肥仔記麵家 銅鑼灣
地址: 銅鑼灣糖街27號地舖
最後更新:
肥仔記麵家推介
每次喺銅鑼灣搭紅Van返荃灣，都會去榮記食碗車仔麵。其實，好早已經見到佢隔離有間叫做「肥仔記麵家」，通常叫得做乜乜記又叫自己做麵家嘅，都係有啲料到，但係我每次見到佢嘅裝潢，感覺上都係有啲伏味 ... 唔知係咪今次時運高，竟然入咗去試吓，結果 ... ...碗淨雲吞一上枱，即刻心知不妙，點解會係蔥花而唔係韭黃！！？叫得自己做麵家，但係雲吞食蔥花，係咩玩法？(我冇心押韻架) 。輪到粒雲吞，唔係全鮮蝦雲吞嗰種，而係鮮肉蝦雲吞，食到所謂鮮肉嘅味精味很濃；再飲一啖湯，都係嗰啲味精味好濃嘅所謂雲吞湯，冇大地魚味道，亦冇鮮甜味道，咁樣叫自己做麵家！！？再望返個餐牌，原來佢個雲吞叫做「蟹籽鮮蝦雲吞」，所以我即刻咬開第二粒雲吞，仔細咁睇下，可惜，我搵嚟搵去都搵唔到粒蟹籽，但係老老實實，我放大幅相嚟睇，又見到一啲深啡色細細粒嘅嘢喎，唔通嗰啲係蝦子，咁究竟係蟹籽定蝦籽啊？媽，我好亂啊！做麵家唔會連蟹籽同蝦子都唔識分呀嗎？好啦，講返碟酥炸魷魚鬚，啲椒鹽去咗邊呀？點解變咗做雞醬嘅？雞醬其實係用嚟點炸雞嘅，源於泰國人好鍾意用甜酸醬嚟食炸雞，所以將甜酸醬叫做雞醬。我又唔係話用甜酸醬嚟食酥炸魷魚鬚唔得，亦唔可以話唔好食，但以一間叫自己做麵家來講，基本上都應該用返椒鹽囉！就好似你去茶餐廳食碗丁麵，夾硬加兩條菜心落去，唔係唔得，亦唔係唔好食，就係怪d囉！講番佢啲枱枱櫈櫈，感覺係點講好呢？好似返左十幾廿年前嘅深圳，定係去咗食北方餃子定雲南米線咁呢？仲有嗰塊大玻璃嗰個框，點講好呢？都係好似返咗去以前深圳咁嚁！仲有，佢仲有啲壁燈，係英倫巴黎街頭嗰啲古典街燈，真係九唔搭八。講到呢度，大家明嘅就會明架啦！望住佢個金漆招牌，𠵱！？點解係簡體字嚟嘅？呢間所謂麵家，我都係拜拜你條尾唔會再嚟食架嘞。
銅鑼灣肥仔記麵家
| 餐廳分店 | 肥仔記麵家 |
|---|---|
| 地區 | 銅鑼灣 |
| 電話訂位 | 26431188 |
| 餐單 Menu | 粵菜, 廣東, 粉麵, 米線 |
| 人氣指數 | 925 |
| 價錢幾錢 | $50以下 |
肥仔記麵家訂位位於銅鑼灣區，詳細地址是銅鑼灣糖街27號地舖，餐廳寬敞座位數目共有未知幾多個。肥仔記麵家幾錢？價錢優惠後人均消費大約$50以下埋單，早餐午餐晚餐肥仔記麵家餐單包括有粵菜, 廣東, 粉麵, 米線等美食，付款方式有現金付款，Booking網上訂位可以電話致電 26431188 查詢訂座。
肥仔記麵家優惠
肥仔記麵家 評價 相片
每次喺銅鑼灣搭紅Van返荃灣，都會去榮記食碗車仔麵。
其實，好早已經見到佢隔離有間叫做「肥仔記麵家」，通常叫得做乜乜記又叫自己做麵家嘅，都係有啲料到，但係我每次見到佢嘅裝潢，感覺上都係有啲伏味 ... 唔知係咪今次時運高，竟然入咗去試吓，結果 ... ...碗淨雲吞一上枱，即刻心知不妙，點解會係蔥花而唔係韭黃！！？叫得自己做麵家，但係雲吞食蔥花，係咩玩法？(我冇心押韻架) 。
輪到粒雲吞，唔係全鮮蝦雲吞嗰種，而係鮮肉蝦雲吞，食到所謂鮮肉嘅味精味很濃；再飲一啖湯，都係嗰啲味精味好濃嘅所謂雲吞湯，冇大地魚味道，亦冇鮮甜味道，咁樣叫自己做麵家！！？再望返個餐牌，原來佢個雲吞叫做「蟹籽鮮蝦雲吞」，所以我即刻咬開第二粒雲吞，仔細咁睇下，可惜，我搵嚟搵去都搵唔到粒蟹籽，但係老老實實，我放大幅相嚟睇，又見到一啲深啡色細細粒嘅嘢喎，唔通嗰啲係蝦子，咁究竟係蟹籽定蝦籽啊？媽，我好亂啊！做麵家唔會連蟹籽同蝦子都唔識分呀嗎？好啦，講返碟酥炸魷魚鬚，啲椒鹽去咗邊呀？點解變咗做雞醬嘅？雞醬其實係用嚟點炸雞嘅，源於泰國人好鍾意用甜酸醬嚟食炸雞，所以將甜酸醬叫做雞醬。
我又唔係話用甜酸醬嚟食酥炸魷魚鬚唔得，亦唔可以話唔好食，但以一間叫自己做麵家來講，基本上都應該用返椒鹽囉！就好似你去茶餐廳食碗丁麵，夾硬加兩條菜心落去，唔係唔得，亦唔係唔好食，就係怪d囉！講番佢啲枱枱櫈櫈，感覺係點講好呢？好似返左十幾廿年前嘅深圳，定係去咗食北方餃子定雲南米線咁呢？仲有嗰塊大玻璃嗰個框，點講好呢？都係好似返咗去以前深圳咁嚁！仲有，佢仲有啲壁燈，係英倫巴黎街頭嗰啲古典街燈，真係九唔搭八。
講到呢度，大家明嘅就會明架啦！望住佢個金漆招牌，𠵱！？點解係簡體字嚟嘅？呢間所謂麵家，我都係拜拜你條尾唔會再嚟食架嘞。
食物一般 態度負100！點送佢要冬菇 佢無就算 佢會話 唔識字唔好食！因為返工近 一星期都食一次 不過次次受風Black list! 各位唔信可以search 佢另一間 有更多負評 不要試
銅鑼灣好多嘢食，不過平嘅都唔多，一碗車仔麵都要$5x！平平地又唔想太飽，肥仔記認真唔錯。
單拼餐，有麵、菜、豆漿，算係咁！每次食菜都會叫"全走"，不過今次唔好彩，一個成晚玩手機嘅阿姐，一pat蠔油咁淋落去，仲要淋得好鬼平均tim😠唯有食完個麵，用啲湯過一過啦😑
午飯時間諗住求其快食個麵，見到其他鋪都滿曬，就入依間店食，個男伙記一入去就話自己搵得到位就入去坐，都無咩野，志在填肚。
之後叫麵叫餸講完聽錯曬都可以發人脾氣。
等成20分鐘，好聲好氣問佢個麵得未。
居然可以話「唔等得可以走嫁，真嫁。
」完全趕客，當自己大爺，態度惡劣仲可以聲大有自信，懷疑佢根本就冇落單，普普通通比錢食個麵都可以受氣，唔好話要好有禮貌，基本服務精神都冇，冇禮貌都起碼唔係鬧客掛，唔想做生意都唔好浪費人食飯時間。
見佢對個個客都咁，唔洗諗有回頭客。
自己一個係銅鑼灣食飯比旺角選擇真係少好多行下行下就行到去糖街，自然就諗起有間食好出名既車仔麵不過見到門口大排長龍，而隔離2間店就見到呢間新開既肥仔記，入面只係坐左2枱人，不過反正都係想食麵，就入去試新野啦新店裝潢係光鮮乾淨枱椅都用上左木紋 頗具特色叫左個雙併魚肉春卷同蟹籽墨魚丸配河粉，本來想要套餐，可能有d晏，豆漿賣晒湯底又係一貫麵店既味精湯再試下個麵底河粉先，煮到over左，個河粉淋晒，有d失望再試下個魚卷，味道都算唔錯，不過個人一d特別喜愛，魚卷個形狀係扁身，咬落去既口感就變得好薄弱，如果做到圓柱形就好最後試埋個蟹籽墨魚丸呢粒墨丸真係比到個驚喜我一咬落去非常多汁，蟹籽原來唔只係裝飾，蟹籽味好仲好濃郁，絕對唔係掛個名出黎厄人埋單雙併34
肥仔記麵家餐單提供粵菜, 廣東, 粉麵, 米線等推介美食位於銅鑼灣區，餐廳座位數未知人均消費約$50以下，結賬可以用現金，Booking訂位可以電話致電 26431188 查詢。
您對於銅鑼灣餐廳「肥仔記麵家」有何 comment？
肥仔記麵家餐廳詳細資料：
- 肥仔記麵家地址: 銅鑼灣糖街27號地舖 肥仔記麵家, G/ F,27 Sugar Street, Causeway Bay
- 肥仔記麵家電話: 26431188
- 肥仔記麵家價錢: $50以下
- 分類: 粵菜, 廣東, 粉麵, 米線
- 座位: 未知
- 付款: 現金
- FB專頁: 肥仔記麵家 Facebook
更多肥仔記麵家相關資料:
香港餐廳2026推介9月