聯威餐廳 銅鑼灣

聯威餐廳 評價 相片

「快、靚、正」係一間出色的港式茶餐廳應有的條件。

晚上有任務在身，同個friend就食個quick dinner就開工。

入到去好多選擇，有鐵板餐、有中式餸、亦都有晚餐，應有盡有。

叫咗個廚師推介：XO醬干炒牛河，送湯或餐飲。

無晒中湯，就要西湯(紅湯)，有別於一般西餐廳，紅湯比較稀身，味道亦偏淡口，但菜蔬都算多，偶而都會發現幾粒牛肉粒。

飲湯的同時，牛河就上枱，色水與普通干炒牛河無分別，只係多了幾塊仔的紅椒片，食落就感到XO醬的微辣，間中亦發現類似蝦米仔的東西，食落唔係好油。

不需五分鐘湯同牛河就上枱 快；賣相亦都不差 半靚；味道未算突出，只熟水準 半正。

晚上食個快餐, 只叫個扒.熬辣辣, 鐵板上.牛扒已"鬆化", 雞扒卻好硬, 但都係腸仔最好.....服務..., 一般茶餐廳喇...阿哥都算快手了, ok....但塊扒好唔得...好硬....成50蚊.... 嗚...

上兩個星期六, 師傅一條友黎開老銅, 由於比預定時間早左半個鐘有多, 加上又有少少肚餓, 於是就索性喺附近搵野食, 順便打發下d時間; 而師傅當下最想就係飲杯凍檸茶, 所以茶餐廳一定係師傅嘅首選! 最後兜左一個圈, 就求其貢左入呢間食店; 入到食店都唔算多人, 可能係傍晚嘅關係啦, 坐底就即刻睇下有咩野食, 諗左一陣師傅決定趁住仲係下午茶, 於是柯打左下午茶餐嘅五香肉丁蛋公仔麵, 餐飲當然係師傅至愛嘅凍檸檬茶啦!落完單等左一陣, 師傅發覺呢度嘅服務態度都幾差, 雖然話係茶餐廳, 但感覺上比大排檔仲差, 呼呼喝喝, 冇咩禮貌, 令師傅覺得要快快手快快口, 食完好閃呀! 好快手五香肉丁蛋公仔麵同凍檸茶都放左喺師傅面前, 師傅諗都唔諗即刻食; 五香肉丁份量較少, 入口過腍, 而味道普通, 未夠香辣; 煎蛋一隻不過不失; 而公仔麵就較為硬身, 口感不佳, 整體而言唔算得囉! 凍檸檬茶唔算茶味, 而且太甜, 飲左兩啖師傅都唔想再飲喇!總括黎講食物質素唔掂, 咁簡單嘅食物都令人覺得咁差, 好味程度可想而知, 地方十分清潔舒服, 服務十分之差, 價錢唔算平, 老銅價; 雖然師傅係黎打發下時間, 但d水準都唔使咁差呀, 就算唔使錢請師傅食, 師傅都會覺得多謝夾盛惠, 肯定冇下次, 喊臉絕對要比啦!

今日下晏去食 tea, 本來去銀龍...但竟然爆滿....去左隔離間聯威.....半滿入左去...食物質素差 叫左西多士...唔熱, 一陣油益味......超難食...服務更差 五個人要坐四人枱....當時全店只三分一滿...又在下午四点幾...竟然放着"留坐"唔比人坐......比錢時, 叫收銀員分開收錢.....完全吾理我哋.....這種質素and 服務, 我以後唔會再去....難怪當時銀龍Full 曬 而聯威只三分一滿...

呢個餐廳出名就係鐵板....上個月午飯黎食左個雜扒飯之後,1個鍾後開始見唔舒服..上吐下瀉,之後就blacklist 左呢間野今日放工同事推介我食鐵板...話大件夾抵食...咪信佢,黎到之後見個名好熟但又記唔起...跟住就入左去食佢既推介...一路食我就一路諗...先記得呢間野我食過兼出過事..心知不妙,但叫左又無理由唔食...諗住係上次唔好彩,點知又出事,返到屋企又係上吐下瀉...呢d咁既食店我無証據話佢d食物唔衢生(食淨既係佢度,食左既又嘔哂)所以都係上黎俾個警示大家....須知唔會有太多人會睇到,只希望有緣人身體健康講食d食物...味道就真係好一般,但價錢就算ok(係呢區)....

聯威餐廳餐單提供港式, 粉麵, 米線等推介美食位於銅鑼灣區，餐廳座位數未知人均消費約$50以下，結賬可以用現金，Booking訂位可以電話致電 2576-6609 查詢。

您對於銅鑼灣餐廳「聯威餐廳」有何 comment？

聯威餐廳餐廳詳細資料：

• 聯威餐廳地址:
  銅鑼灣渣甸街
  Luen Wai Restaurant, Jardine's Bazaar,, Causeway Bay
• 聯威餐廳電話: 2576-6609
• 聯威餐廳價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: 聯威餐廳 Facebook

更多聯威餐廳相關資料:

• 聯威餐廳分店
• Youtube
• Facebook
• Twitter
• Google