白房子 銅鑼灣

白房子 評價 相片

餐廳係原本荃灣嘅白宫咖啡室(黃店)，然後搬咗去銅鑼灣為樓上cafe改名做白房子。

餐廳內有花花裝飾佈置，尤其有塊花花牆，除咗少女打卡一流之外亦可以攜同狗狗一齊打卡🐶嗰日去食嘅時候見到有主人抱住狗狗喺花牆面前打卡🤣Bking都幾full所以大家記住bk位😉Lunch menu😛👓紫醉金迷 $158紫紫椰菜打碎同忌廉一齊煮嘅意大利飯醉清酒煮藍青口金原隻香草蒜蓉烤大蝦灑上金箔迷希望大家會迷上.意大利飯軟硬度真係整得幾好，唔會太乾身或濕加上混合左紫椰菜嘅口感👍🏻椰菜花本身係冇乜味，雖然落咗忌廉但完全唔漏。

飯入面有菇菌，有兩隻大蝦加左芝士焗所以更香口好食；兩隻青口雖然粒肉偏細，不過帶鹹味幾惹味。

賣相好靚🤩佈滿金箔同食用乾花，乾花本身冇乜味只係口感似菜葉。

雖然價錢係唔平，但賣相的確好靚而且味道好食😛評分：8/10👓香蒜芫荽什菌炒意粉 $102就咁已經聞到好香蒜味，一入口亦好濃烈嘅蒜味係強過芫荽味，不過同時亦都食得出明顯嘅芫荽味，芫荽愛好者可能會覺得唔夠重味，但好似我依類只係麻麻地芫荽但又未去到討厭嘅地步，就會覺得剛好已足夠。

意粉當中亦好多菇菌，面頭有朵食用花裝飾。

評分：7/10👓蜂蜜牛油果香蕉smoothie $58好香香蕉味亦有粒粒香蕉蓉添加了口感，但反而飲吾出有牛油果味，飲到有淡淡蜜糖味，甜味真係來自於蜂蜜而不是加了糖。

整體係好飲嘅不過款式同賣相稍為普通咗少少似係屋企整到嘅飲品🤣評分：6.5/10👓蝶豆花綠茶漸變紫色賣相好靚🤩蝶豆花本身係冇味所以飲落其實只係飲到綠茶味稍為單調咗少少，不過如果頸渴嘅話佢就好解渴😂評分：6.5/10

​📍 White Hse. 白房子 呢間新開既白房子cafe，再次激發我既少女心，有粉紅花花牆加埋乾花既襯托，啱曬打卡。

個日適逢閨蜜生日，同佢一齊去打返個靚卡先。

➖➖  ​​📌二重奏芝士忌廉煙肉芝士貓耳朵第一次貓耳朵呢種pasta，比較厚身，食落會al dente d，口感唔錯。

醬汁好濃郁，充滿濃濃嘅芝士香。

食完好飽好滿足。

➖➖   ​📌拿破崙蕃茄煙肉蝴蝶粉超級多蕃茄肉，所以醬汁係純天然，會偏酸少少。

蝴蝶粉軟硬度適中，好掛汁，食完芝士濟濟地，食返呢個中和下就perfect啦!➖➖      ​​📌牛油果香蕉smoothie Avocado banana milkshake牛油果同香蕉營養成份高，而個smoothie打得夠滑，唔會太傑身，飲落有淡淡嘅香蕉味，再加埋牛油果中和番，飲落唔會太甜，亦唔會覺得太濟，我幾鍾意。

➖➖  ​​📌白房子曲奇杯  White Hse Cookie Cup 好似Domanic Ansel既奶茶曲奇杯咁用左曲奇整成一個杯，不過今次唔係奶茶，而係將牛奶倒落個曲奇杯到，飲落帶少少朱古力香，唔會話太甜。

賣相夠精緻，飲完牛奶可以食埋曲奇杯添，好有新意！不過味道上就冇乜驚喜啦!因為係普通凍牛奶加朱古力咁既味➖➖ 地址: 銅鑼灣謝斐道508號聯成商業中心15樓1501室

係疫情第三波發底下，好多小店都行得非常艱難，我相信大部分老闆都頓時變得好迷失。

作為小市民除左要保護自己，盡量留係屋企外，如果真係想出去抖抖氣，都希望大家支持一下良心小店。

例如銅鑼灣呢間新開既「白房子」，再次激發我既男人老狗少女心，粉紅花花牆加埋乾花既襯托，即刻忍唔住打返個疫境下既靚卡呀！👇📌All Day · Brunch Set ▪ Birthday Burger $116▫ 必試佢地既signature之一既「生日 · 漢堡」，原來唔一定要生日先可以食既，其實賣相睇落似個Pancake，而面頭插住心形蠟燭，的確幾有心思。

個pancake夠哂鬆軟，中間夾雜住炒蛋、蕃茄、煙肉同洋蔥，層次豐富；食落蛋香十足，而且pancake加左牛油，份外濃香，幾個口感加埋一齊食，幾特別！📌Lunch · Set   ▪ Hell · Pasta $89▫ Hell Kitchen我就成日睇啦，估唔到係間好似天堂既環境底下試呢個「來自地獄的 · 意粉」，有另一番風味。

就咁聞落都覺得幾猛料下，當中既配料加左大量洋蔥、煙肉碎、雜菌；最重要當然就係辣椒同埋自家製辣汁，食落辣得好過癮，加上意粉口感幼滑，煙韌無比，鍾意食辣既朋友有福了！📌Drink · List ▪ Butterfly Pea · Lime Soda $45 (C)▫ 另外嗌左兩杯必定要打卡既「蝶豆花 · 青檸梳打」，用黎襯花花牆就最好不過。

用左蝶豆花，令成杯野飲既夢幻感覺出哂黎，形成漸層效果變得更加豐富。

飲落青檸味清甜，食完肥膩野就岩哂。

▪ White Hse · Cookie Cup $58▫ 另一杯招牌特飲「白房子 · 曲奇杯」，佢地用左曲奇整成一個杯，將新鮮牛奶倒落個杯到，飲落帶少少朱古力香，唔會話太甜，較得岩岩好。

賣相夠精緻，就連個曲奇皮仲可以食，打卡一流！▪ Avocado Banana · Smoothie $58▫ 最後試埋餐廳最新推出既「牛油果香蕉 · 思慕雪」，對於做開Gym或者運動既朋友必試呀。

除左牛油果同香蕉營養成份高，而個smoothie打得夠滑，味道仲濃香，我幾鍾意。

Cafe裝修怖滿花花草草，仲有一幅粉紅色花花打卡牆🌸。

當日我哋晏晝去食Lunch set ，包咗紅茶/綠茶，或者你可以好似草根咁，加$13叫Menu上其他飲品。

Cafe仲免收+1 㗎！.📍二重奏忌廉煙肉芝士貓耳朵（$93）Double cheese orecchiette with bacon in cream sauce 貓耳朵形狀好得意，就好似小飛碟一樣😍，口感有咬口，食落啱啱好👍🏻。

最正係佢落咗忌廉汁再加上大量芝士喺面，食落有芝士鹹香🧀，忌廉汁又包住晒啲貓耳朵，配上黑椒調味，真心好惹味🤤💗。

配料仲加咗唔少煙肉🥓、洋蔥🧅同雜菌🍄，味道比好多cafe都要好，中意芝士嘅呢個真係值得一叫💛。

.📍香蒜芫荽雜粉炒意粉（ $82）Stir fried spaghetti with garlic and coriander 呢個意粉比前一個清新啲，第一啖已經食到好香嘅蒜蓉🧄同芫荽味🌿，由於草根係呢2種食材嘅愛好者，基本上呢個意粉真係好啱我哋口味🥰。

除咗大量芫荽同炸蒜之外，仲落咗唔少香蔥💚，真係夠晒香。

配料仲落咗大量煎香左嘅雞髀菇、冬菇等雜菌🍄🍄，素食人士都食得，而且意粉唔會好油，好食呀！.📍蝶豆花青檸梳打（$45）Butterfly Pea Lime Soda📍榛子朱古力（ $45）Hazelnut Chocolate杯梳打漸層做得好靚，不過好淡😭冇乜味道可言，真心失望呀。

而杯朱古力會好啲，將上面啲忌廉攪勻後朱古力味就變淡，俾奶味搶去風頭。

.認真講，呢間Cafe嘅食物味道比想像中更好，我跑贏唔少同類型Cafe，不過飲品方面真係有好大嘅改善空間，如果改善埋就Perfect啦！值得講一下，全間Cafe嘅店員都好nice，服務態度值得一讚呀😆❤️！

/白房子𝑊ℎ𝑖𝑡𝑒 ℎ𝑜𝑢𝑠𝑒 🇭🇰💛/#sa銅鑼灣篇 #sacafe篇 #sa良心小店篇➖➖➖<唔係生日都食得嘅生日漢堡🤩>▪️▪️▪️呢間cafe之前都bookmark 左好耐嗰陣仲係荃灣 想番工順便去已經結業佢哋最近係銅鑼灣開番啦❤️ 反而近左我😆而且佢地嘅店舖仲有花花牆📸好靚🌸但開番無耐就禁堂食🥺小店要撐住✊🏻第日係銅鑼灣食野又揾到好地方🥰依家外賣仲有7折優惠～大家可以支持下💪🏻➖➖➖1️⃣生日漢堡 $116 平時食生日蛋糕多 未食過生日漢堡🤤班戟有三塊 面上插住心型蠟燭❤️夾住嘅係炒蛋、番茄、煙肉、紫洋蔥有沙律菜伴碟將平日嘅漢堡包轉左做pancake 班戟帶少少蜜糖味牛油香🍯口感鬆軟 亦頗有實在感🥞中間嘅炒蛋香氣十足～ 唔會過生加埋煙肉 幾有咸香😋整體感覺較一般漢堡輕盈簡單食材都可以做到有創意嘅菜式🤤➖➖➖分數: 8.2/10 ➖➖➖2️⃣來自地獄的意粉 (少辣) $89 聽個名好似好辣咁食落都幾過癮～就算叫左少辣但都比我想像中辣🌶🌶材料有雜菌、煙肉碎、洋蔥加左秘製辣汁同辣椒 夠惹味意粉幼身 但做到彈牙口感唔食得辣嘅就食其他啦🤣➖➖➖分數: 7.9/10 ➖➖➖3️⃣蝶豆花青檸梳打 $45 (套餐+$13) 顏色好夢幻 有漸層顏色💜💜應該係加左酸性嘅野 變成紫色不過蝶豆花本身就無咩味嘅 但加埋青檸感覺都好清新 夏天必飲🤤➖➖➖分數:7.3/10➖➖➖4️⃣水蜜桃茶 飲到淡香蜜桃味🍑整體唔太甜都係解渴之選🤤➖➖➖分數:7.5/10 ➖➖➖📍白房子

白房子餐單提供西式, All, Day, Breakfast, 樓上cafe, 動物友善餐廳等推介美食位於銅鑼灣區，餐廳座位數20人均消費約$101-200，結賬可以用AlipayHK,支付寶,現金，Booking訂位可以電話致電 39562183 查詢。

您對於銅鑼灣餐廳「白房子」有何 comment？

白房子餐廳詳細資料：

• 白房子地址:
  銅鑼灣謝斐道508號聯成商業中心15樓1501室
  White Hse., Room1501,15/ F, United Success Commercial Centre,508 Jaffe Road, Causeway Bay
• 白房子電話: 39562183
• 白房子價錢: $101-200
• 分類: 西式, All, Day, Breakfast, 樓上cafe, 動物友善餐廳
• 座位: 20
• 付款: AlipayHK,支付寶,現金
• FB專頁: 白房子 Facebook

更多白房子相關資料:

• 白房子分店
• Youtube
• Facebook
• Twitter
• Google