宮崎肉本舖 銅鑼灣

宮崎肉本舖 評價 相片

呢間真係絕對要encore！我覺得係香港最好食嘅高級燒肉放題！油花滿怖的10款A5和牛+60多款日本食材，香港只有這家了！呢到主打頂級宮崎A5櫻花牛燒肉放題～我地叫左「宮崎A5桜花牛極上燒肉放題」先上一盤10款 A5和牛拼盤，肩里肌、肩口肉、牛肋肉、五花腩等等油花實在美得不能說話了！每口都入口即溶！特別係西冷，吃起上來真的很幸福！當中壽喜燒和西冷會有侍應幫我地燒！勁大塊油花靚到呢～ 燒到岩岩好，每口都是幸運感！還有超過60款日本食材放題單品，最愛甲羅燒很香很濃！雞內臟我點了雞冠，雞頸肉，雞皮、雞腎等，日本產味道和平常吃的不一樣！牛內臟中我們吃了牛肝和牛肚，幾特別！牛肝個味好濃郁 my favourite 全部日本食材都好正 炸蠔 燒牛油生蠔都一樣咁好食，蠔肉超鮮甜！甜品有多款選擇，我幾鍾意個cheese cake ，encore 左兩件！呢到嘅食材真系好靚，全部由日本嚟，喺去唔到日本嘅時候都可以黎燒個肉以慰藉我地思鄉之情。

這裡還有2人小包箱，很有私人空間，情侶好地方！

今晚同呢個朋友食飯，絕對係一個奄尖聲悶嘅人，但係今晚呢一間餐廳絕對令佢冇彈嘅機會。

因為呢一間算係我食過咁多類型嘅燒肉之中，最特別，食得最刁鑽同最好食嘅一間。

首先佢淨係個環境已經同其他普通嘅燒肉舖唔同，佢全部嘅位置都係卡位，每一台都有足夠嘅位置相隔，除咗有絕對嘅私隱度俾人傾偈，亦都唔會令到你食完燒肉成身好大浸味。

點解話佢食得刁鑽？因為呢一間除咗係食A5和牛之外，更加係將條牛從來都內到外，所有部位到處你好送到你面前，令到你可以識到唔同嘅位置。

就係因為佢咁豐富，迎合到唔同人嘅口味。

正常嚟講和牛都係會比較油膩，但係今次佢有唔同嘅部位，每一個油脂分布唔同嘅地方都可以試得到。

好似我自己咁，比較鍾意食啲瘦啲嘅肉，其中腿肉嘅部位就係我自己覺得比較適合我，因為相對其他嘅部位會比較瘦啲，冇咁油膩。

而每一個部位燒出嚟都好林，始終都係靚牛，每個部位都有唔同嘅口感，迎合唔同人嘅喜好，但係每一個部位都覺得幾好食。

而其中有兩塊特別大塊嘅職員會幫你處理，但係因為我哋一坐低已經比舊壽喜燒嘅牛吸引咗，所以自己燒咗嚟食。

所以得返塊西冷俾職員幫我哋燒，燒完之後佢仲好仔細咁樣講返俾你聽應該點樣點佢哋嘅醬汁。

分別有海鹽，自家製燒肉汁，同埋一個用咗牛嘅內臟去調嘅醬汁。

而西冷對我嚟講比較油咗少少，所以食完之後都要食吓其他嘢調劑吓。

另外除咗牛肉佢哋仲有牛嘅內臟，但係啲內臟就會每日三款不同，遇到咩部位就睇下你嘅運氣啦。

我哋今晚遇到嘅係牛肝，牛沙瓜，同埋牛柏葉。

牛肝嘅味道比起豬肝會濃烈，而且個口感都會林身少少。

而牛沙瓜其實就係牛嘅其中一個胃，識落嘅感覺比較似豬肚。

除咗牛係一整頭咁樣食，佢呢度連雞都有唔同嘅部位。

除咗有大家比較常見嘅雞內臟之外，好似雞腎，雞心，雞頸肉之外，最特別嘅係佢嘅雞冠。

雞冠淨係個樣都已經唔吸引，但係見到啲咁特別嘅嘢，好奇心嘅驅使下都會嘗試吓。

因為佢會醃咗，所以唔會有啲咩特別奇怪嘅味道，但係口感上就比較似豬耳，好爽脆。

另外雞心方面，呢度醃咗嘅味道都幾好食，佢個雞心比較爽，但係唔會有腥味，係唔錯嘅。

其實佢啲雞翼同埋雞髀肉都好好食，因為佢哋除咗普通嘅黑椒之外，仲有佢哋自己嘅特製香草醬汁，同雞肉都幾夾味。

除咗肉類之外，呢度都仲有海鮮可以揀，其中我揀咗魷魚，一夜干同埋廣島蠔。

佢個魷魚真係好好味，完全絕對唔係雪藏，而係好香魷魚味好彈牙。

而佢個一夜干更加係不得了，醃咗嘅味道好夠，而且啲肉好滑。

而個蠔都係好鮮甜，雖然唔係大大粒，但係全部都係新鮮嘢。

最估唔到嘅係呢度嘅甲羅燒都係任食。

攪勻咗隻鵪鶉蛋之後再輕輕燒一燒，超好食。

佢呢度嘅味道啱啱好，唔會好似其他地方咁勁鹹，唔可以就咁食。

真係海陸空都食勻晒之後，你個肚都唔可以感覺到飽住，因為除咗燒嘅嘢之外，佢呢度仲有啲熟食等緊你試。

主食類嘅嘢我就真係無福消受，其實佢啲豬我都好想試，但係真係食唔到咁多嘢。

所以淨係叫咗幾款熟食，因為佢有一個和牛餃子，同埋燒扇貝。

佢啲扇貝都幾大粒，有兩種口味俾人揀，而個和牛餃子就只係得辛口味，但係和牛做嘅餃子都幾好食，牛味會比普通嘅牛肉餃子濃啲。

其實除咗咁多肉類之外，佢仲有唔同嘅日本直送蔬菜，多到講唔晒。

但最令我最印象深刻嘅係呢款白玉粟米，食落去完全冇渣，口感好柔好嫩，真係好清甜，職員話可以生食添，下次要再試吓。

佢連甜品都有七八種俾人揀，我都只係試咗其中四款，分別係自家製嘅牛奶凍，和果子，泡芙同埋日本直送嘅白桃雪糕。

佢個牛奶凍真係必食，因為好香奶味，而且夠晒滑，真係好正。

是日一人行銅鑼灣，來到此間主打頂級A5和牛的餐廳，餐廳環境清雅，每個座位之間有間隔，私隱度較高。

這次職員安排我坐面對著綠蔭的小房間，十分雅緻餐廳除了燒肉外還有火鍋可以選擇，當日想吃火鍋，於是選擇了九州A5西冷和牛套餐，包括前菜(肉醬豆腐)+湯+茶碗蒸+四大片牛肉+壽喜鍋物配菜+茶+甜品或飲品開餐前先試試冷盤和茶碗蒸，湯品。

肉醬惹味青瓜豆腐清爽開胃；湯的豆腐味和骨湯味濃；茶碗蒸內有軟糯的白果，還有粒粒鹹鮮味的魚籽，蛋亦蒸得很軟滑前菜和湯品已令我十分滿意，到重頭戲A5級西冷牛肉，其實用肉眼看已知道牛肉油花佔比極高，放入壽喜鍋煮到剛好後夾起，配上提供的wasabi和豉油和飯食，油脂馬上隨著舌頭和牙齒的咬合而充滿口腔牛味濃，油脂重，入口即化，好享受啊！！！和粒粒飽滿的白飯絕配，食完一塊牛肉馬上用綠茶清清口腔，吃點配菜再來下一塊品嘗完牛肉後，餐廳會送上柚子雪糕作為整頓的結尾，安排亦十分貼切，可以清清味蕾，中和爆棚油脂帶來的膩感於是又是一餐滿足，享受，驚艷的一餐牛肉質素真的不錯，絕對要再來試試燒肉

這高級燒肉放題店開業已一年多，主打日本直送冠軍宮崎牛，仲要係獨家進口A5櫻花牛，加上放題單點食物都是全係日本食材，所以質素都相當高我都好鍾意食燒肉已多次到訪，每次都跟好友聚會嚟食，朋友都相當滿意，聚會食質素高嘅放題都是一個好選擇，選菜式不用互相遷就今次呢個放題係$998位「宮崎A5桜花牛極上放題 」，一來頭盤已相當吸睛，先有10款不同部位宮崎A5桜花牛，由赤身吃到霜降會食出每款肉嘅層次當然去到油花超粉嫩的肉眼扒簡直口感細緻，入口即溶牛脂滿滿仲有壽喜燒配上日本蛋汁一樣美味😋（這兩款都由店員代燒，所以火喉控制得剛好）內臟都有牛及雞部位選擇，好鍾意食肝類嘅甘香，另外雞皮燒到香脆都好食連雞冠都有得食，入口爽脆宮或崎牛拉麵及茶漬飯都是我心水推介另外60多款單品美食都很高質，黑豚、地雞、和牛與地雞內臟、甲羅燒等等，還有熟食吉列廣島蠔、沙律菜、當然要留肚吃雪葩、奶凍及雪糕啦

我強烈推薦在銅鑼灣 Sugar + 食廈的宮崎肉本舖餐廳嚐試 A5 櫻花和牛。

他們的和牛來自自家的櫻花牧場，確保了卓越的品質。

餐廳環境很棒，有私人座位，其中一些餐桌可以看到維多利亞公園的景色，非常適合情侶~晚上有三種放題時段可以選擇：$698、$898 和 $998。

$998 的套餐包括 10 種不同的和牛部位。

餐廳會先上一盤擁有全部部位的牛肉：里脊、和尚頭、前腿肉、壽喜燒、肩里肌、肩口肉、牛肋肉、五花肉、內後腿肉和外後腿肉。

前四種只有一份，後六種可以無限加量。

店員建議從右到左烤，因為里脊和壽喜燒的油脂含量較高，需要高溫烤製。

如有需要，店員很樂意協助。

至於和牛，每一種部位都非常出色。

里脊肉質細嫩入口即化，和尚頭則非常柔軟。

菜單上還有約 60 道其他菜品可供嘗試，包括 A5 和牛餃子、九州和牛山賊醬米餅和海鮮，如蟹味噌甲羅燒、香草牛油廣島蠔、櫻花蝦蛋黃醬帆立貝和蒜香魷魚。

菜單上還有其他肉類，如雞肉丸和雞皮餃子。

我選擇了海膽蟹肉脆米魚湯泡飯作為主菜，口感十分美妙，加上脆米的口感更為出色。

此外，還有沙拉和小食，例如冷豆腐蝦沙拉和蕃薯芝士脆脆，還有甜品，如自製 3.6 特濃牛乳奶凍和柚子雪糕，兩者都非常棒。

宮崎肉本舖餐單提供日本菜, 燒烤等推介美食位於銅鑼灣區，餐廳座位數未知人均消費約$401-800，結賬可以用Visa,Master,AlipayHK,支付寶,現金,八達通,AE,銀聯,BoC,Pay,微信支付,OpenRice,Pay,雲閃付，Booking訂位可以電話致電 35685330 查詢。

您對於銅鑼灣餐廳「宮崎肉本舖」有何 comment？

宮崎肉本舖餐廳詳細資料：

• 宮崎肉本舖地址:
  銅鑼灣糖街25-31號Sugar+6樓
  Miyazaki Niku Honpo, 6/ F, Sugar+,25-31 Sugar Street, Causeway Bay
• 宮崎肉本舖電話: 35685330
• 宮崎肉本舖價錢: $401-800
• 分類: 日本菜, 燒烤
• 座位: 未知
• 付款: Visa,Master,AlipayHK,支付寶,現金,八達通,AE,銀聯,BoC,Pay,微信支付,OpenRice,Pay,雲閃付
• FB專頁: 宮崎肉本舖 Facebook

更多宮崎肉本舖相關資料:

• 宮崎肉本舖分店
• Youtube
• Facebook
• Twitter
• Google