金雀餐廳 銅鑼灣

金雀餐廳 評價 相片

金雀餐廳，我已經食超過10年，餐廳懷舊的牆紙，為電影<花樣年華>而推出的<2046套餐> 亦叫人回味。

早年因為租約和縮鋪而停開大半年，而最近都捱唔住地鋪貴租而搬遷，今日我都要懷緬過去~ :'(環境：舊港式扒房，翠綠牆紙，餐枱布，卡枱，木板間隔，這種餐廳係香港已經所淨無幾，這間亦將於月尾搬遷了。

服務：由於所有人都趕住懷緬這餐廳，太多客，侍應都忙到上氣接唔接下氣，但服務仍然ok, 都照顧客人需要。

食物：當然要點我最喜歡的<2046套餐>但我只可以話水準嚴重退步。

1.白湯以前湯中有脆口的麵包，而家無左，失望。

2. 沙律賣相一樣，可惜無左蘋果，無開胃感覺。

3.田螺保持水準，可是薯蓉少左好多。

4.羊扒羊扒算林，但毫無羊味。

5.牛扒以前金雀的牛扒算係數一數二好食，肉林，牛味濃，但現在整塊扒比大家樂更差，好難咬，好多渣，嚴重失敗。

金雀，加油呀！10年前你真係o係我同朋友心中讚歎不已的餐廳，但現在價錢加了，份量少了，為什麼水準卻大大差了~ 其實你地食物情懷遠勝於花樣年華個境，希望搬鋪後，你可以攞返你的真情懷出來！這個"OK" 我是比這10年的回憶，希望新鋪，我可以比"笑哈哈"。

加油！金雀！

好耐以前，同朋友一想食扒，就會嚟食呢間，事隔一段時間無嚟食，點知就失望到頂點…羅宋湯，以前飲完一碗好想飲第2碗架，今次我無飲晒包是熱的，軟林林魚柳，無咩要求啦西冷牛扒，本來是鐵板上嘅，但我改用碟上，一向我都係咁樣架，完全唔會影響個味道，但今次佢哋俾錯燒汁我，變得更加失望黑椒牛柳，老公站話夠林嘅，但無咩肉味有一個餐附送甜品，雖然係我愛嘅jelly，但已經無咩心情食凍檸茶，都屬於正常嘅熱檸水，一杯有4片檸檬咁多呀

早前金雀關門，引發集體回憶，很多人當時慕名而來。

但熱潮過後，人潮便慢慢散去! 這似乎是香港人的特色吧 ! 金雀餐廳仍然以2046和花樣年華等扒餐作招來，整體和關門前差不多。

餐廳光猛些，環境作過少少裝修，也光鮮些。

喜歡懷舊扒房的朋友，當然值得來！ 但事實上扒餐不便宜，而且和健康飲食談不上關係。

所以不會常來，偶然想懷舊和打下卡才會光顧！看來餐廳除了懷舊，也要加點新意思或新點子才會客似雲來了。

同女朋友睇完戲就梗係搵野食啦,知道金雀餐廳裝修完,所以就去食一食,回味下,,,,,,,裝修完之後,都仲KEEP到個陣懷舊風格, 令人諗番起唔少王家衛電影既情節因為時間仲早,唔算好多人黎食因為我同女朋友都唔食牛,所以就各點左一個雞扒同羊架餐先黎既係餐湯, 一紅一白, 白湯問題就不太既,不過紅湯就太過酸雞扒就都幾乾下, 似係炸過先再煎(或者煎都無煎)個羊架就真係重點, 都幾差下, 無羊既香味, 肉亦唔多, 大部份都係肥肉, 食落亦太淋, 都幾唔新鮮間餐廳靚係幾靚,但係此終D食物都唔可以難食架嘛, 唔可以打住懷萏老店既牌頭,就唔洗理食物既質素架嘛, 失望失望

銅鑼灣老牌餐廳，重新裝修後變得整潔外，亦能保持懷舊的情懷，牆上掛有花樣年華的劇照。

餐廳內光缐偏暗，放著60，70年代的英文歌或音樂，令人感覺無比放鬆下享受一個休閒的午餐。

粟米石班意粉，石班肉一般，粟米汁濃稠，有兒時吃西餐的感覺。

鑊仔牛柳意粉，牛柳有3中塊，牛柳肉雖有些靱，但意粉是預先用茄汁煑過，凈身已經很好味了。

紅白湯任選一款，白湯：忌廉湯夠熱，唔似醬汁咁太過creamy，好飲。

紅湯：羅宋湯亦是用蔬菜煑成，並不是用大量茄膏煑成嗰種，味道不太濃烈。

金雀餐廳餐單提供西式, 扒房等推介美食位於銅鑼灣區，餐廳座位數70人均消費約$101-200，結賬可以用Visa,Master,現金,AE,銀聯。

您對於銅鑼灣餐廳「金雀餐廳」有何 comment？

金雀餐廳餐廳詳細資料：

• 金雀餐廳地址:
  銅鑼灣蘭芳道13號地下
  Goldfinch Restaurant Ltd, G/ F.,13 Lan Fong Road, Causeway Bay
• 金雀餐廳電話:  
• 金雀餐廳價錢: $101-200
• 分類: 西式, 扒房
• 座位: 70
• 付款: Visa,Master,現金,AE,銀聯
• FB專頁: 金雀餐廳 Facebook

更多金雀餐廳相關資料:

• 金雀餐廳分店
• Youtube
• Facebook
• Twitter
• Google