狀元王家沙 銅鑼灣

狀元王家沙 評價 相片

話說老虎回歸, 正想話大宴親朋, 熱烈歡迎, huan ying huan ying老虎話做人要低調, 切忌太出位所以我選擇左利園王家沙, 兩位撐台腳紅燒獅子頭確實係唔錯, 獅子頭熱辣而炆得靚, 入味之餘個憲汁打得幾好, portion 亦好適合兩位至四位用, fit但老虎覺得麻麻地, 有點太肥膩, 唔夠結實好在, 菜膽新鮮, 切得OK!帶子蛋白炒飯帶子 ok 鮮味, 而炒飯亦都唔油, 蛋白爽滑, 不俗了~味道唔太鹹, 岩岩好啦 鮮肉窩貼煎得香口, 但窩貼有少許油, 皮又有 d 厚好彩 裡面都有 d 湯, 熱辣, not too bad 桂花松子魚有 d 餐廳做松子魚會用 黃花魚, 但佢呢度用桂花魚感覺上麻麻地, 同埋佢個 sauce 蓋唔過炸完後條魚既油益味, failed 加上汁冇乜松子味, 咬落一般, 又比較上少蝦仔等配料, 有點失望更加失望就係返到屋企俾呀媽見倒我張單, 寫住我食左呢條價值 $188 既桂花松子魚大佬, 如果係好食既, 俾阿媽發現我食呢條魚(而唔帶佢去食), 冇所謂但係我自己都覺得唔好食, 仲要俾呀媽話唔帶佢食.... 無奈 x 99 魚湯蒜子菜心苗清清地, 而且個 base 幾好, 值得一試, 加上菜苗幾新鮮, 食完感覺良好 , fair食物質素一般, 價錢中上, 座位算 ok (卡位), 但服務態度麻麻地, 性價比唔太高文ey for valueness: 5.5/10

與朋友聚舊，想找一個比較靜的地方談天，朋友推介這裡，於是便來這裡吃晚飯聚舊。

訂了枱7:30pm，所以不用等位。

三個人，叫了五款食物，加兩款糖水甜品。

鮮肉小籠包 ($32)：一籠四隻，體積正常，有肉汁但未算很多，不過肉很新鮮。

皮的厚薄適中，不錯。

鹹肉津白 ($68)：鹹肉就是金華火腿。

很驚訝金華火腿的份量十分多，鹹香味很足。

津白很焾，份量也不少。

擔擔麵 ($3x)：要了小辣，對我和朋友來說，辣味剛剛好。

湯與醬有香濃的花生及麻醬香味，麵夠彈牙，好味！蝦仁雪菜炒飯 ($78)：蝦仁很多隻，但鮮味欠奉。

雪菜很多，但不過鹹，不錯。

飯炒得不油膩，但未算十分乾身。

蝴蝶夾餅 ($20)：其實是鏝頭，不過中間有一個開口位，讓食客來進餸菜來吃。

如果不夾餸菜，也可配煉奶吃。

包身尚算鬆軟，但不特別。

酒釀丸子 ($28)：丸子份量非常多，而且每粒小小的丸子內竟然有黑芝麻餡，十分好吃。

酒釀很多但酒味不會過濃，好味！鴛鴦湯丸 ($28)：只有兩粒，一粒豆沙餡，一粒黑芝麻餡。

我吃了豆沙餡，豆沙不太甜，湯圓皮軟靭適中，薑糖水的甜味和薑味適中，不錯。

連花生小吃、茶錢及加一，埋單共$377，價錢合理。

食物不錯，環境舒適寧靜，適合三五知己聚舊談天。

對於前兩次購買既團購套餐都十分滿意，所以今次再接再勵，見到有大閘蟹餐，就再買黎試下。

因為只有二人及四人套餐，而且兩款菜式有少許分別，所以我地一行八人，就訂左一個四人餐同二個二人餐。

雖然係平日晚上，但人客都多，有八九成滿。

因為係團購關係，於一個多星期前訂位，可是到達才發現沒有訂位記錄，真係百思不得其解！　不過，接待既職員都非常好，立即安排坐位，仲有窗口圓檯，真好！值得一讚！頭盤當然係食涼伴啦！仲有三款咁多，包括麻醬三絲粉皮、水晶肴肉同手撕烤麩。

我自己就特別鍾意麻醬三絲粉皮，因為個麻醬好好味！食完呢三碟都有少少飽！　跟往就係原盅燉湯啦！每人一盅，分別係原盅菜膽飩雞同原盅火朣燉津膽，都幾好味！不過，火朣燉津膽可能因為火腿鹹既關係，盅湯都幾鹹！哈哈！終於到大閘蟹時間啦！一人一隻！之前都攞比我地睇過先去蒸既！雖然隻蟹唔係太大，亦唔係太多膏，但係Ｄ膏就好好味！少食多滋味！又唔會超標！正！食完大閘蟹，侍應即時送上熱熱既薑茶，味道唔太辣，剛剛好！之後，仲有好多野食架！放到成檯都係，有樟茶鴨、上海話梅骨、魚湯浸菜苗同蟹粉小籠包。

樟茶鴨係招牌菜，不過今次就乾左少少，而上海話梅骨就第一次食，幾得意，有淡淡既話梅味，而且細細件，既開胃，又易入口。

而小籠包就當然唔會錯過啦！好鮮味！今次仲有咸肉菠菜砂窩飯同擔擔麵，兩樣味道都好好，分量亦都足，食到非常飽呀！最後，當然唔少得甜品啦！今次係桂花酒釀丸子，丸子裡面仲有紅豆餡架！其實都算好味，不過，酒味唔夠濃，如果可以再加少少就更好啦！整體而言，成餐飯既味道都好好，保持水準，好滿意！而且，我好欣賞呢度侍應既服務，可能人手夠，侍應好快就收碟同加水。

況且團購平左，但食物既分量又冇會減少到，值得繼續支持！

團購o左價值 $728 o既 4 人 9 道菜晚宴, 菜單包括:1) 涼菜薈萃 (本幫燻魚、水晶肴肉、馬蘭頭百頁卷) 全部都好食, 尤其係個燻魚, 唔係淨o係得 d 骨, 而且味道調得好, 唔會過甜2) 紅燒竹笙海皇翅 (每位半両翅) 係真係有翅, 唔係生粉加水加瘦肉3) 鴛鴦河蝦仁 (黃金河蝦仁 + 清炒河蝦仁) 黃金河蝦仁好食, 唔會太油或好滯4) 椒鹽小黃魚 份量十足﹐ 而且炸得o岩o岩好, 好香口5) 金牌樟茶鴨 (半隻) 好香同入味6) 魚湯雲耳浸窩筍 比較清既一個菜, 正好中和一o下其他味道較濃o既菜7) 蘇式鮮肉小籠包 無食到, 但 family 話熱辣辣, 好食8) 奶皇小麻球 好耐無食煎堆喇! 係新鮮整出o黎, 熱辣辣, 唔油膩。

連平時唔食炸o野o既我, 都忍唔住食o左個半, 正!9) 薑汁芝麻湯丸 無食到, 但 family 話好食另外每人有一杯有機豆漿, 包埋茶芥及同一, 超抵食!

自從第一間王家沙在黃埔蔡瀾美食坊開幕後，在香港已經營了超過十年，也斷斷續續不時幫襯。

前年更在銅鑼灣利園開了狀元王家沙，走高檔一點的路線。

這天我們一行三人被安排坐在四人卡座中，顯得格外鬆動，室內枱櫈擺放亦較其他王家沙分店闊落。

先來一個冷盤三絲粉皮，青瓜、火腿及雞絲切得夠幼身，而且大小均一，賣相討好。

此道菜的靈魂絕對是淋上面的麻醬，可謂成也麻醬，敗也麻醬。

先把其拌勻，入口集齊粉皮的煙韌、青瓜的脆及麻醬的香，既簡單又好味，夏天吃尤其覺得清新開胃。

蟹粉小籠包吃得多，把鵝肝混入豬肉餡裡頭還是頭一次吃到。

店家的小籠包個子較鼎泰豐及金滿庭的大，但湯汁卻未算豐盈。

或許是加了鵝肝的原因，吃起來亦較普通的小籠包油膩一點。

而且鵝肝味道有點霸道，少許掩蓋了豬肉餡的鮮味。

或許是我對龍井茶皇BB鴿的期望過大，以致有點失望。

起初還想BB鴿的鴿皮會燻有龍井茶葉的茶香，可惜吃過一口後，雖然鴿皮炸得夠香脆，但一點點茶香也吃不 到，幸好肉質尚算不錯，最起碼鴿胸的位置吃起來也不致於嚡口。

伴碟的炸龍井茶葉，入口帶少許茶澀味，雖然炸得夠香口，但多吃數片已見有點油膩。

其中有一兩片炸茶葉落在餐紙上，滲出頗大的油印，怪不得越吃越油膩。

若果想點一道菜平衡一下，卻又嫌清炒味道過於清淡的話，奶油津白便是一個不俗的選擇。

奶油吃起來很香滑，而且帶有金華火腿的鹹香，搭上津白同吃味道一點也不單調。

我一直也喜歡吃王家沙的擔擔麵，湯底味道香濃，有花生香之餘，亦有點點辛辣使湯底味道更豐富，而且肉碎及花生碎亦下得足夠，不過這個絕對要快點吃，放久了麵條很快便發脹變腍，便大失口感。

蟹粉生煎包上桌時熱騰騰，而且底部煎得夠脆口，單看賣相估計不會差。

此時，當然是不顧燙嘴的 風險，急不及待咬一口，湯汁是多得滿瀉的程度，幸好 有用碗乘著來吃，沒有浪費每一滴湯汁。

但友人說蟹粉味道雖未致於腥，卻有點不太新鮮的感覺，既然店家的煎包的功力不俗，下次或許淨吃鮮肉生煎包更好。

甜品選了棗泥糕，入口煙煙韌韌，軟糯非常，咀嚼間還嚐到紅棗的味道，甜度剛好，平日吃慣高力豆沙，偶爾轉轉口味點一客棗泥糕倒有點驚喜。

整體而言，是次我最滿意的是三絲粉皮、奶油津白及棗泥糕，個人認為王家沙的點心及小吃類做得較好，所以我甚少點小菜或主食等。

另外，點菜時請核對清楚，如小籠包便提供鵝肝、蟹粉及鮮肉三個版本，這天落單時便把鵝肝小籠包落錯為蟹粉小籠包，幸好部長態度有禮並立即幫忙更正。

狀元王家沙餐單提供滬菜, 上海, 中菜館等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金。

您對於銅鑼灣餐廳「狀元王家沙」有何 comment？

狀元王家沙餐廳詳細資料：

• 狀元王家沙地址:
  銅鑼灣恩平道28號利園二期1樓115-116號舖
  Premier Wang Jia Sha, Shop115-116,1/ F, Lee Gardens Two,28 Yun Ping Road, Causeway Bay
• 狀元王家沙電話:  
• 狀元王家沙價錢: $101-200
• 分類: 滬菜, 上海, 中菜館
• 座位: 未知
• 付款: Visa,Master,現金
• FB專頁: 狀元王家沙 Facebook

更多狀元王家沙相關資料:

• 狀元王家沙分店
• Youtube
• Facebook
• Twitter
• Google