紅館 銅鑼灣

紅館 評價 相片

朋友三人話銅鑼灣打邊爐傾下計，去左呢間脆肉鯇好新鮮肥味，湯底亦足料及好味，其他配料都好出色，墨魚丸，蝦丸夠彈牙好咬囗，菜亦新鮮吸引，甜品薄荷朱古力雪糕，好香好滑，三人不枉到此一敍。

首先因為睇完一週plus段片既宣傳我就試下去食所謂既「本地牛」Book左10點幾去到先知10點後有7折咁抵2個人食有個好抵多嘢食既2人餐都係300幾蚊，因為宣傳片關係我好有興趣試片中提及既「極上手切本地牛拼盤」有牛腱，牛利，牛柳粒同唔知牛咩4款。

所以extra叫多個衣個拼盤。

服務方面:一開始serve 我地既係一個男經理，態度好好，有笑容，有效率，因我見到有個牌上寫住「極上手切本地肉」400幾同餐牌上寫住「極上手切本地牛拼盤」300幾所以想問一問分別係咩同另外果個係牛既咩部位。

服務方面:但態度好既男經理行開左，我揮手就見到一個披頭散髮黑口黑面既著職員衫既女待應坐係收銀位既答我係，然後走過黎，我問佢分別係咩都未講完就黑口黑面冇禮貌話我搵經理答你呀下！  我同男朋友唔明咁簡單又唔係投訴都要經理？佢掃地嫁？個女鬼樣仲好似吸完毒番工咁。

當時一啲都唔忙，只有3枱客人，2枱2個人，另一枱係好明顯餐廳既朋友定唔知熟客5個人，一手一腳多數由經理做哂同一個有禮貌既後生仔。

個有禮貌既經理當然解答到問題裝修方面:講完服務講嘢食之前講一講裝修我地一入到去個感覺係茶餐廳名叫紅館但內𥚃裝修好一般，好似茶餐廳，好求奇，冇特別，坐得唔係好舒服，好一般食物方面:首先我地選擇麻辣重慶雞煲，我要求中辣多麻，15至20分鐘到，完全符合我地要求，經理好好仲問我夠唔夠麻。

雞好滑，好嫩，好入味，我地覺得之前食過既5間雞煲內最好食最濃郁最美味既雞煲。

相當好既雞煲。

食物方面:嘢食好快上，牛肉好失望，只有牛利有牛肉味，其他牛完完全全冇味，終於明白點解外面數一數二既火鍋店唔會用本地牛，原分別真係好大，經過今次我地唔會再食本地牛，所以愛牛人仕千奇唔會期待這裡既牛有牛味，除左牛利，就冇了。

另外，蚌好食，爽口有味，蜆都唔錯！入味又帶鮮同爽口，另外嘢食正常一般水平冇特別。

嘢飲只有汽水烏龍茶，酸梅汁同咩金唔知銀菊露，冇果汁，坐左個幾鐘水同茶都冇杯。

不過可能只有經理同一個後生仔2個人做3枱人，所以太忙了。

總結: 如果只求飽同便宜又唔係牛肉愛好之人又唔要求質素不妨一試，但如果同我一樣係食牛怪，又唔介意貴最緊要好食同質素好同坐得舒服就唔洗黎喇，去另一個地方打邊爐更好。

呢間係上年12月開～朋友試過話好，所以今次一行６人去食（本來７人，但一個病左）～朋友去訂位，要左間房，聽講最低消費只係$3,000，都好合理，其實６個人食火鍋都好易食到呢個價錢，圓檯，我鍾意呀，方便吹水嘛，好多時VIP房係長檯，傾計唔方便～我地要左個「重慶麻辣雞煲」，Captain問我地要幾辣，我呢個辣妹就要求「嚴重」嘅辣，我大膽先飲一羹，得噃，夠晒辣，但無乜「麻」，我個人較喜歡又辣又麻嘅湯底，同埋比較濃左啲，後來加左幾次水就好啲喇，雞都好滑，同行其中一個經常食辣雞煲嘅朋友仲讚係佢食過「最香最辣」嘅雞煲～另一鍋係「北海道牛乳花膠鍋」，建議淥野前先飲左一碗，好好味～先黎個刺身盛合，我掛住傾計，只食左兩件同埋海膽（好得），同行朋友就話好新鮮，最後蝦頭炸左，魚骨就放埋去牛乳湯度～「極上手切牛肉拼盤」，好喜歡當中嘅「櫻花牛粒」，好有肉味，同辣湯底絕配～佢地自家製嘅「炸響鈴」，幾脆，就咁食都得，但可以去多少少油就更好，我曾經食過另一間火鍋店嘅炸響鈴，比呢度嘅更乾身～「美國桶蠔」，放左喺個牛乳鍋內好耐唔記得左，但竟然無縮水，good!!!～「阿拉斯加蟹」，本人一向唔食蟹，嫌論盡，但就食蟹羔，可惜呢隻無乜羔，原來如果多羔嘅話，佢地會另外造一隻餸，唔知會點整呢？希望下次有機會試吓～我地仲叫左…金菊露（唔太甜，感覺好清熱）...脆肉鯇、鱔、魚皮、餃子、魚蛋、墨魚滑、豆苗同皇帝菜～我地本來仲叫左唔知咩菜，點知個經理定Captain話：「？？菜仲老過我，不如叫另外一隻菜吖！」（好搞笑）～我擺左西洋菜餃子落個牛乳鍋太耐唔記得左，搞到餃子散晒，仲痴晒底，有燶味，我地要求換個新煲，再倒番啲湯落去，佢地都好迅速咁做左～我地要叫waiter就會撳個鐘仔，感覺上，我地都撳左超多次，總之諗到乜就撳，哈哈，值得一讚嘅係，一撳鐘就好快有人黎，效率好高，我試過有啲食肆，個鐘根本形同虛設，仲要行出房叫伙記～仲有一樣野好窩心，係經常dine out嘅我未遇過，就係個檯已經有碟獨立包裝濕紙巾，之後食食吓，侍應又每人派多張濕紙巾，仲開埋個包裝嘅一角俾我地，好貼心啊～我地今次係賀生日，侍應捧個蛋糕入房時，個壽星去左洗手間，所以我地請侍應等壽星返黎時，再捧個多次個蛋糕入黎，唔知侍應定Captain話「不如熄埋燈吖！」，係噃，我地一時無諗到添，又俾佢提醒～

紅館餐單提供粵菜, 廣東, 火鍋等推介美食位於銅鑼灣區，餐廳座位數未知人均消費約$101-200，結賬可以用現金。

您對於銅鑼灣餐廳「紅館」有何 comment？

紅館餐廳詳細資料：

• 紅館地址:
  銅鑼灣駱克道447﹣449號中威商業大廈2﹣3樓
  Red Cuisine, 2-3/ F, Chung Wai Commercial Building,447-449 Lockhart Road, Causeway Bay
• 紅館電話:  
• 紅館價錢: $101-200
• 分類: 粵菜, 廣東, 火鍋
• 座位: 未知
• 付款: 現金
• FB專頁: 紅館 Facebook

更多紅館相關資料:

• 紅館分店
• Youtube
• Facebook
• Twitter
• Google