牛天神 銅鑼灣

牛天神 評價 相片

💛 牛天神💛.記得科勞  ٩(˃̶͈̀௰˂̶͈́)و些些！..............................我對別天神嘅印象真係麻麻地(｡ ́︿ ̀｡)但呢間食飯嘅姊妹店令我改觀 真係唔錯喎！.🔅想知黃店原因請Dm💛..............................🍽日式咖哩雞扒飯 $60（👏🏻8.5/10）.首先一定要讚佢個雞扒 個皮脆到一個點♪(´ε｀ )雞扒都好大塊 咖哩汁都係咖喱磚開嗰種無咩特別佢嘅紅蘿蔔好腍 薯仔就爽脆 我幾鍾意呀🤤值得一提佢個跟餐面豉湯好夠熱 同埋唔死鹹！.🍽別格牛丼飯 $45（👏🏻7/10）.牛丼飯係單到先扔牛入去個汁到煮 所以出餐唔算快味道唔錯呀 不過牛肉就有啲少同埋碎(｡ì _ í｡)叫多汁所以有多碗牛汁 撈飯一流呀🥳...............................🎈 牛天神 (銅鑼灣)銅鑼灣伊榮街9號地下1號舖..............................

而家又禁晚市，呢間舖頭位置又偏僻，生意一定唔好，有見及此我連續兩晚幫襯外賣自取以示支持。

兩晚自取個陣都係同一個三十幾四十歲既男侍應serve，第二晚佢態度極差呼喝式問我：「咩號碼呀！？」廚房個後生仔同事都即刻幫手想化解咁尷尬既氣氛，竟然畀個位態度極差既同事鬧佢多管閒事！搵啲咁冇禮貌嘅人做侍應，難怪兩晚都冇乜人買緊/等緊外賣，如果呢間野個老闆見到呢個comment仲坐視不理，呢間餐廳關門大吉指日可待！大家支持小店本意良好，但如果助長左呢類型惡劣服務，就會食到一肚氣囉！最後，牛肉飯同雞扒飯味道正常，價錢非常便宜，但你價錢低唔代表你可以任由店員作惡，如果價錢低你覺得賺得少而態度差，你簡直揮霍左眾多支持你兩個餐廳品牌既人既心意！

朋友話附近新開咗一間非常日式既食肆，價錢相宜，於是入內嘗試。

無論是裝飾、格局還是收銀機，都感到好似去咗日本，尤其是部電視長期播住日本賣廚具頻道。

收銀機可選用信用卡或者入紙幣，即使現金不足，亦唔駛捱肚餓。

溫泉蛋牛丼飯上碟就咁望都已經流晒口水，蛋汁好似流緊出黎，忍唔住撈一撈就開餐。

雖然我無特別指示，但店方提供牛肉汁都相當足夠，我食完個飯仲有些少餘下。

麵豉湯足料，有齊海帶、魚乾、味噌三種主要材料，味道不錯！呢個價位係銅鑼灣中心地帶食呢個有質素既Lunch，已經好滿足。

相信各位朋友係哩段時間都會好掛住某橙色🧡黑心既牛肉飯🐮野菜雞扒🐔飯...除左前排有間過江龍黎左不過長期都要大排長龍救星🎇🌟終於到————————————————@ramen_betsu 拉麵🍜💛小店旗下既#牛天神係港島開左哩間💛姊妹店💛小店係用左好似日本🇯🇵咁既自助售賣機既方式點選左自己想食既野就可以乖乖咁坐定定等食啦😄温泉♨️蛋🥚牛🐮丼飯日式咖喱牛丼飯🍛加配野菜🥗完全係熟悉既味道🥰😋肥牛唔會肥到只有肥膏而且牛汁大大碗😛唔怕唔夠汁😉咖喱🍛絕對係日本🇯🇵風味唔會好辣,但味道香濃😛幾十元一個飯,絕對無可挑剔店員服務仲非常好👍🏻喺銅鑼灣食飯但又唔知食咩好就可以黎哩度食番餐！簡單美味😋

位置： 離銅鑼灣中心有小距離，希慎行過去510分鐘環境： 小店，驟眼睇大約1520個座位，聽店員講開業大約一個月，乾淨，唔迫服務： 熱情，當日我地行裝比較大舊，主動比左個位置我地放低。

其後，可能因為聽到我地意見多多，臨走前主動同我地講左五分鐘，問我地有咩意見。

食物： 喺香港食起牛肉飯難免比較SUKIYA，連消費都相若。

我點左牛肉飯　—　同兩家比較：牛肉汁 較濃郁，比較肉 的確比一般食到既透明肥牛高質（希望一路保持）洋蔥 入哂味飯 OK，唔算太粘，有時太粘真係太唔適合香港人口味，哩間既，可以可以。

同附上友人點既咖哩飯　—　如圖，同一般日式快餐店式既咖哩飯唔似，配料好多，正常日式咖哩啦，比較甜果種。

哩個價錢，十分滿意了，希望日後都可以保持。

牛天神餐單提供日本菜, 咖喱等推介美食位於銅鑼灣區，餐廳座位數未知人均消費約$50以下，結賬可以用Visa,Master,現金,AE，Booking訂位可以電話致電 34880015 查詢。

您對於銅鑼灣餐廳「牛天神」有何 comment？

牛天神餐廳詳細資料：

• 牛天神地址:
  銅鑼灣伊榮街9號地下1號舖
  牛天神, Shop1, G/ F,9 Irving Street, Causeway Bay
• 牛天神電話: 34880015
• 牛天神價錢: $50以下
• 分類: 日本菜, 咖喱
• 座位: 未知
• 付款: Visa,Master,現金,AE
• FB專頁: 牛天神 Facebook

更多牛天神相關資料:

• 牛天神分店
• Youtube
• Facebook
• Twitter
• Google