘掂，唔洗煩。

下次會再來支持自創業小店！

Gusto Cafe餐單提供意大利菜, 西式, 甜品, 糖水, 薄餅, 漢堡包, 咖啡店等推介美食位於長沙灣區，餐廳座位數32人均消費約$51-100，結賬可以用現金。

您對於長沙灣餐廳「Gusto Cafe」有何 comment？

Gusto Cafe餐廳詳細資料：

• Gusto Cafe地址:
  長沙灣昌華街23號富華廣場地下16號舖
  Gusto Cafe, Shop16, G/ F., Florence Plaza,23 Cheung Wah Street, Cheung Sha Wan
• Gusto Cafe電話:  
• Gusto Cafe價錢: $51-100
• 分類: 意大利菜, 西式, 甜品, 糖水, 薄餅, 漢堡包, 咖啡店
• 座位: 32
• 付款: 現金
• FB專頁: Gusto Cafe Facebook

更多Gusto Cafe相關資料:

• Gusto Cafe分店
• Youtube
• Facebook
• Twitter
• Google