稻香超級漁港 銅鑼灣

稻香超級漁港 評價 相片

我愛食點心，更愛的是上茶樓飲茶。

小時候，總是喜歡摟著大人，去茶樓食點心。

到現在，飲茶始終是我的強烈喜好。

老一輩的人，都習慣一早起床，出門後的第一件事就是上茶樓，嘆茶。

早些年前接觸過一名中年的會計師，說他習慣一早五點起床，先去茶樓嘆一盅兩件，睇完份報紙，再上班。

而近來的我，也愛上了飲早茶這一個活動，一早出到市區，若是有半小時以上的時間，我大多數會上茶樓，嘆一盅兩件。

是日早了過海，在銅鑼灣一落車，便直接走來信和，飲個茶先回公司。

早上的茶客，在那一區都是一樣，都是以中、老年人為主動力。

在早上飲茶，叫上一盅鳳爪排骨飯已經是一個理所當然的事，而稻香的這一個早晨迷你版的盅頭飯一點也沒有馬虎，因為飯底夠軟而又帶點煙韌，就是生米煮成熟飯的感覺，鳳爪入味，排骨肉香，加了豉油，有飯的香口，有肉的香口，也有豉味的香口。

灌湯小籠包，原理就同廣東式的灌湯餃一樣，只不過是換上了小籠包而已，可是這樣的做法影響了小籠包的原始感覺。

這一個是一個普通的清雞湯底，也令這一個看似幾有新意的點心變得普通，若換成了金華火腿高湯，相信會是一個絕不一樣的感覺。

因為有點心孖寶，所以也來了一客味道鮮美的牛肉球，可是這不是山竹牛肉，碟底的不是腐竹而是幾片黃芽白。

味道是一樣的，夠腍，有肉味，粉同肉的比例剛剛好，雖不是最好但也沒有一個令我說不好的理由。

早出門，多點時間，輕鬆地在酒樓慢慢嘆，比起匆匆忙忙地在茶餐廳15分鐘完事來得更健康更舒服。

看來，我日後會更早的起床，飲普洱，食點心，的確是好過飲奶茶食公仔麵啊。

友人Fab想吃火鍋, 筆者已預先訂枱, 可惜筆者遲到, 較原先入座時間遲了十五分鐘, 故額外再等侍差不多二十分鐘才有枱. 入座後急不及待點選了豬骨火鍋(HK$1), 黑豚肉, 炸魚皮, 蝦滑, 蝦丸, 豬肉丸, 豆腐, 帶子.先說湯底, 一元真的不可要求太多, 湯底內有數片玉米, 白蘿蔔, 大豬骨, 算是有交代了, 但後期要添加湯底的時候, 卻只是加白開水, 而不是原先的湯底, 真的有點失望. 各樣食品的水準也中規中矩, 其中蝦滑帶有鮮蝦的味道尤其出色. 非常不錯, 友人最愛它的炸魚皮, 但筆者記得德興的魚皮更為薄脆好吃. 烚下烚下, 不經不覺便三小時了, 這就是吃火鍋的樂趣吧!

11月20日, 今日係family day, 約咗屋企一行5人嚟稻香飲茶, 聽聞佢地嘅下午茶好抵食~ 我地未夠2點已經嚟到, 等位飲下午茶嘅人都真係唔少, 等位時間用咗40分鐘, 終於有得食~::: 蒜蓉蒸鮮魷 ::: $15.8蒜蓉味非常濃郁, 鮮魷都幾新鮮, 不過份量比較少~::: 奶皇馬拉卷 ::: $8.8其實係奶皇包同馬拉糕嘅混合版~ 馬拉糕質地嘅外層, 卷住中間奶皇茸, 幾新奇~ 食落比奶皇包更鬆軟, 甜度適中, 奶皇餡更豐富, 唔錯~::: 香煎芋頭糕 ::: $8.8芋頭糕煎得好香脆, 面頭燶燶脆脆十分香口惹味! 芋頭嘅份量都算多, 唔會粉多過料~ 最意外嘅係佢比平時嘅3件仲要多一件~::: 風味糯米飯 ::: $15.8大耐冇食過糯米飯, 所以覺得呢個好好味~ 係蒸嘅糯米飯加上豉油, 聞落夠香, 飯身都幾煙韌, 可惜臘腸臘肉唔多…::: 玫瑰豆沙包 ::: $10.8個名就夠晒華麗, 不過同玫瑰就唔知有咩關係, 食落咪又係普通豆沙包, 味道可以接受, 係皮厚咗d.::: 上湯小籠包 ::: $9.8小籠包個皮浸得太淋, 味道還可以, 不過得兩粒… 仲要加舊芋絲, size仲大過粒小籠包… 湯底係味精嚟嘅, 唔飲好過…::: 黃金叉燒酥 ::: $9.8叉燒酥嘅餡十分之薄, 叉燒粒都唔係好食到…酥皮都唔係太脆, 好失望…::: 煎釀茄子 ::: $7.8釀茄子嘅魚肉都幾多, 比街邊嗰d好好多, 又唔算太油膩, 茄子好夠淋, 呢個價錢有3件係好抵的!::: 潮州蒸粉果 ::: $5.8蒸粉果好豐滿, 食落都好有潮州粉味道~ 不過皮都係比較厚, 薄番d會好d. 同釀茄子一樣, 好抵!::: 稻香鮮蝦餃 ::: $18.8之前食嗰幾樣個皮都幾厚下, 呢個蝦餃反而有皮薄餡靚嘅感覺~ d蝦餃餡真係迫到想爆出嚟咁滯. 味道真係唔錯, 鮮蝦好爽口, 都算新鮮, 整體係全餐最好味嘅一個點心.::: 叉燒米線 ::: $18下午茶嘅湯粉麵餐, 叉燒份量真係多過平時食燒味飯~ 叉燒質素唔算高, 8成肥, 2成瘦, 過濕亦冇乜燶香… 米線係清湯底, 冇味, 米線都太淋.其實真係好抵, 5個人食咗11個點心連埋$6茶錢只係人均三十多大元! 質素就有高有低, 睇下你食乜點心啦. 下次都仲有機會再嚟食下午茶~

香港人真係好鍾意飲茶 , 唔怪得 d 老人家朝朝都去嘆一盎兩件 , 所以香港地特別多酒樓 本人由於工作關係 , 很多機會飲下午茶 , 今天又來到呢間稻香超級漁港 , 可能因為平日關係 , 好多位 , 我和同事選了一個卡位坐 , 點了幾款前幾次來冇食的點心試下 ~馬拉卷併糯米卷 其實我唔特別鍾意食呢兩樣野 , 不過細細粒 , 一啖一粒 ,ok 既 黑椒蒸大腸 喜歡食大腸的我因怕進食太多膽固醇食物已好耐冇食大腸 , 今天心血來潮叫左一個食下 , 不過呢度既大腸原來好大條 , 雖然炆得好稔 , 但都食得好 " 漏 " , 如果可以切細舊一 d 會更好 紫薯艾餅 喜歡食番薯的我叫了呢個名稱好靚既點心 , 上枱時見到綠色覺得好奇怪 , 點解紫薯唔係紫色既 不過食落又幾好味喎 ~ 唔太甜 , 個皮夠煙靱 , ok 榨菜肉絲炆米粉 榨菜味道討好 , 同肉絲韮黃一起炆米粉 , 雖簡單但不錯 , 啱晒我既口味 , 特別一讚個碟辣椒油 , 辣得來夠香 , 好似 XO 醬味道 日式煎餃子 無咩特別 , 個皮一般 , 只算是過得去 上湯小籠包 平時多數食蒸既小籠包 , 呢個加左上湯 , 裡面有舊芋絲 , 幾特別 咁樣食幾十蚊一個人 , 係附近好難搵到 , 而且仲有咁多野食喎 , 難怪咁多人鍾意飲茶啦 ~

本人對稻香北海中心的印象不差，以便宜的價錢所提供的服務質素是讓人滿意的。

稻香皇室堡店的也曾到過，服務質素不是很好，但以不足人手的情況下，也還可以。

可是，昨晚與友人嘗試稻香信和中心店就很失望了! 我們是吃火鍋，首先要了湯底，他們紙上寫的是「皮蛋清湯」，可是送上來的湯底是「芫茜」湯，在小心找尋下找到三小片皮蛋，合起來也不夠四份之一個皮蛋，我們跟侍應反應，她只說：「已經有一個皮蛋啦！你自己看不清楚嘛!」... 我沒有跟她鬥嘴，只是我一定不會再來! 至於食物，大致上ok，我們吃了：1. 廣島蠔 (冰硬的，但是吃起來味道也不錯2. 炸魚皮 (厚度適中，而且很脆) 3. 炸響鈴 (太大而且很油) 4. 雲吞 / 水餃 / 青瓜餃拼 (材料新鮮) 5. 皇帝菜 (新鮮, My favourite) 6. 油麥菜 (冰鮮的....真的有冰!) 7. 肥牛 (沒有甚麼特別)8. 黑豚肉 (很薄...太薄.... 但味道不錯)9. 鮮草菇 (沒有任何清潔處理，因還有黑色一片片的泥片...)最欣賞醬油、飲料及糖水的安排，Refill 也很快!雖然食物不錯，但不想受氣，所以我還是不會去信和中心的稻香

稻香超級漁港餐單提供粵菜, 廣東, 火鍋, 海鮮, 點心, 酒樓等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金,八達通,AE,Diners。

您對於銅鑼灣餐廳「稻香超級漁港」有何 comment？

稻香超級漁港餐廳詳細資料：

• 稻香超級漁港地址:
  銅鑼灣告士打道255-257號信和廣場1樓R4舖
  Pier 88, Shop R4,1/ F, Sino Plaza,255-257 Gloucester Road, Causeway Bay
• 稻香超級漁港電話:  
• 稻香超級漁港價錢: $101-200
• 分類: 粵菜, 廣東, 火鍋, 海鮮, 點心, 酒樓
• 座位: 未知
• 付款: Visa,Master,現金,八達通,AE,Diners
• FB專頁: 稻香超級漁港 Facebook

更多稻香超級漁港相關資料:

• 稻香超級漁港分店
• Youtube
• Facebook
• Twitter
• Google