船渦 銅鑼灣

船渦 評價 相片

平時屋企一大班人整蒸海鮮實要搞餐懵，😋近排知道銅鑼灣有間一人蒸鍋之後，一個人食蒸海鮮都得啦！入到去坐低職員就介紹佢地有唔同嘅海鮮套餐，每份按人頭收費，已經有齊唒海鮮拼盤、肉類點心、蔬菜同粉麵粥。

職員好nice咁亦介紹咗呢個一人蒸鍋係點樣控制。

我哋揀咗最多海鮮嘅八府巡按套餐後就用QR CODE 落餐啦🤤🤤好快等左陣，嘩～～好豐富呀！大大盤海鮮拼盤，有龍蝦🦞、鮑魚、魚蝦蟹🦀🦐、蟶子、黃金蚌、貴妃蚌、帶子、白蜆。

肉類方面我就揀咗兩份安格斯肥牛🤭 一路食一路蒸咁就包保海鮮熱辣辣😝海鮮非常新鮮，份量亦恰好，按照佢哋提議嘅計時器去蒸，就唔會驚蒸到老或過時。

所以每一樣海鮮都煮得剛剛好，呈現出最新鮮最完美的一面。

蟶子王大大啖肉，爽口彈牙！海蝦新鮮，蝦頭仲有好多膏😍蟹亦都唔使講，蟹肉鮮甜蟹膏creamy。

龍蝦鮮味，鮑魚爽口！安格斯肥牛質素相當唔錯，雪花均勻有牛味。

最後要讚讚個粥底，材料分別有南瓜同芋頭，又甜又軟綿綿，好好食！而麻辣拉麵都相當惹味😝😋今次一人蒸鍋相當創新，非常方便，有得玩又有得食😋😋 質素仲高過平時食開果幾間😎

位於銅鑼灣謝斐道500號維安商業大廈三樓的船渦 (Boat Boat Steam)，主打一人蒸氣火鍋。

餐廳內，⼀人有一個小小的蒸氣鍋，可以按自己的需要蒸食物，而且有靠牆的位置，一個人來吃也不會覺得尷尬。

午市主要提供兩款套餐，點了較為豐富的八府巡按套餐，套餐還可在粥、麵、飯中選一款主食。

就在等候蒸料來到的時候，可以去拿取醬油，個人最愛醬油配蒜粒、香蔥、芫茜。

海鮮來到了，賣相相當誘人，十分豐盛，包括有半隻蟹、帶子、蝦、鮮魚片、白蜆、鮑魚、貴妃蚌、元貝、半隻龍蝦、聖子皇。

侍應還會講解蒸氣鍋的用法，而且有不同海鮮的計時參考。

當然，可按需要調整蒸海鮮的時間。

各種海鮮相當鮮甜，肉質十分爽滑，可見用料新鮮。

個人最喜愛吃聖子皇，肉質飽滿，味道很鮮很甜。

這款八府巡按套餐份量十足，男士來到也能填飽肚子。

白蜆約有十隻，用一個小籮子盛著，滿滿的。

用蒸鍋烹煮海鮮能保持海鮮的濕度，不會乾乾的。

另外頗有驚喜的賣點，就是這款豪華套餐包半隻蟹和半隻龍蝦，肉質爽滑。

而且蟹相當肥美，有肉的部分頗多。

套餐還會包兩款肉類、特色三寶丸及蔬菜拼盤。

蒸三寶丸時，可以和連底下的葉子一同蒸，避免黏底。

三款丸子的味道也頗不錯，味道豐富。

最後，可以吃種類頗多的蔬菜和主食作結，這個套餐頗為豐足。

一個人都可以食蒸氣火鍋？最近天氣變得越嚟越凍就梗係食火鍋嘅好季節啦😆一個人食火鍋其實都冇咩問題啊，銅鑼灣呢間火鍋店就能夠比一個人輕輕鬆鬆食火鍋坐位同坐位之間用左竹簾分隔，有足夠私隱度這裡下單是用手機掃瞄QR Code下單，桌子上清楚註明每款食物的蒸煮時間，如有任何問題店員亦都好樂意幫助今次我就叫咗一個HK$358八府巡按套餐套餐可以選擇粥底火鍋、各種米線粉麵（可以選擇魚湯或麻辣湯）如選擇粥底的話店員會先將南瓜及芋頭先放入鍋內_要呢個套餐嘅原因其中一樣係因為有超級多款嘅海鮮🦞鍾意食海鮮嘅朋友仔一定唔可以錯過包括有龍蝦、蟹、白蜆、貴妃蚌、黃金蚌、蝦、鮮魚片、聖子皇、鮑魚、帶子海鮮十分鮮甜，特別推介龍蝦和蟹，兩款海鮮都非常多膏，龍蝦肉質彈牙（留意較便宜的套餐是沒有龍蝦的）_食完海鮮就梗係要食返啲肉啦，可以從三款肉類中（安格斯牛肉、滑雞、豚肉片）選取兩款今次就揀左安格斯牛肉及豚肉片😍牛肉嘅肉味幾濃，肉質亦都唔錯😃 三色點心分別是牛肉、豬肉及魚肉，三款燒賣非常特別，平時好少喺火鍋店能夠食到😉大家嚟到一定要試吓_食到最後仲有蔬菜盆，加上一開始吸收晒海鮮精華嘅粥底，一個人食到超級飽😋店員最後仲送上黑芝麻雪條作甜品（雪條有其他口味可供選擇），這餐晚餐非常滿足，下次有機會會再來😋

食大餐，平時好少食海鮮蒸鍋。

依間店特別在一人一個蒸鍋🥘。

而且有簾，會因應你既人數而放簾，同其他食客阻隔。

所以，就算一人食，都會覺得太尷尬😃。

餐牌上簡單易明，有唔同套餐，主要分別在於海鮮種類。

另外，如果唔夠食，可以加其他野食。

👨‍🍳👩‍🍳食物質素：八府巡按套餐比前一級套餐，會有🦞龍蝦，聖子皇。

可選粥底同麵底🍜。

用電話📱點餐一陣，食物好快就已經到。

店員會教你點樣用個爐，而爐邊有寫到各海鮮蒸煮既時間📟，只要跟返相應時間就可以了。

🦞龍蝦，唔老，新鮮，仲有少量膏。

聖子皇事前店鋪已經整得好乾淨，冇沙，啖啖肉。

🦀蟹一樣有膏，有工具比你剝蟹🦀食。

🐚貝殼類有元貝，白硯，都係冇沙，新鮮👍。

肉類🐽豚肉，🐂安格斯牛肉，🐔雞腿肉（跟餐可3選2）豚肉同牛肉都好快蒸熟，每種分量約有3塊。

記得唔好蒸得太熟。

點心，蔬菜🥬幾有趣，將燒賣元素加入去。

其實裏面係豚肉，牛肉，蝦滑。

每種都有特式，我最愛係豚肉，肉味重。

蔬菜類，唔少得。

每種都有少少，有菇，生菜🥬，粟米🌽，南瓜。

感覺幾健康💪。

最後，重頭戲。

。

粥底店員會落粥底，等滾起，就可以食。

我自己會加少少蔥，不但有剛剛蒸海鮮既海鮮味，而且會更香。

聖誕同先生二人世界，素來對浪漫嘅燭光晚餐冇乜感覺嘅我，拉咗先生嚟食個麻甩嘅聖誕蒸鍋。

餐廳標榜全港首創一人一蒸鍋，而且海鮮係每日由漁市場新鮮運到。

一入去就見到一大面魚缸，有大量龍蝦、象拔蚌、瀨尿蝦同鮑魚等生猛海鮮。

座位設計好似日本嘅拉麵店，每個位之間有竹蓆可以垂低，間隔靈活萬變，亦好有私人空間，即使一個人嚟都唔會尷尬。

枱面有清晰指引，指導食客各樣食材嘅蒸煮時間，店員亦好有耐性教導蒸鍋嘅使用方法。

我哋各自叫咗個八府巡按套餐，首先上枱嘅係好豐富嘅海鮮船，有沙白、鮮魚片、鮑魚、黃金蚌、蟶子皇、帶子、龍蝦、蟹同鮮蝦，夠哂豪華，童叟無欺。

一人一個蒸鍋，本來以為蒸鍋的的骰骰火力應該唔會好猛，但啲蒸汽都幾大。

沙白海水味重，鮮味十足，而且一啲沙都冇。

鮮蝦用竹籤串住，方便食用，隻隻肥大新鮮。

龍蝦開邊，蝦頭有滿滿嘅膏，甘香甜美，肉質結實彈牙。

呢三件蚌貝係我至愛，鮮味爽口，特別係蟶子皇。

食完海鮮未夠喉，仲有葷素各一籃，肉類方面可以雞腿肉、安格斯牛肉同豚肉三揀二，我就揀咗雞同牛，兩者都好新鮮，特別係安格斯牛，油脂紋理分佈均勻，入口牛味頗濃，油香四溢。

另外仲有三色點心，整成燒賣形狀，分別用豬、牛同蝦做涵，入口新鮮彈牙。

蔬菜籃方面有粟米、鮮冬菇、娃娃菜、南瓜、金菇同生菜，選擇眾多，份量適中。

開始蒸之前要先揀粥底或者麵底，我揀嘅係粥底，店員會先喺蒸鍋底放入幾件芋頭同南瓜，食完蒸鍋之後就可以直接加入粥底，變成綿滑嘅海鮮南瓜芋頭粥，又香又鮮，而且唔會太鹹，我食咗足足兩碗，超級飽！最後當然唔少得甜品，分別係椰汁黑糯米同榴槤雪條，為完美嘅晚餐畫上句號。

一大班人圍住食嘅蒸鍋就食得多，第一次食一人一鍋，感覺非常良好，食乜先都可以自己話事，電子爐仲可以較好功率同時間，非常方便，而且因為一人一鍋，空間感反而較大，成班朋友嚟都唔需要迫埋一齊，無論係毒毒自私吃、二人世界抑或係朋友聚會都毫無難度！

船渦餐單提供港式, 火鍋, 海鮮, 蒸氣火鍋等推介美食位於銅鑼灣區，餐廳座位數50人均消費約$201-400，結賬可以用Visa,Master,AlipayHK,支付寶,現金,八達通,AE,銀聯,Apple,Pay,Google,Pay,微信支付，Booking訂位可以電話致電 28850268 查詢。

您對於銅鑼灣餐廳「船渦」有何 comment？

船渦餐廳詳細資料：

• 船渦地址:
  銅鑼灣謝斐道500號維安商業大廈3樓
  Boat Boat Steam, 3/ F, Way On Commercial Building,500 Jaffe Road, Causeway Bay
• 船渦電話: 28850268
• 船渦價錢: $201-400
• 分類: 港式, 火鍋, 海鮮, 蒸氣火鍋
• 座位: 50
• 付款: Visa,Master,AlipayHK,支付寶,現金,八達通,AE,銀聯,Apple,Pay,Google,Pay,微信支付
• FB專頁: 船渦 Facebook

更多船渦相關資料:

• 船渦分店
• Youtube
• Facebook
• Twitter
• Google