碗碗香 銅鑼灣

碗碗香 評價 相片

好日唔出街食飯，朋友介紹下嚟咗呢一間食聲稱貴州粉麵嘅碗碗香。

朋友話，呢間個粉好特別喎，就等我呢個食麵多個食飯嘅人試吓啦。

·我同佢各自叫左兩個粉麵。

我叫左個酸辣辣雞麵，BB辣。

上菜嘅時候嚇親我，原本以為係酸辣粉咁嘅樣，點知佢有一層好厚嘅紅油係碗麵上面，基本上飲一啖湯啲油就喺晒上面。

成程喺度流晒鼻水～·個湯底來講，就係好一般嘅麻辣囉，其實同連鎖嗰啲米線店譚仔、三哥、冇咩分別，不過價錢就貴一倍🥱·好啦，朋友話個麵底好食，我一試：其實咪就係厚啲嘅米線？冇咩特別喎，口感同味道係意料之內🥱·再試埋舊雞🤔，雞肉非常之少，應該5舊以內，仲要骨多過雞肉。

而且似係煮咗好耐，肉質乾爭爭又唔好食🙈點解同我幻想中嘅咁大出入嘅。

·食晏來講，舖頭都算少人，唔使等位應該係佢最大賣點。

但係你問我，呢一碗野值成$70鬆啲，環境裝修又唔算好好，只係啲老街坊店。

抵唔抵食答案都好明顯啦🥱·題外話，唔知係咪自己身子差。

返唔到屋企第二日個肚勁唔舒服，唔食得辣嘅朋友要留意啦😣·只此一次，下不為例。

下次再帶朋友去食返啲真正好食嘅酸辣粉先！有機會再介紹俾大家😗酸辣辣雞麵｜$68碗碗香銅鑼灣加路連山道5號地舖

一入到去覺得好熱…己經唔係好想食，不過姐姐知道，即刻開返個冷氣！呀姐醒目🙈之後姐姐解釋左清湯，紅油，酸湯，牛丁，牛片既分別！有耐性有禮貌，加分👍🏼叫左一碗紅燒牛丁粉，一碗酸湯雞粉。

牛好食，有大約5粒。

雞唔滑，仲要得個4粒…牛同雞分量太少，湯唔錯，夠味，好香。

粉都ok，個粉有啲似煲淋咗嘅米線，夾起上嚟有啲易斷，不過彈牙，食起上黎都唔錯。

不過老實食兩碗粉要$138…好唔值…過旁邊食拉麵仲好。

個人覺得如果佢賣$4x，應該會好受歡迎排長龍。

（利申：本人係窮L）

中午同朋友去食，都幾多人，呢間主打五香同麻辣麵，味道好似內地北方個啲麵咁，你幾香口嘅，但油有啲多，叫得辣要預咗叫埋嘢飲。

我都算係食到辣，但主要係啲油有啲刺激，怕辣嘅可以叫清湯，清湯我試咗朋友個碗，都係比較重口。

牛肚幾軟腍，同入味。

啲粉係好似紅薯粉咁，口感幾獨特，但可以硬少少～Overall都ok ge，但個人唔太鍾意呢種辣。

朋友食過話好味。

今日OT後去試粉好得意，好滑，混合鳥冬和狗仔粉的質感和形狀。

無影相我見有貴陽甜品冰粉，試下唔太甜，加入花生，白芝麻，得意!本想試苦丁茶，但驚失眠

好想食辣嘢好想食辣嘢好想食辣嘢，重要的事要講3次！然後朋友就話見到同事成日叫碗碗香外賣，所以決定大家一齊去試下！由利園二期一路向前行，見到丹麥再往大球場方向向前行一小段路（記得要留意右手邊）就見到了！！入到去，店不算大，但坐底都舒服，但聞到個陣辣味成個人精靈晒～坐底店員就即刻埋嚟問係咪第一次食？要唔要介紹番？好貼心呀！我地叫左紅油牛肉粉（小辣）、貴味紅油雞絲米皮（小辣）～食物來得算快，唔知係知道我喺咁吞口水～紅油雞絲米皮，店員話同粉皮唔同，米皮係平時食個啲腸粉整的～食落感覺比較滑，加埋呢個辣配搭得十分惹味！個花生勁好食！！不過食到最尾有小小鹹～紅油牛肉粉，湯底不算太濃，有牛𦟌同牛筋腩，值佢個粉好特別！係貴陽米粉，米粉本身較粗身同”林”啲，但又唔係煮過龍個種”林”，有少少似薯粉，食落去係嗦嗦聲～杯凍檸茶個杯係啤酒杯～份量夠！因為平時食辣野係要叫兩杯飲品，辣野味精較多，會好口渴，呢度一杯滿足晒！讚！！

碗碗香餐單提供黔菜, 貴州, 粉麵, 米線等推介美食位於銅鑼灣區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 34866869 查詢。

您對於銅鑼灣餐廳「碗碗香」有何 comment？

碗碗香餐廳詳細資料：

• 碗碗香地址:
  銅鑼灣加路連山道5號地舖
  碗碗香, G/ F,5 Caroline Hill Road, Causeway Bay
• 碗碗香電話: 34866869
• 碗碗香價錢: $51-100
• 分類: 黔菜, 貴州, 粉麵, 米線
• 座位: 未知
• 付款: AlipayHK,支付寶,現金
• FB專頁: 碗碗香 Facebook

更多碗碗香相關資料:

• 碗碗香分店
• Youtube
• Facebook
• Twitter
• Google